ANA SƏHİFƏ / YAZARLAR

ASTA SÜR MAŞINI, AMANDI SÜRÜCÜ!

48364    |   2015-08-09 23:49
Şriftin ölçüsü:
A+ Böyütmək
A+ Balacalaşdır

Kimdi asta sürən? Bu onu ötür, o bunu keçir və başlayırlar avtobusda əyləşən sərnişinlərin taleyi ilə oynamağa. Bu "saqqallı uşaqlar" heç nəyi veclərinə almadan yol hərəkəti qaydasını pozur, harda gəldi avtobusu saxlayır və bəzən də qazı basaraq sürəti artırırlar. Axı arxadan eyni marşrutda işləyən avtobus ona yaxınlaşır...
Avqustun 2-də metronun "Neftçilər" stansiyasından Yeni Günəşli yaşayış sahəsinə işləyən 50 nömrəli marşrutda iki avtobus sürücüsü bir-biriləri ilə sanki yarışa çıxmışdı. Həmin gün saat 14:00 radələrində bu marşrutda işləyən iki avtobus bir-birinə aman vermirdi. Əvvəlcə metronun "Xalqlar dostluğu" stansiyasının yanındakı dayanacaqda möhkəm mübahisə elədilər. Bu dedi ki, mənim vaxtıma girmisən, o biri də dedi ki, sən məni qabaqlamısan. Bir təhər yenidən sükan arxasına əyləşdilər və başladılar ötüşməyə.
Yeni Günəşlidə Kərpic zavodunun yaxınlığında o biri avtobus yenidən bizim əyləşdiyimiz avtobusun qabağında dayandı. Daha doğrusu, qəsdən sürücü onun yolunu kəsdi və sükan arxasından düşüb təzədən mübahisəyə başladılar. Yol kəsildiyinə görə, digər avtomobillər də dayanmışdı. Bir qədər mübahisədən sonra sakitləşdilər. Əyləşdiyimiz avtobusun sürücüsü dispetçerlə telefonla danışdı. Dedi ki, bu qoyunu kim buraxıb xəttə? Mən sənədləri göstərəndən sonra kor gözü ilə gördü ki, indi o mənim vaxtıma girir və məndən sonra gəlməlidi. Hansı ki, məndən qabağa düşüb camaatı yığıb aparır. Dispetçer telefonda sürücüyə nə dedisə sakitləşdi və sürücü öz-özünə deyindi: "İlan ulduz görməsə ölməz. İndi dispetçer təpindi deyin gözdən itdi, lap payını aldı".
Görürsünüzmü, iki sürücünün səhlənkarlığı üzündən son nəticədə sərnişinlər narahat olur və həyəcanlı anlar yaşayırlar. Biz onu başa düşmürük ki, Bakıda bugünə qədər niyə bir çox marşrutlarda qayda-qanun yaradılmayıb?! Yəni kim necə istəyir, elə də avtobusu idarə edir. Fikirləşən yoxdu ki, bu avtobusda əyləşən sərnişinlər hansı çətinliklə üzləşirlər. Bir də görürsən ki, naşı bir sürücü qəfil əyləci basdı və ayaq üstə duran sərnişinlər bir-birinin üstünə yıxıldılar. Hələ bəzən də elə hadisə baş verir ki, özünü saxlaya bilməyən sərnişin yıxılanda ya qolu sınır, ya da qılçı.
Burdan belə bir məntiqi nəticə çıxır ki, biz sərnişinlərin işi Allaha qalıb. Əgər belə olmasaydı, avqustun 2-də Yasamal istiqamətində hərəkət edən 39 nömrəli marşrutda ölüm hadisəsi baş verməzdi. Belə ki, sürücülük hüququ olmayan Taleh Məmmədov isti havada avtobusu qapısı açıq idarə edib və bu zaman da avtobusda olan Ağsu rayon sakini Xəzəngül Sadıxova yıxılaraq kəllə-beyin travması alıb. Onu xəstəxanaya çatdırsalar da, ağır xəsarət almış xanım xəstəxanada dünyasını dəyişib. Faktla bağlı Yasamal Rayon Polis İdarəsinin istintaq şöbəsində Cinayət Məcəlləsinin 263-1.3-cü maddəsilə cinayət işi başlanıb. Və hüququ olmadan nəqliyyat vasitəsini idarə edən Taleh Məmmədov tutularaq istintaqa cəlb olunub.
Gördünüzmü, sürücünün adi bir səhlənkarlığı sərnişinin ölümü ilə nəticələnir. Bu cür dırnaqarası sürücülər Bakı şəhərində istənilən qədərdir. İnanmırsınız, gəlin yol polisinin keçirdiyi reydlərdə iştirak edin. Görün nə qədər sürücülük hüququ olmadan avtobusları idarə edən adamlar var. Bunlara adam demək olur. Onlar sanki ölüm kabuslarıdı və camaatın başının üstündə dolanırlar. Bu adamların günahı çoxdur. Amma onlardan da çox günahı olan sürücülük vəsiqəsi olmayan adamları işə götürən sahibkarlardı. Aydındır, hadisə olub, sükan arxasında olan T.Məmmədov saxlanılıb. Ancaq ən çox məsuliyyəti işə götürən daşımalıdı. İndi oğul istəyirəm ki, kələfin ucunu ələ keçirsin və insanların taleyinə barmaqarası yanaşan sahibkarı istintaqa cəlb eləsin. Bəzən onlar istintaqa çağrılırlar. Amma sonra gözəgörünməz qüvvələr onları müdafiə edir və sudan da quru çıxırlar. Ortalıqda qalır hadisəni törədən sürücü. Çox təəssüf! Biz çox vaxt nəticə haqqında danışırıq. Amma səbəb barəsində düşünmək belə istəmirik. Səbəbin də ucu uzun olduğuna görə, gedib çıxır yüksək vəzifəli adamlara. Bax onda da hər şey yerini dəyişir və mizan-tərəzi itir.
Nəqliyyat Nazirliyi son vaxtlar sərnişindaşımada qayda-qanun yaratmağa çalışır. Hətta qanunu pozan bir neçə sahibkarın əlindən marşrutlar alınaraq başqalarına verilib. Görünür, bu tədbirlər də bir çox sahibkarların məsuliyyətini hələ də artırmayıb. Yəni onlar sərnişinlər haqqında deyil, özlərinin cibləri və qazanacaqları külli miqdarda pul barəsində düşünürlər.
Yayın istisində və temperaturun müsbət 40 dərəcəni ötdüyü vaxtda kondisionersiz avtobusda sürücü kimi 4-5 saatdan artıq işləmək mümkün deyil. Lakin Bakıdakı əksər marşrutların sürücüləri nəinki 4-5 saat, hətta 18 saat sükan arxasında əyləşirlər. Bir tərəfdən istirahətsiz avtobusu idarə etmək, digər tərəfdən isə əsəblərin tarıma çəkilməsi sürücüləri həqiqətən də çıxılmaz vəziyyətə salır. Bəzən o sürücünü də qınamaq olmur. Yayın istisində kölgədə istidən dilimiz ağzımızdan çıxır. O sürücü yazıq isə bir tərəfdən gün başına vurur, bir tərəfdən də plan doldurmaq haqqında fikirləşir. Çünki sahibkar ona elə bir plan qoyub ki, o hər gün avtobusu sürətlə idarə etməli, ötüşməli və dayanacağa digərindən tez çatmalıdı. Nə var, nə var dayanacaqdakı sərnişini tez götürsün və beş-on manat qabağa düşsün.
Amma bir hadisə baş verəndə, ölüm olanda o plan qoyan adam aradan çıxır, bütün məsuliyyət sürücülərin boynunda qalır. Ona görə də sürücü beş-on qəpiyə görə ailəsini və özünü təhlükəyə atmamalı, avtobusu normal sürətlə və yol hərəkəti qaydalarına uyğun idarə etməlidi. Heç olmasa yorulanda dayanacaqda avtobusu saxlayıb soyuq su ilə üz-gözünü yumalıdır ki, yorğunluğu canından çıxsın və sükan arxasında yuxulamasın. Təbii ki, avtobusun salonunda əyləşən sərnişinlərin ürəyindən məşhur bir mahnının sözləri keçir: "Asta sür maşını, amandı sürücü!"




YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-10-21
2018-10-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK