ANA SƏHİFƏ / YAZARLAR

Aqil ABBAS:Allahverdi Bağırovun məzarı da, başdaşı da ürəklərdədi

17659    |   2018-07-31 11:36
Şriftin ölçüsü:
A+ Böyütmək
A+ Balacalaşdır

Eləcə də bütün şəhidlərin. İki-üç gündü Zara söhbəti səngiməmiş təzə bir mövzu atılıb ortalığa. Həm dışarıdakı, həm də içəridəki düşmənlər bu xalqın əsəbləri ilə oynamağı çox yaxşı bacarır. Bunu yazdırarkən bilgisayardakı xanım qayıtdı ki, məllim, bu xalqın əsəbi qalıb ki? Mən də dedim, qalıb, qızım, qalıb, sən yazını yaz.

Deməli, belə. Ermənilər youtubedə bir video yerləşdiriblər. Qarabağ savaşının əfsanəvi qəhrəmanı Allahverdi Bağırovun Ağdamdakı məzarını dağıdıblar, başdaşını aparıb Xankəndində yüzlərlə insanın gözü qabağında parçalayıblar. Təbii ki, bu da xalqımızı hövsələdən çıxarıb. Əslində o qədər də yox. Hövsələdən çox çıxmış olsaq, əlimizə yabadan-baltadan götürüb çıxıb gedərik evimizə-eşiyimizə.


Gələk mətləbə. Ağdamda üç şəhidlər qəbiristanlığı vardı. Kənd əhalisi öz şəhidlərini götürüb aparıb öz obalarında dəfn edirdilər. O üç şəhidlər qəbiristanlığı şəhər əhalisinə aid idi.

Biri qədim qəbiristanlığımız olan Qarağacıdaydı. Biri Böyük Vətən Müharibəsində həlak olanlara ucaldılmış abidənin yerləşdiyi park idi. Şəhərin içindəydi. Sonra ora da doldu.

Üçüncüsünü açdılar Uzundərədə. Ora da dolanda Ağdam işğal olundu (day bir rayonda nə qədər igid adam ola bilər ki?!), dördüncüsünə ehtiyac qalmadı.

Allahverdinin məzarı da abidənin yerləşdiyi parkdaydı. Və digər şəhidlərin başıdaşısı da üstünə şəkil vurulmuş dəmir lövhədən ibarətiydi. Yəni Komandirin başdaşısı döyüşçülərinin başdaşından fərqlənmirdi.

İndi deyirlər ki, həmin məzarı dağıdıblar. Bu mümkün deyil. Nə Allahverdinin, nə də heç bir şəhidin məzarını və başdaşısını heç kim dağıda bilməz. Çünki onların məzarları bizlərin ürəyindədi. Başdaşıları da bizlərin ürəyindədi.

Onların məzarı və başdaşıları bilirsiniz nə vaxt dağılacaq?! Onları sevənlər və tanıyan bizlər başdaşına çevriləndən sonra.

Çıxın küçəyə soruşun, görün neçə nəfər Böyük Vətən Müharibəsində həlak olmuş azərbaycanlı Sovet İttifaqı Qəhrəmanlarının adını bilir. Mehdi Hüseynzadə ilə Həzi Aslanovdan başqa heç kimi tanımayacaqlar. Çünki onları tanıyanlar da artıq başdaşına çevriliblər.

Qarabağı azad etməsək hələ ki ruhları yaşayan bütün şəhidlər bizlərlə birgə ikinci dəfə öləcəklər.

Bu məsələ ilə bağlı sosial şəbəkələrdəki şərhlərdə bir şərəfsiz Allahverdi Bağırova laf atmışdı. Məni o məzarın ermənilər tərəfindən dağılmasından daha çox həmin şərəfsizin Allahverdiyə atdığı laf ağrıtdı.

Mövzuya qayıdacam.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2020-07-13


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.89%)
Pullsuz (11.11%)

ÇOX OXUNAN
GÜNÜN LƏTİFƏSİ
Çili diktatoru Pinoçet bir gün görünüşünü tanınmaz halda dəyişərək kinoteatra gedir. Heç kim onu tanımır. Işıqlar sönür,film başlayır. Filmin bir səhnəsində Pinoçetin bir görüntüsü ekrana gəlir. Kinoteatrdakı hər kəs ayağa qalxıb alqışlayır və Pinoçetin lehinə şüarlar səsləndirir. Bu hal Pinoçetin çox xoşuna gəlir. Yanındakı adam Pinoçetə doğru əyilərək deyir:

-Dostum, kinoteatr mülki polislə doludur. Bu şərəfsiz üçün özünü asdırmağa dəyməz. Ayağa qalx, sən də alqışla.




digər lətifələr
ARXİV
FACEBOOK