ANA SƏHİFƏ / YAZARLAR

MEHRİBAN DÜŞMƏNLƏR…

Faiq QİSMƏTOĞLU

27047    |   2017-01-19 16:43
Şriftin ölçüsü:
A+ Böyütmək
A+ Balacalaşdır

… Bilmirəm, sizin belə «düşmənlərlə» ünsiyyətiniz, dotsluğunuz, yoldaşlığınız olub-yoxsa olmayıb?! Ancaq bir onu bilirəm ki, çoxlarınızın süfrəsinin başında elə-belə «mehriban düşmənlər» əyləşiblər. Əslinə qalanda hamımız onlara qardaş, dost, sirdaş demişik. Demişik ki, onlar bizim ən yaxınımız, doğmamız və can-ciyərimizdi...

Can-ciyər dedim yadıma bir əhvalat düşdü. Çoxdan tanıdığım bir dostumuz həmişə bu can-ciyərindən ağız dolusu danışardı. Deyərdi ki, bizim bircə yatdığımız yer ayrı idi. Yəni səhərdən axşama qədər bir yedrə olardıq, yeyib-içərdik və kef çəkərdik. Hətta ailəmiz də, uşaqlarımız da günlərini bir yerdə keçirərdilər. Nə başınızı ağrıdaq, bu kişilər bir tikə çöyrəyini iki yerə bölərmişlər.

Bütün sirrini, bütün varını-dövlətinin yerini bu dostu bilirmiş. Bir gün elə olur ki, can-ciyəri çox götür-qoy eləyir və onun evdə saxladığı 200 min manat pulu yerli-dibli götürüb aparır. Dostu evə qayıdanda görür ki, lələ uçub yurdu qalıb. Yəni gözünü dikdiyi o pulların heç biri yerində tapılmır. Çoxlarından şübhələnir, çoxlarından ürəyində qara qalır və heç ağlına gəlmir ki, bunun başına açılan oyunu bu can-ciyəri eləyib. İstintaq orqanlarına şübhələndiyi adamların hamısının adını verir. Təbii ki, hüquq-mühafizə orqanları da bu adamları danışdırır, ifadəsini alır və görürlər ki, bu işdən heç bir xəbərləri yoxdur. Hətta onların əl və ayaq izləri də götürülür və heç biri təsdiqini tapmır.

Kişinin səbri bir tikə olur. Həmin vaxt da bu can-ciyəri onun stolunun başında əyləşib özünü elə göstərir ki, dostunun halına yanır, vəziyyətinə acıyır. Necə olursa, müstəntiqlərdən biri həmin adamı da sorğu-suala çəkir. Bu anda kişi imkan vermir ki, istintaqçılar can-ciyərini danışdırsınlar. Deyir ki, bu kişiylə mən 50 ilə yaxındır çörək kəsirəm. Ondan heç vaxt pis şey görməmişəm və razı deyiləm ki, şübhəli şəxs kimi dostluq elədiyim, çörək kəsdiyim adamı istintaqa çəkəsiniz…

Müstəntiq isə dediyindən dönmür, bu can-ciyəri sabahı gün idarəyə dəvət eləyir. Bir-iki «krutoy» sualdan sonra həmin kişinin səsi titrəyir və özünü bir qədər şübhəli aparır. Müstəntiqin yenidən bir-birinin ardınca çaşdırıcı suallarından sonra kişi hər şeyi etiraf edir və elədiyi oğurluğu boynuna alır, pulların da yerini deyir. Deyir ki, həmin pulları bağ evimdə gizlətmişəm, gedəyin göstərim. Ancaq üstündən 10 min manat xərcləmişəm…

Dostu bu xəbəri eşidəndə əvvəl inanmır. Sonra müstəntiq ona bildirir ki, sənin pulların tapılıb və onu da can-ciyərin oğurlayıbmış. Kişi bu xəbəri eşidəndə sevincindən çox dərd onu götürür. Nə təhər əsəbləşirsə ürəyinin ağrısı tutur, onu təcili xəstəxanaya aparırlar, kordioqrama eləyirlər, infarkt olduğu aydınlaşır. Bax, bu da can-ciyərin, 50 ilin dostunun «sədaqəti»…

Bilmirəm, bu cür əhvalatlar sizin başınıza gəlibmi? Amma mənim tanıdığım, gördüyüm və bildiyim neçə-neçə dostun başına bu cür əhvalatlar gəlib. Hətta onların biri evindən külli miqdarda pul oğurlamış qudasının oğlunu bağışlayıb da. Görürsünüz, hələm-hələm oğulun işi deyil ki, ona xəyanət eləyəni, başını pambıqla kəsəni, kürəyinə bıçaq saplayanı bağışlasın. Görün bu adamın ürəyi nə boydadı ki, bu addımı atıb. Bəs görəsən, qohumu bundan nəticə çıxarıbmı və ikinci dəfə ona xəyanət etməyəcəkmi? Bunu isə gələcək göstərəcək. Hər halda, ataların gözəl bir deyimi var: «İtlə dostluq eləsən də, ağacı əlindən yerə qoyma. Çünki o hər an səni tuta bilər».

Bu «mehriban düşmənlər» çoxumuzun süfrəsinin arxasında əyləşirlər. Özümüz də bilmədən ürəyimizin sirrini, qəlbimizin sevincini, gizlin nəyimiz varsa, onlarla bölüşürük. Amma bu o demək deyil ki, elə sürfəmizin arxasında əyləşənlərin hamısı ipiqırıqdı və «çürükdü». O qədər sədaqətli, etibarlı, çətin və ağır gündə bir-birinə arxa-dayaq olan insanlar var ki?! Təbii ki, belələrini barmaqla saymaq olar.

Bir-biriylə dostluq eləyir, uşaqları bir yerdə böyüyür, uzun müddət çörək kəsirlər və hər hansı biri yüksək vəzifəyə qalxanda o dəqiqə o birisi onun paxıllığını çəkir və qeybətini eləyir. Bəzən də əksinə olur. Yuxarıya qalxan o imkanlı adam əvvəlki dostunu, onun ailəsini, uşaqlarını yaddan çıxarır və özünə təzə «dostlar» tapır. Çünki köhnə kimə lazımdır?

Siz heç ona da fikir vermisiniz ki, təzə ev alanda, təzə maşın sürəndə sizinlə qəlbir olan necə rəng alıb rəng verir? Sanki onun evini-eşiyini və maşını almısan. O qədər qaralır ki, çırtma vursan qan çıxar. Çünki paxıllıqdan içini, qəlbini və ən nəhayət varlığını xırt yeyir…

Hamının dostu da var, tanışı da. Amma biz çox vaxt ağır zərbəni düşməndən yox, o dost dediyimiz adamlardan alırıq. Ona görə də belə bir deyim də var: «Allah məni dostlarımdan qorusun, düşmənlərimlə bacararam». Belə çıxır ki, indi çox adama o qədər də bel bağlamaq, arxa çevirmək müşkül məsələdi. Gərək bel bağlayanda, arxa çevirəndə biləsən ki, kimə söykənirsən. Yoxsa gədənin biri sənin imkanlı vaxtından istifadə eləyəcək. Elə ki, ayağın büdrədi, bax onda kürəyinə bıçaq saplayacaq…




İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-06-19
2018-06-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Sizcə bu komandalardan hansı çempion olacaq?

Braziliya (25%)
Argentina (12.5%)
İspaniya (12.5%)
Almanıya (50%)
Fransa (0%)

ÇOX OXUNAN
GÜNÜN LƏTİFƏSİ
Zakir Fəxri axşam maşını blokun qabağında saxlayır, pəncərəsinə də bir kağız yazıb yapışdırır ki, maşının radiosu yoxdu, maqnitofonu yoxdu, motoru yoxdu, mobil telefonu da özümlə götürmüşəm.
Səhər gəlib görür ki, kağıza yazıblar ki, "Ta onda təkərləri nəyinə lazımdı ki?!




digər lətifələr
ARXİV
FACEBOOK