ANA SƏHİFƏ / YAZARLAR

Xalid KAZIMLI: Masonların həm faydalı, həm zərərli icadı

26482    |   2017-03-07 12:13
Şriftin ölçüsü:
A+ Böyütmək
A+ Balacalaşdır

Dünən facebook sosial şəbəkəsinin faydaları və zərərləri barədə düşünərkən (səbəbləri vardı), birdən elə həmin şəbəkədəcə belə bir status gördüm:


"Sizcə, Marka (feysbuku yaratdığına görə) təşəkkür düşür? Əsaslandırsanız, minnətdar olarıq”.
Statusun müəllifi İlqar Kamil idi.


Bir neçə nəfər də statusa şərh yazmışdı və biri qeyd edirdi ki, bu şəbəkə masonlar tərəfindən yaradılıbsa, ona niyə təşəkkür düşməlidir.


Şərh sahibi davam edərək yazırdı ki, onların fikri insanları Allah yolundan yayındırmaqdır və buna nail olurlar.


Qeyd edim ki, bu fikir çoxdan var və müxtəlif ölkələrdən olan müsəlmanlar elə hey deyirlər ki, facebook müsəlmanları din yolundan sapdırmaq üçün icad edilib. İntəhası, bu şəbəkənin üzvü olan müsəlmanlar hər halda xristianlardan çoxmuş kimi görünür. Özləri də, maşallah, çox fəaldırlar, hətta bu şəbəkədən istifadə edərək, din-məzhəb təbliğatı aparırlar. İnşallah, axırı yaxşı olar.


Sözügedən statusa şərh yazan daha bir nəfər isə problemə pozitiv prizmadan yanaşmışdı: "Məncə, yalnız təşəkkür düşür. Çünki Mark bu sosial şəbəkəni insanların bir-biri ilə əlaqə saxlaması, yeni dostluqlar edinməsi (belə yazıb), hər gün yeni məlumatlar öyrənməsi, boş vaxtlarını səmərəli keçirməsi üçün yaradıb”.


Bu qardaş da düz deyir. Sadəcə, keşkə masonlar biz müsəlmanları din yolundan sapdırmaq məqsədi güdməyəydilər. Bununla belə, proses göstərir ki, biz də masonları öz silahları ilə vurmağa başlamışıq -şəbəkəni fəth etmişik.


Səmimisini deyim ki, mən bu sosial şəbəkəni yeni əsrin möcüzəsi sayıram. Otururuq, tutaq ki, Sulutəpədə, Çikaqodakı dostumuzla görüntülü danışır, müzakirə aparırıq, bir-birimizə bağlantılar göndəririk, qruplar düzəldirik, informasiyalar bölüşürük, sözün məcazi və əsl mənasında əlçatmaz olan insanlarla ünsiyyət yaradırıq və sair və ilaxır.


Əlbəttə, bütün bunları edərkən masonları, eləcə də hər birimizin profillərimizi izləyən, barəmizdə kəşfiyyat məlumatları toplayan (artıq nəyə lazımdırsa) SİA-nı (MKİ) da unutmaq olmaz. Çalışmalıyıq ki, onların bizi idarə etməsinə, özümüz və xalqımız barəsində informasiya toplamasına şərait yaratmayaq. Yaramazlar hər şeyi bacarırlar.


Sadəcə, bir çox soydaşlarımızın facebookdan istifadə üsulları xoşuma gəlmir. Hiss olunur ki, adamlar bura başqa məqsədlə girirlər. Bir çox məkrli insanlara baxanda, sosial şəbəkəyə, jarqon ifadə ilə desək, "qız tutmağa” girən cavan uşaqların məqsədi daha ülvidir. Bəziləri isə burada yalnız kimisə qaralamağa, ifşa etməyə, pisikdirməyə, qisas almağa, öz başıxarablığını dünyaya göstərməyə girirlər.
O üzdən bizim ölkədə facebook iti bıçağa oxşayır - bəziləri ondan çörək doğramaq üçün yararlanır, bəziləri - adam vurmaq üçün.
Əslində facebooku baltaya da bənzətmək olar. Bəziləri bu "balta”dan odun yarmaq, xarratlıq eləmək üçün istifadə edir, bəziləri də - yıxılanı baltalamaq üçün.


Burada hər şeyə dözmək olur - gündə yeddi şəklini qoyan özünübəyənmişlərə də, şeirli-bayatılı romantik statuslar yazan ağsaqqallara da (az-az aralarında ağbirçəklər də olur), özünü status yazandan sonra intihar edəcəkmiş kimi aparanlara da, adamı qruplara əlavə edən, tez-tez "səhifəmi bəyənin də” deyə xahiş-tələb göndərənlərə də və s. Amma hər söhbətə, türkün sözü, maydanoz olanara, ən ciddi məsələlərə dair müzakirələrdə Cem Yılmazlıq edənlərə, özünü eyzən "haqq-ədalət keşikçisi və çarçısı” kimi aparanlara, bir adamın sözündən, yazısından yapışıb, onu hədəfə çıxaran və söydürənlərə, başqa dövlətlərin rəhbərlərinin təəssübünü çəkənlərə dözmək olmur.


Dözülməsi mümkün olmayan başqaları da var, amma onların haqqında nəsə yazsam, özlərini tanıyacaq və məndən inciyəcəklər.
Hər halda, düşünürəm ki, masonların bu möhtəşəm icadının faydalı tərəfləri zərərli şeylərindən daha çoxdur.


P.S. Görəsən, bir neçə milyardlıq buddistlər ordusu da narahatdırmı ki, facebook onları Buddanın yolundan sapdırmaq üçün icad olunub.




İmza:

YAZARIN ARXİVİ

Ücretsiz php script indir film izle hd film izle ikinci el eşya alanlar shell indir hacklink satışı
SON XƏBƏRLƏR
2018-11-16
2018-11-15


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ
Əli Səmid girir mağazaya, satıcıya:
- Sizdə boks əlcəyi var?
Satıcı:
- Yox.
- Bəs üzgücülük üçün şapka?
- Yoxdu.
- Futbol topu necə?
- Qardaş, bura Şərab mağazasıdı, ancaq spirtli içkilərdi.
- Yaxşı, onda bir araq ver.
Əli Səmid əllərini göyə qaldırıb:
- Bax Allah da şahiddi ki, idmanla məşğul olmaq istəyirdim, genə alınmadı.




digər lətifələr
ARXİV
FACEBOOK