Film izle hacklink kiralık bahis sitesi satılık bahis sitesi Adalet.az | BƏS, MƏNİM ÖMRÜM?!. Adalet.az | BƏS, MƏNİM ÖMRÜM?!. Adalet.az | Ədalət -
ANA SƏHİFƏ / YAZARLAR

BƏS, MƏNİM ÖMRÜM?!.

20375    |   2012-01-07 07:24
Şriftin ölçüsü:
A+ Böyütmək
A+ Balacalaşdır

Dünyanın ovqatı mənim ürəyimə bağlıdı. Necə oluramsa, hansı haldan-hala düşürəmsə, dünya da həmin şəkildə cavab verir duyğularıma. Mən güləndə o da gülür, ağlayanda buludları küləklərin qanadında özünü yetirir, bir qırpıb, min yerdən damcılar tökür torpağın qoynuna. Bu, elə uşaqlıqdan belədi. Uşaq oyunları oynardı bizimlə bu qoca nəhəng. Özünü elə aparırdı ki, guya bizimlə yaşıddı, elə bizim birimizdi. Biz də inanardıq ona. Atılıb-düşərdik, gizlənpaç oynayardıq. Oyunlarımızı həyat bilərdik, həqiqət bilərdik. Anlamazdıq ki, əsl gizlənpaçlar hələ daldadı. Dünya özünü gizlədirmiş bizdən. Başımıza açacağı oyunları gizli saxlayırmış, için-için gülürmüş bizə...g
   
   Mən sevəndə qoynu sevgilərlə doldu dünyanın. Mənə belə gəldi, yoxsa, aldadırdı məni?! Niyə heç nə anlatmadı mənə?! Niyə "hər eşqin sonunda göz yaşı olduğunu" qulağıma pıçıldamadı?! Heç demədi ki, min illərdi görürəm bu sevgilərin vəfasını, etibarını?! Demədi... Qəsdi-qərəzi nəydi dünyanın, anlaya bilmədim...
   
   Məndən qabaq nazlandı sevənlərim peyda olanda. Elə bil ilk dəfəydi eşqin varlığını duyurdu. Şeytan kimi qəlbimə girib inandırırdı ki, həmişə belə olacaq. Ömrünün sonunacan səninlə qalacaq bu duyğular. Son anda da gözlərində aparacaqsan onu...
   
   Son andan çox-çox qabaq gəldi sevginin sonu...
   
   Ayrılıqlar param-parça elədi ömrümüzü...
   
   Mən unudulanda da özünü şərik göstərdi. Dağı, meşəsi, daşı-qayası sızıldadı, şimşəkləri çaxdı, buludları guruldadı... Xeyri nəydi?!... Olan olmuşdu...
   
   Əbədilik istəyəndə üzü döndü, sifətini bozartdı. Bütövlük axtaranda tikə-tikə elədi ürəyimi. Sevdiyim hər kəsin, hər şeyin yanımda olmasını arzulayanda güldü düşüncələrimə. Səhv eləmişdim bu yerdə. Fani dünya əbədiyyət sevdalarına gülüb həmişə. Həmişəlik, biryolluq bağlanmaq istədim ona. Rədd elədi məni. "Mümkün olmayanı istəmə məndən" dedi. Yaxşı ki, bu yerdə səmimi oldu, xislətini boynuna aldı. Yoxsa, elə bilirdim dilə tutub aldada biləcəm onu...
   
   Yer üzündə nə qədər insan yaşayırsa, elə o qədər də sifəti olurmuş dünyanın...
   
   Hər kəsə bir cür göstərirmiş özünü. Şirin satırmış, istədirmiş özünü...
   
   
   
   ***
   
   
   
   Yenə zaman bir qəlpə də qopartdı ömrümüzdən. Əlimizdən heç nə gəlmədi. Yaxşı vərdişimiz var. Özümüzü də, bir-birimizi də aldadırıq. Bilə-bilə ki, yola saldığımız 365 gündən bizə heç nə qalmadı, elə hey nələrisə uydururuq. Ötən ildə bizdən nələrsə qaldı, özümüzlə nə götürdük, bunu demək üçün illüziyaları kənarlaşdırmağımız gərəkdi. Ancaq başqalarıyçın gördüyümüzdən danışa bilərik. Bacı-qardaşa, qohum-əqrabaya, oğula, qıza, nəvələrə əlimizdən nə gəldisə, elədik. Öyünə-öyünə, zövq ala-ala. Hamıya olmasa da, çoxlarına gərək olduq. Düşündükcə rahatlandıq, elə bildik ki, nə vaxtsa, ehtiyacımız olanda onlar da bizə gərək olacaqlar. Amma nahaq yerə özümüzü aldadırıq. Bizdən gedən getdi, bir də özümüzə qayıtmayacaq. Əldən uçan quş geri qayıtmayan kimi...
   
   Hər işi bacarırıq, öz ömrümüzü yaşamaqdan savayı...
   
   Yuxarıda saydıqlarımın hamısı yaxşıdı. İnsanlıqdı. Amma qarşılığını görsən. Bax, adam əsl zövqü onda yaşayır: elədiklərinin əvəzi qarşına çıxanda. Bu isə hər bəxtəvərə qismət olmur...
   
   Çox zaman bunu bizim boynumuza qoyurlar. Bütün alqışların kökündə bir fikir dayanır: Allah sənə ömür versin, nəvələrini də bir yerə çıxarasan. Hələ nəvələri də. Övladlardan çəkdiyimiz yetməzmiş kimi. Bəs, onda övladların, nəvələrin nə iş görəcəklər?! Yəqin, onlar da öz övladları, nəvələri üçün çalışmalıdılar. Yenə də eyni məzmun. Heç kəs öz ömrünü yaşamasın, vəssəlam...
   
   Arada özündən muğayat olmağı, özünü qorumağı eşitdirənlər də olur. Amma sözgəlişi. Elə ki, başlayırsan özünü qorumağa, özündən muğayat olmağa, qınaqlar, iradlar başlanır. Hərə bir söz deyir, sən də çaşıb qalırsan, bilmirsən haqlı kimdi, haqsız kim, yalan hansıdı, doğru hansı. İstəyirsən, üsyan edib deyəsən ki, axı, mən də bir can yiyəsiyəm. Tanrı mənə də bir ömür əmanət edib, bir insan həyatı bağışlayıb. Qoyun, imkan verin, mən də öz ömrümü yaşayım. Məni bu dünyaya göndərən boynuma vəzifələr qoyub, bəlkə nə vaxtsa hesabını soran olacaq. Ən azından özüm-özümə hesabat verməliyəm, axı. Neylədim, necə yaşadım, Nə gördüm, nə götürdüm. Gəlişimlə qoca dünyada nə artdı, dəyişdi, gedişimlə nə azalacaq?! İmkan verin, heç olmasa, bu dünyanın gözəlliklərini gözlərimə doldurum, sevgilərindən pay götürüm. Mənim başqalarıyçın yaşadığım qədər onlar da mənimçin yaşasınlar. Məni sevsinlər, qorusunlar, qiymət versinlər. Öz gözümdən düşməyə, ucuzlaşmağa qoymasınlar...
   
   Sevgimi o qədər paylamışam ki, ürəyim boşalıb. Hərənizdən bir qətrə görsəm, təzədən dolub-daşaram. Əvəz istəmirəm. Mənimlə olmasa da, heç olmasa, bir-birinizlə paylaşın sevgilərinizi. Mütləq mənə də pay düşəcək. Qəlbimin umacağı sevgi olub həmişə. Sevgi olsa, hər şey olacaq, demişəm. Hamıya və hər kəsə, haqq etdiyi qədər, ehtiyacı olduğu qədər sevgi payı verməyə gücümüz yetər, elə bilirəm...
   
   
   
   ***
   
   
   
   Əjdaha ili başlandı. Bilmirəm, nə zamansa yer üzündə əjdahalar olub, ya yox, bildiyim odur ki, bu mifik sürünən, uçağan həmişə nəyinsə qabağını kəsib, insanları ən zəruri şeylərdən məhrum edib. Nağıl qəhrəmanı onun bir başını vuranda yerinə üçü, beşi çıxıb. Yəqin ki, çoxlarına görəsə, uğurlu illərdən biri olacaq. Mənimsə, bir istəyim var. İstər min başı olsun, sevgilərimizin, maraqlarımızın qabağını kəsə bilməsin.
   
   Sevgimiz olsa, gözəl-gözəl işlərə meylimiz olsa, özümüz əjdahadan da güclü olacağıq bu ildə...


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-10-19
2019-10-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (85.71%)
Pullsuz (14.29%)

ÇOX OXUNAN
GÜNÜN LƏTİFƏSİ

Millət vəkili Elman Məmmədov bir tədbirdən çıxanda bir xanım ona yaxınlaşaraq:

- Müəllim, səhv etmirəmsə, siz mənim uşaqlarımdan birinin atasısınız.

Elman müəllim təlaşla:

- Məəən?

Xanım:

- Müəllim, təlaşa düşməyin, mən müəlliməyəm, dərs dediyim uşaqları nəzərdə tuturam.





digər lətifələr
ARXİV
FACEBOOK