Film izle hacklink kiralık bahis sitesi satılık bahis sitesi Adalet.az | Nicat NOVRUZOĞLU: MÜDİR MƏNİ NİYƏ DANLADI? Adalet.az | Nicat NOVRUZOĞLU: MÜDİR MƏNİ NİYƏ DANLADI? Adalet.az | Ədalət -
ANA SƏHİFƏ / YAZARLAR

Nicat NOVRUZOĞLU: MÜDİR MƏNİ NİYƏ DANLADI?

15168    |   2018-10-04 15:23
Şriftin ölçüsü:
A+ Böyütmək
A+ Balacalaşdır

Bəzən müdiri mən öz maşınımla ora-bura aparmalı oluram. Adamı da o qədər danlayır ki, yavaş sür, yolun sağın götür, solun götür, qabaqdakı maşından ehtiyatlı ol.

- Müdir, vallah, görürəm.

- Axmaq, axmaq danışma . Heç görmüsən ki, kimsə gözünü yumub maşın sürsün? Hamı görür də! Bəs, onda bu qəzalar niyə olur? Mən olmayanda bu maşını nə təhər sürürsünüz?

Uşaqlar deyir ki, Şumaxer də müdirin sürücüsü olsa, dünyanın bir nömrəli avtoşunu danlayacaq ki, pis sürürsən. Amma özü qırx ildən çoxdu maşın sürür, mən onun yanında Şumaxerəm.

Bir də görürsən bütün günü müdiri gəzdirməli oluram. Səhər danlayır ki, bu gün qəzetdə niyə yazın çıxmayıb? Deyə bilmirəm ki, bu gün qoymusan işdə oturam? Neyniyim, müdirdi də.

Heç futbolla aram yoxdu. Futbol olanda axşam da çağırır ki, gəl gedək futbola. Futbola getmək öz yerində, gərək 90 dəqiqə də «Qarabağ-Qarabağ» çığıram. Hər oyundan sonra da iki-üç gün səsim batır.

Yenə gedirik. Deyir, yaz də, bir belə mövzu var, niyə yazmırsan?

- Nəyi yazım , müdir?

- Bax, Bakıda az qala bir milyon maşın var, bunların da 90 faizi siqaret çəkir, hələ yanındakılar da. Sonra da ədəbsizcəsinə atırlar küçəyə, şəhəri zibilləyirlər. Süpürgəçilər süpürməkdən yorulur, hələ görmürsən maşın da vurur onları. Yaz, müzakirə mövzusu aç. İctimai qınaq çox ciddi məsələdi. Bax, susuruq deyin, ictimai qınaq yoxdu deyin, kim nə istəyir eləyir. Bax, bax, qabaqdakı maşına, mədəniyyətsiz, siqareti atdı küçəyə. Budey, onun şəklini çək, ver qəzetə, qoy utansın.

- Müdir, gəlib adamı döyərlər ey.

- Qələt eləyərlər, iki metr boyun var, səni döymək olar?! Bax, işə qayıdan kimi bunu yazarsan

Sonra müdir pəncərəni açdı əlindəki siqareti çırtmayla atdı bayıra.

- Ə, nemes, birdən bunu da yazarsan ey.

- Ağzım nədi, müdir.

Mən də yazmadım. Dedim, hirslənib işdən çıxarar.

P.S. Bu yazı siqaret cərimələrindən əvvəl yazılıb – 01. 05.2018.




İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2019-09-18
2019-09-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (50%)
"Sevilya" (50%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK