ANA SƏHİFƏ / YAZARLAR

HEÇ NƏYİN YOXDU...

47725    |   2015-09-19 01:14
Şriftin ölçüsü:
A+ Böyütmək
A+ Balacalaşdır

Yəqin hamınızın başına bu danışacağım əhvalat gəlməmiş deyil. Ən çox da həkimə üz tutanda, müayinə olunanda adam az qala deyiləcək cavabdan ürək-göbəyini yeyir. Ən azından ona görə ki, həkimin ona deyəcəyi sözdən çox şey asılı olur.
Müasir təbabətdə ən ağır xəstəyə belə həkim çox şeyi demir. Başqa sözlə demiş olsaq, onun ümidlərini, yaşamaq eşqini söndürmək istəmir. Həkim bilir ki, o xəstənin vəziyyəti, durumu o qədər də ürəkaçan deyil. Yəni xəstənin işi həkimlik deyil, Allahdan asılıdır. Hər hansı insanın da nə qədər yaşayacağını və ömür sürəcəyini heç bir həkim təyin edə bilməz. Kimin nə qədər ömür yaşayacağını ancaq Allah-Təala bilir.
Xəstə var ki, ona həkimlər bir ay yaşayacağını bildiriblər. Bir ay ötüb, il dolanıb yenə xəstə dünyasını dəyişməyib. Və günlərin bir günündə xəstə həkimin yanına gedəndə onun durumuna məəttəl qalıb. Görüb ki, xəstə tamamilə başqa bir durumdadı, səhhəti də normaldı. Təbii ki, bu da Allah-Təalanın işidir. Çünki ömrü verən bayaq dediyimiz kimi, Ulu Yaradandır. Və biz insanlar da heç vaxt Allah-Təalanın işinə qarışa bilmərik.
Bizim kənddə çox savadlı və təcrübəli bir həkim vardı. Daha doğrusu, həkim mənim anamın doğmaca xalası oğlu idi. Biz də ona Hidayət dayı deyərdik. Çünki dayımızdan çox o, bizim evə gəlib-gedər və rəhmətlik atamı müalicə edərdi. Ən ağır xəstəni və ümidsiz adamı onun yanına gətirəndə rəhmətlik Hidayət dayı deyərdi ki, a kişi, vallah, sənin heç nəyin yoxdu, get qaymaqdan-baldan ye, inək südündn iç. Buz baltası kimi möhkəm olacaqsan. Həmin adam da Hidayət həkimə inanırdı və onun yanından çox nikbin hisslərlə geri dönürdü.
Bir dəfə Hidayət dayıdan soruşdum ki, sən ağır xəstələrə deyirsən ki, heç nəyin yoxdur, axı o, pis vəziyyətdədir?
Hidayət dayı fikirləşmədən dilləndi:
- Bacıoğlu, mən də bilirəm onun səhhəti yaxşı deyil, ancaq heç vaxt bu cür xəstələri dava-dərmanla həyata qaytarmaq mümkün deyil. Mənim bir sözüm ona ən şəfaverici dərmandan güclü təsir edir. İnanmırsan, dədəndən soruş, gör onun çətin vəziyyətində dərman kömək eləyir, yoxsa mənim sözüm?!
Bəli, bu doğrudan da belə idi, çünki mənim atam düz Moskvaya qədər gedib özünü müalicə elətdirmişdi. Hər il də ya Yesentukiyə, ya da Kislovodskiyə gedərdi, amma ordakı həkimlərin heç birindən razı deyildi. Evə qayıdanda deyərdi ki, vallah, Hidayətin yerini heç bir həkim verə bilməz. Zalım oğlunun bir sözü mənə dava-dərmandan daha yaxşı təsir edir.
Bir dəfə elə oldu ki, atam Bakıya bizə gələndə ürəyinin ağrısı tutdu. O həkim qalmadı ki, üstünə gətirməyək. Həkimlər kardioqrama elədi, bizə dedilər ki, atanız mikroinfarkt keçirib, bir az diqqətli olun! Biz də atamızın infarkt keçirməsini ona bildirmədik. Böyük qardaşım tələm-tələsik özünü Bakıya çatdırdı. Atamın durumu lap yaxşı idi, amma buna baxmayaraq kişi dedi ki, ay oğul, gəlirdin gəlirdin də, heç olmasa Hidayət dayını da özünlə gətirərdin. Yenə son anda Hidayət dayıya daha çox inanırdı. Elə onu da yaşadan göydə Allah, yerdə Hidayət həkim olmuşdu.
Hidayət həkim də elə-belə adam deyildi ha, Füzulidə barmaqla göstərilirdi. Deyirdilər ki, ölünü Hidayətin üstünə aparsan dirildəcək. Ən ağır xəstələri yanına gətirirdilər, o da müalicə edib ayağa qaldırırdı. Çoxları Bakıya getməzdi, Bəhmənliyə gəlib Hidayət həkimi tapardı. İşdən sonra isə Hidayət dayı həddindən çox bədii ədəbiyyat mütaliə edərdi. Onun bir kitabxanası vardı ki, adam baxanda məəttəl qalırdı. Gecə saat 2-3-ə qədər kitab oxuyardı və məclislərdə də həmişə tamadalıq edərdi. Elə səmimi, şirin danışardı ki, söhbətindən doymaq olmurdu. Sanki hər sözündən, kəlməsindən bal damırdı.
İnsanların inandığı adam, xüsusən də həkimlər ona "qorxma" deyəndə həmin xəstə heç vaxt həyəcan keçirməz. Mənim qardaşım da Türkiyədə olanda türk həkimlərindən çox Rafiq Yusifliyə inanırdı. Deyirdi ki, Rafiq hamıdan güclü kardioloqdu. Onun yazdığı reseptə türk həkimləri bir söz demədi. Bircə onu dedilər ki, bu resepti kim yazıbsa, çox savadlı kardioloqdur. Əvvəldən də Rafiq Yusifli qardaşıma ürək-dirək verərək deyirdi ki, sən elə ağır xəstə deyilsən və tezliklə əməliyyatdan sonra hər şeyi arxada qoyacaqsan. Şükür Allaha, hər şey də arxada qalıb.
Allah rəhmət eləsin Hidayət dayıya, indi bizim kənddə anamın bir xalası oğlu da var - Mənsum dayı, o da təqaüdə çıxsa da yenə çoxlu sayda xəstələr onun yanına gətirilir. Mənsum dayı da rəhmətlik Hidayət həkim kimi insanlara birinci ümid, inam verir və sonra da bacardığı müalicəni edir. İndi kəndimizdə çoxları cavanların yanına deyil, Mənsum dayının yanına müalicə olunmağa gedirlər. Çox vaxt pul da almır. Çünki bilir ki, həmin adamın durumu yaxşı deyil, amma sözünü deyir: "Sənin heç nəyin yoxdu". Təbii ki, bu sözü də eşidən hər hansı xəstənin yaşamaq eşqi daha da güclənir və hər şeyi arxada qoyur...

FAİQ QİSMƏTOĞLU


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (73.33%)
Yox (26.67%)

ÇOX OXUNAN
GÜNÜN LƏTİFƏSİ
Bir gün üç tənbəl istidə yol gedirlər. Görürlər ki, armud ağacı var. Armud ağacının kölgəsinə uzanırlar.
Tənbəlin biri deyir ki, nə bu armud qırıla düşə ağzıma yeyəm. O biri deyir nə məni aparıb o göldə çimizdirib gətirələr bura. O biri tənbəl:
- Ərinmirsiniz danışırsınız.



digər lətifələr
ARXİV
FACEBOOK