hacklink Adalet.az | YALANÇININ ŞAMI Adalet.az | YALANÇININ ŞAMI Adalet.az | Ədalət -
ANA SƏHİFƏ / YAZARLAR

YALANÇININ ŞAMI

20681    |   2011-05-28 07:13
Şriftin ölçüsü:
A+ Böyütmək
A+ Balacalaşdır

Anadoluda bir atalar sözü var "yalançının şamı yatar vaxta kimi yanar". Həmin anlamda Azərbaycanda da ayrı bir atalar sözü deyilir "yalan ayağa durar; ancaq yeriyə bilməz". Hər iki atalar sözümüz də yalanın başda arzuladığı nailiyyəti əldə etsə də uğurunun müvəqqəti olduğunu və nəticədə heç nə əldə edə bilməyəcəyindən xəbər verir.
   
   Yazılarımı oxuyanlar bilir ki, amerikalıların, avropalıların, xüsusilə də ingilislərin öz maraqları uğruna insan hüquqlarıymış, mərhəmətmiş, yazığı gəlmək imiş, qarşıdakına hörmət imiş, bunların tamamını bir ləhzədə ayaq altına salıb çığnayacaq xarakterdə olduqlarını, xirtdəklərinə kimi dolu olan imperialist mənəmliklərini təmin üçün üz tutmayacaqları zülm, qəddarlıq və şeytanlıq olmayacağını daimi olaraq vurğulayıram. Bu barədə haqlı olduğumu sübut üçün hal-hazırda İstanbulun Moda səmtində yaşayan 85 yaşlı Ömər Musolu adlı həkimin başına gələn bir hadisəni sizlərə çatdırmaq istəyirəm. Dr. Musolunun dedikləri insanı dəhşətə gətirir.
   
   Dr. Ömər Musolu 1957-ci ildə İstanbul Tibb İnstitutunu qurtarır və ixtisas təhsili üçün Amerikaya gedir, Nyu-Yorkda Medikal Center Hospitalda işləməyə başlayır. Əvvəlki günlərdə onu müalicə üçün xəstəxanaya gələnlərdən qan almaq, sistem qoşmaq kimi işlərə yönləndirirlər. Xəstəxana tərəfindən müəyyən edilən qaydalara əsasən xəstələrin yoxlanması işini, ümumiyyətlə, ixtisas üçün təzə gələn həkimlərə tapşırmır və onların müəyyən bir vaxt prosesində özlərincə təyin olunan səviyyəyə çatmasından sonra ancaq bu işi görmələrinə icazə verirmişlər.
   
   Dr. Ömər Musolu bir gün xəstəxanaya müalicə üçün gələn və xərçəng xəstəliyinə düçar olmuş 75 yaşlı bir xəstədən qan almaq üçün otağına gedir, ona qolunu çırmamasını xahiş edir. Xəstə, həkimin dediklərinə əməl edir və qolunu çırmadıqda əzələsinin üstündə döydürdüyü Türk bayrağındakı ay və beş künclü ulduz doktorun gözünə ilişir. Dr. Musolu xəstəyə Türk olub-olmadığını sual verir, xəstə "Türk deyiləm" dedikdə həkim, qoluna nəyə görə Türk bayrağını döydürdüyünü soruşur. Xəstə, doktorun maraqlandığını görür və ona "Türksənə" deyə sual verdikdə həkim "bəli Türkəm" cavabını verir. Xəstə, başlayır qolundakı döymənin hekayətini danışmağa:
   
   "1915-ci il idi. Türkiyədə Çanaqqala deyə bir yer vardı. Orda vuruşmaq üçün Xristian dövlətlərdən əsgər yığırdılar. Mən avstraliyalıyam və Anzağam. İngilislər bizi yığıb dedilər ki, "Vəhşi türklər xristian dünyasını yandırıb dağıdacaqdı və bütün dünya onlara qarşı cəbhə alıb. Bu müharibə həddən artıq önəmlidir, biz də yığılıb əlbir olacayıq və o barbarların üstünə yeriyəcəyik. Biz də ingilislərə inandıq və heç neyi sorub-soruşdurmadan vuruşmaq üçün onlara qoşulduq. Bizi gəmilərə doldurub Misirə apardılar, orada bir neçə ay təlim keçdik. Özlərinin təyin etdiyi mərhələyə çatdığımızı başa düşdükdə yenə gəmilərə doldurub bu dəfə dəhşətli döyüşlərin getdiyi Çanaqqalaya apardılar. Başımızı xarab eliyən ingilislər, min bir yalanla dünyanın dörd bir küncündəki müstəmləkələrindən yığıdıqları əsgərləri səngərlərə doldurub türklərə qarşı vuruşdururmuş, bunu hardan biləcəkdik! Hərbin nə olduğunu Çanaqqalada gördüm. Hər dəfə hücum çəkdiyimizdə bizdən də, Türklərdən də yüzlərlə gənc ömrünün baharında həlak olub gedirdi. Həm say, həm də texnoloji silah yönündən Türklərdən qat-qat üstün olmağımıza baxmayaraq onlara qalib gələ bilmirdik və bu da bizi heyrətləndirirdi. Əvvəllər Türklərin, ingilislərin bizə dediyi kimi barbar olduqlarına görə bu cür dəhşətli vuruşduqlarını, qorxu-hürkü bilmədiklərini, ölümün gözünə dik baxdıqlarını zənn edirdim, sən demə onlara bu gücü və qüdrəti verən şey, vətənlərinə duyduqları sevgi imiş, imanları imiş. Biz hücum çəkir onlar geri oturdur, var qüvvəmizlə təkrar-təkrar üstlərinə yeriyir, ancaq nəticə ala bilmir, yenə də naçar qalıb qalxdığımız yerə oturmalı olurduq. Yenə bir hücum əsnasında təpəmə bir tüfəngin qundağının endiyini və məni yerə sərdiyini xatırlayıram, gözümü açdıqda yad adamların, yəni ingilislərin bizə "vəhşi" deyə tanıtdığı insanların arasında olduğumu başa düşdüm. Düzünü deyim qorxudan sarılığımı udmuşdum; ancaq üzlərinə diqqətlə baxdıqda onların mənə düşmən gözüylə baxmadıqlarını gördüm. Yaralarımı bağlamışdılar, tamam-kamal özümə gələndən sonra bellərinə bağladıqları çantalarından çörək-zad çıxartdılar mənə verdilər. Onların qida maddələrini tapmaqda çətinlik çəkdiklərini komandirlərimiz bizə danışmışdı, bunu bilirdim; ancaq ingilislərin bizə "barbar" deyə tanıtdığı bu adamlar özlərinə belə kifayət etməyən ərzaqlarını mənə verirdi. İstəsələr o anda məni öldürə bilərdilər; ancaq onlar bunun tam əksini həyata keçirirdi. Biz əsirlərlə sözün əsl mənasında əziz qonaqları kimi rəftar edirdilər. Bizə deyilənlərlə bunların rəftarı arasında yerlə-göy qədər məsafə vardı. Aralarında qaldığım qısacıq zaman prosesində Türkləri çox yaxşı tanıdım. İngilislər onlara nifrət elədiyinə, türk düşmənçiliyi ilə xirtdəklərinə qədər dolu olduqlarına görə yalan danışıb bizi aldatmışdılar və onlarla döyüşmək üçün səngərlərə doldurmuşdular. Elədiklərimə görə min peşman olmuşdum; ancaq peşmançılığımın nə xeyri olardı ki?! Nəhayət, hərb qurtardı, Türklər bizi azad buraxdı və ölkəmə qayıtdım. Qayıdar-qayıtmaz da türk millətini ömürlük unutmamaq üçün gördüyün bu ay və ulduzu qoluma döydürdüm. Qolumdakı Türk bayrağının hekayəti belədir doktor. Taleyin hökmünə baxın ki, 1915-ci ildə ölümün astanasında çırpınarkən yaralarımı bağlayıb məni sağaldan da türklərdi, indi də Amerikada məni müalicə etməyə çalışan da türkdü. Avstraliyadan Amerikaya gələrkən bir türklə bu cür rastlaşacağım yatsam yuxuma da girməzdi. Sizlər sözün həqiqi mənasında mərd, ürəyi insan sevgisi ilə dolu mərhəmətli bir millətsiniz.
   
   -Adınız nədir həkim?
   
   -Ömərdi.
   
   -Sənə niyə Ömər adını qoyublar?
   
   -İslamiyyətin ikinci xəlifəsinin adıdır ona görə.
   
   -Adın müsəlman adıdır?
   
   -Bəli.
   
   -Adın gözəlmiş. Mənim adım da Josef Millerdi, bundan sonra adımı Anzaklı Ömər olaraq dəyişdirmək istəyirəm. Həkim, mənə müsəlmanlıqdan danışa bilərsən, müsəlman olmaq istəyirəm.
   
   -O saat müsəlman olmaq qərarına gəldin?
   
   -Yox, çoxdandır bu fikir başımda idi; ancaq mənə kömək olacaq birini tapa bilmirdim, indi axtardığımı tapdığımı görürəm ona görə.
   
   -Siz müsəlmanlar təsbeh çəkir və hər çəkişdə də Allahın adını anırsınız, mənə bir təsbeh tapa bilərsən?
   
   -Əlbəttə taparam!..
   
   -Məni tək-tənha qoyma həkim, olar?
   
   -Necə yəni?!
   
   -Hərdən gəl mənə müsəlmanlıqdan danış.
   
   -Baş üstə...
   
   O gündən sonra tez-tez yanına getdim, söhbət elədik və bildiyim qədəriylə ona dinimizdən danışdım, onun qaydalarını öyrətdim. Bir gün xəstəxananın səsucaldan aparatından adımın çəkildiyini və 217 nömrəli otağa təcili getməyimin xahiş edildiyini eşitdim. Qaçaraq Ömər əminin otağına qalxdım. Sağ əlində təsbehi vardı, üzündə həddən artıq xoşbəxt bir insanın ifadəsi hakimdi. Tələsik keçib baş ucunda oturdum və başını qaldırıb bədənimə yasladım, ölüm halında idi. Kəlmeyi-şəhadət gətizdirdim, mənim dediklərimi eynilə təkrar etdi. Qolunda türk bayrağının döyməsi və dilində Kəlimeyi-Şəhadətlə ruhunu əsl sahibinə, Tanrıya təhvil verdi. Doyana kimi ağladım və Allaha onu bağışlaması üçün dua etdim".
   
   Bəli, Josef Miller adlı Anzak, Dr. Ömər Musola bunları danışıb. İngilis adlı millətin əsl kimliyini, nə cür bir millət olduğunu bu dramatik hekayə çox gözəl başa salır.
   
   İngilislər sadəcə olaraq Çanaqqala döyüşlərində şeytani yalanlarla insanları aldadıb ölüm qoxuyan səngərlərə doldurmamış, məsum insanların qanını yalnızca Çanaqqalada tökməmişdir. Avropa, Amerika, Avstraliya və Okyanusyadan tutun ta Hindistana kimi, Britaniya adasından Asiya qitəsinin daxili hissələrinə kimi bu ucsuz-bucaqsız torpaqlarda doymaq bilməz vampir iştahalarının tələbini təmin etmək üçün etmədikləri zülm və vəhşət qalmayıb.
   
   Şəhidlər Xiyabanı yaxınlığında belə Azərbaycanı işğal üçün gələn və orda həlak olan ingilis hərbçilər üçün abidə qoyulub. İngilislər o vaxtlar silahla, qanla özlərinə məxsus olmayan torpaqlara hücumlar çəkir, öz maraqları üçün məsum insanların qanını sel kimi axıdırdı. İndi isə daha pisini həyata keçirirlər. İstismar edəcəkləri yerlərin xalqının əvvəlcə mədəniyyətini öz soy-kökündən ayırıb özgələşdirir, xalqı özünə yadlaşdırır, hibrid ruhlu insanlar güruhu yaradır, sonra da qanı-canı bir olan qardaşları bir-birinin canına daraşdırırlar. İngilis planı ilə öz milli mənliyindən uzaqlaşan, özünə yadlaşan qaragüruhçu cahillər, daha düzü bu yazıq insanlar kütləsi bir-birini boğazladığı vaxt, onlar da hərəkətə keçib ölüm qusan müasir silahlarıyla özlərinə aid olmayan torpaqları İraqda, Əfqanıstanda, Ərəb yarımadasında, Liviyada olduğu kimi iyrənc şəkildə çığnayır, işğal edirlər. Onların murdar ayaqlarını qoyduqları torpaqlardan bütün dünyaya qan iyi yayılır, işgəncə edilən, təcavüzə məruz qalan insanların çarəsiz qışqırıqları, nalələri əks-səda verir. Bunlar sonra da ayağa qalxıb üzləri qızarmadan, "biz demokratiyadan müdafiə edirik, insan hüquqlarına hörmətkarıq" deyir.
   
   İngilis millətinin hegemon anlayışı və iştahası sındırılmadığı, saxtakarlığı, yalançılığı, imperialist xarakteri bütün insanlığa layıq olduğu şəkildə başa salınmadığı, insanlıq aydınlaşdırılmadığı müddətcə, dünyada qan su yerinə axacaq, məsum insanlar məhv ediləcək, namusları ayaqlar altında tapdalanacaq, işgəncələr və təcavüzlər davam edəcəkdi.


YAZARIN ARXİVİ

2019-02-26 : SALAMLARLA
2018-06-01 : SON ZƏNG
2018-04-28 : YALANÇININ ŞAMI
2018-02-24 : TARİXİ ADDIM
2017-10-21 : NƏ YAZIM?
2017-03-10 : XOCALI-DӘNİZLİ
2017-03-04 : XOCALI-DӘNİZLİ
2016-12-17 : Etimad, kimə???
2016-11-12 : TANRININ DOSTLARI
2016-09-24 : Salam, Dostlar
2016-05-28 : ATA YURDUMUZDA
2016-03-05 : XOCALI HƏFTƏSİ
2015-12-30 : YENİ İL
2015-12-26 : BİZİM DÜNYAMIZ
2015-12-05 : KÜLƏK ƏKƏN...
2015-11-28 : ÜÇ GÖMRÜK
2015-10-31 : SEÇKİLƏRİMİZ
2015-10-17 : KÖÇÜMÜZ
2015-08-29 : ALTAYDAN QAFQAZA
2015-06-20 : KİMDİR QATİL?!
2015-06-06 : LÜKSEMBURQDAN
2015-05-02 : 24 NİSAN
2015-03-14 : 8 MARTIN ARDINDAN
2015-03-07 : XOCALINI ANLAMAQ
2014-12-27 : BODUN
2014-11-29 : XƏZƏRİN MEHİ
2013-10-26 : XƏYALİ
2013-10-05 : ZEHTABİNİ ANDIQ
2013-09-28 : SAĞ OL, BAKI
2013-08-17 : KEÇƏN GÜNLƏR
2013-08-03 : BELƏ DÜNYANIN
2013-03-30 : BAYRAMIN ƏZABI
2013-03-16 : XOCALI HƏFTƏSİ
2013-02-02 : ADIMIZLA BAĞLI
2012-11-21 : VAXT
2012-11-17 : VAXT
2012-09-01 : TİFLİS-BAKI
2012-04-07 : İNGİLİS OYUNU
2012-02-25 : XOCALI DƏRDİ
2011-10-29 : VƏHHABİLİK
2011-10-08 : VƏHHABİLİK
2011-09-17 : ELƏ GÜVƏNMƏK
2011-09-10 : ALTAY BİLİK
2011-08-13 : NƏJDƏT QOÇAQ
2011-06-04 : 28 MAYI ANLAMAQ
2011-05-28 : YALANÇININ ŞAMI
2011-04-16 : SİZ NƏSİNİZ?
2011-04-09 : ANA - OĞUL
2011-03-12 : ONLAR VƏ BİZ
2011-02-26 : XOCALI SOYQIRIMI
2011-02-05 : QURULTAYIMIZ
2011-01-29 : MAŞA SARKİSYAN
2010-10-30 : BAKI QEYDLƏRİ
2010-10-02 : AXTA-MAR
2010-07-10 : 35 QURUŞ
2010-05-15 : ZİDDİYYƏT
2010-04-24 : BAYQUŞLAR
2010-02-27 : TÜRKÜN ANALARI
2010-02-13 : ÇİÇİ
2009-11-27 : TÜRK MİLLƏTİ
2009-10-31 : BAYRAQ
SON XƏBƏRLƏR
2019-11-15
2019-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK