Film izle hacklink kiralık bahis sitesi satılık bahis sitesi Adalet.az | «BÖYÜK OYUN» MƏNİ NİYƏ KÖVRƏLTDİ?! Adalet.az | «BÖYÜK OYUN» MƏNİ NİYƏ KÖVRƏLTDİ?! Adalet.az | Ədalət -
ANA SƏHİFƏ / YAZARLAR

«BÖYÜK OYUN» MƏNİ NİYƏ KÖVRƏLTDİ?!

Aqil Abbas

57573    |   2016-04-12 16:43
Şriftin ölçüsü:
A+ Böyütmək
A+ Balacalaşdır

«Xəzər-Lənkəran»la «Neftçi»nin «Böyük oyun»u son illər izlədiyim, hətta «Barselona-Real» matçından da maraqlı gəldi. Hətta kövrəldim də. Ağdamın 2 saylı məktəbində oxuduğum illər, məktəbin həyətində top qovaladığımız zamanlar gözümün qabağından keçdi.

Xosrov müəllim (jurnalist Vasif Quliyevin dayısı) topu atırdı ortalığa, qov ki qovasan. Mən bu məktəbə Ağcabədinin bir kəndindən sonralar gəldiyim üçün bir az «çujoy» sayıldığımdan (bunlar da şəhər uşağı), çox zaman «zalatoy zapas»da otururdum, gözləyirdim görüm kimin qolun-qılçın əzəcəklər ki, «Abbasov qardaşları» da məharətini göstərsin.

Bəli, Xosrov müəllim topu atırdı ortalığa, qov ki qovasan. Azarkeşlərimizin sayı da «Xəzər-Lənkəran»-«Neftçi» «Böyük oyun»un azarkeşlərinin sayından bir az çox olardı. Amma bizim azarkeşlər bizi söymürdülər, bir-birləri ilə dalaşmırdılar ki, polis gəlib dalaşanları saxlasın.

Xosrov müəllim topu atırdı ortalığa, «bey-beqi». Bizim də «Böyük oyun» olurdu, rus bölməsinin uşaqları ilə oynayanda. O zamanlar rus bölməsində oxuyanların hamısına elə rus kimi baxırdıq. Ölümünə oynayırdıq. Başqa vaxtlar hakimsiz oynasaq da, rus bölməsi ilə oynayanda meydançaya hakim də çıxırdı. Özü də hakimi başqa məktəbdən gətirirdilər ki, tərəfkeşlik etməsin. Çox vaxt hakimliyi də məşhur futbolçumuz Vüqar Nadirovun atası General Ərşad (Qarabağ müharibəsində batalyon komandiri, döyüşlərdə qəhrəmancasına şəhid oldu) edərdi. İndi hakimlər çox vaxt «Neftçi»nin tərəfini saxladığı kimi, General Ərşad da təbii ki, bizə üz görürdü.

«Xəzər-Lənkəran»la «Neftçi»dən fərqli olaraq bizim məşqçilərimiz yox idi ki, həftə səkkiz mən doqquz dəyişəydilər. Kapitanların (kapitanlar da adətən vurub-tutan oğlanlar olurdu) sözü və hərdən yağlı söyüşləri uşaqların oyununu tənzimləyirdi. Allahverdi Bağırovun (Qarabağ döyüşlərində şəhid oldu, batalyon komandiriydi, Azərbaycanın Milli Qəhrəmanı) ən ağır bir söyüşü vardı: «Ay səni çörək tutsun».

«Xəzər-Lənkəran»la «Neftçi»nin «Böyük oyun»unu çox maraqla izlədim, hətta «Barselona»-«Real» Madrid matçından da maraqlı gəldi mənə. Kövrəldim də. Orta məktəbdə oxuduğum illərdəki top-top oynamağımız gəlib keçdi gözlərimin önündən. Bax, biz də «Xəzər-Lənkəran»la «Neftçi» kimi gözəl top-top oynayırdıq. Sadəcə olaraq, bizim məşqçilərimiz yox idi, bir də bunların topu bizim topdan çox bahalıdı. Həm də biz köynəklərimizə nömrələri rənglə yazırdıq, bunların köynəkləri «zavadskoy» yazılıdı.

P.S. Və bizim top-top oynadığımız uşaqların çoxu Qarabağ müharibəsində şəhid oldular və elə qaldılar Ağdamda!




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK