ANA SƏHİFƏ / YAZARLAR

MƏN BİR YOLAM

18025    |   2011-02-07 16:31
Şriftin ölçüsü:
A+ Böyütmək
A+ Balacalaşdır

Bu nə yoldu belə?
   
   Bəlkə məni yol doğmusan, ay anam.
   
   Yola gec qalsam,
   
   Gözlerin yol çəkməsin, ay anam.
   
   
   
   Gözlərinin çəkdiyi yolam,
   
   Ürəyimdən min yol keçir.
   
   Hamının getdiyi yolu getsəm də
   
   Ürəyim bir yol getdi, ay anam.
   
   
   
   Bir yol gedirəm,
   
   Getdiyim yolam.
   
   Çoxları yolu gedir,
   
   Mən yol gedirəm, ay anam.
   
   
   
   Üzü yola gedirəm,
   
   Üzünə sarı.
   
   Qorxuram üz-üzə gələm,
   
   (Yol üzünü çevirə,)
   
   Üzünü görməyəm, ay anam.
   
   
   
   Mən bir yolam,
   
   Ürəyin necə gəldi, ay anam,
   
   Bilə-bilə öləcəm
   
   Məni bir yol doğdun, ay anam.
   
   
   
    Torpağı qaldırım göyə
   
   
   
   Ayağımın altını qazanlar
   
   Qəbrimi də qazsalar,
   
   Qorxuram
   
   Üstümə çəkməyə
   
   Qəbrimin torpağı çatmaya.
   
   
   
   Anam, ölsəm,
   
   Gözləmə ağ dalınca gedənləri,
   
   Gözlərinin ağıyla kəfənlə məni.
   
   Görsən üşüyürəm,
   
   qaçıb torpaq üstümdən,
   
   Əllərin titrəyə - titrəyə
   
   Ayağının altından qaçan torpağı
   
   Çək üstümə.
   
   
   
   Dostlarım,
   
   dəfn edəndə məni,
   
   İmkan verməyin düşmənə
   
   beli götürə əlinə.
   
   Yoxsa düşmən,
   
   belin arxasıyla
   
   Torpağın kürəyindən vuracaq,
   
   Torpaq qurbanını tez udsun deyə.
   
   
   
   Tanrım,
   
   Hər ölən insan
   
   torpağı biraz
   
   qaldırır göyə.
   
   Ölümün vaxtı
   
   deyilsə hələ,
   
   İmkan vermə namərdlərə.
   
   Yıxanda məni elə yıx ki, yerə,
   
   Torpağı qaldırım göyə.
   
   
   
    Ayna
   
   
   
   Ayna içində yaşar insan,
   
   biri ondan sonra aynaya baxana qədər.
   
   Ölsəm, inanma gözlərinə,
   
   xəbərsiz yaşaram ğözlərində,
   
   Son dəfə mən baxdığım aynada
   
   Sən gözlərinə baxana qədər.
   
   
   
    Yaşamadığım gün
   
   
   
   Hər gün nifrət edə-edə,
   
   Hər gün sevə-sevə,
   
   Yaşayırıq ömrümüzdən kəsə-kəsə.
   
   Hər kəs bir xatirə saxlayır ömür payından.
   
   Mənsə öləcəyim günü bilsəm,
   
   Yaşamaram o günü, kəsərəm ömrümdən,
   
   Xatirə saxlayaram yaşamadığım günü.
   
   
   
    Yatanları səsiylə oyadan səsin içində yatan adam: Alim Qasımov
   
   
   
   "O SƏS"
   
   
   
   Hamı səssizlikdə yatır,
   
   Mən səsin içində.
   
   Hamını səs oyadır,
   
   Məni səssizlik.
   
   Hamı səssiz yatanda,
   
   "O SƏS" qoymur məni yatmağa.
   
   Hamı susanda
   
   "O SƏS" qoymur məni susmağa.
   
   Bayılıram hər dəfə
   
   " O SƏS"i eşidəndə.
   
   Əzrayılın barmağı nəbzimdə.
   
   Səs eşidilmir "SƏS"in içində.
   
   Tanrının əmri deyildi belə.
   
   Əzrayıl çaşqınlıq içində,
   
   Barmağın çəkir nəbzimdən
   
   Sakitcə.
   
   Tanrının "SƏS"i
   
   döyünür ürəyində,
   
   Ölməyibg
   
   Yatıbg
   
   "O SƏS"in içində.
   
    Zəlzələ
   
   
   
   Günahlar çoxalır
   
   Qalxır göyə
   
   Yığılır bir tərəfə.
   
   Göyün bir tərəfi əyilir
   
   Dəyir yerə.
   
   Yerin ürəyi
   
   Başlayır əsməyə
   
   Zəlzələ!
   
   Tanrı göyü silkələyir,
   
   Günahları tökür yerə.
   
   Günahların altındakı insanları
   
   Günahlardan təmizləyir
   
   Zəlzələ.
   
   
   
    Yuxularımdan
   
   utanıram
   
   
   
   Yuxu görürəm,
   
   Aldanıram,
   
   Şeytanlaşıram.
   
   Yuxuda gördüyüm qadınları
   
   Həyatda görəndə,
   
   Utanıram.
   
   "Lənət şeytana" deyirəm,
   
   Yaxşı ki, yuxu görürəm,
   
   Yuxularımdan xəbərsizdirlər,
   
   Sevinirəm.
   
   
   
    Öz ölümünə inanmayanı,
   
   Birçə gün də olsun
   
   Üzü qibləyə dayanmayanı,
   
   Can üstündə
   
   Üzünü çevirəcəklər qibləyə
   
   Ölmək istəməyən insan
   
   Tez can versin deyə.
   
   
   
   Ölünü yuyanda
   
   Çevirirlər sola-sağa,
   
   Suyla şəkini çəkirlər torpağa.
   
   Heç kim istəmir ölünü qaldıra ayağa
   
   Tez tapşırırlar qara torpağa.
   
    Taleyim.
   
   
   
   Taleyim boyumdan uca,
   
   Taleyimi yaşamadım boyumca.
   
   Taleyimdir deyə,
   
   Hər vurulan zərbəyə,
   
   Sinəmi verdim önə.
   
   Sinəmdə yer yox daha
   
   Elə hey vururlar,
   
   Kürəyimin acığını sinəmdən çıxırlar.
   
   
   
   
   
   SEVGİ ŞEİRLƏRİ
   
   
   
   
   
   İlk sevginin acığına
   
   Hər dəfə sevəndə
   
   Tövbə edirəm,
   
   Daha bir gözəl ağlımı alana qədər.
   
   
   
   İlk sevginin acığına
   
   Ürəyimdən keçən gözəllərin
   
   Reklamı gedir gözlərimdə.
   
   Nəfsim reklamı dəyişdikcə,
   
   Neçə-neçə gözəl düşür gözlərimdən.
   
   
   
   İlk sevginin acığına
   
   Ürəyim dolub,
   
   Yer yox daha
   
   Gözlərim ürəyimi sıxır qabağa
   
   BİR yer VAR hələ
   
   GÖRMƏDİYİM GÖZƏLƏ.
   
    Gözlərimi açdığım qədər,
   
   Ürəyimi aça bilsəydim sənə
   
   Səndən gözlərini istəyərdim,
   
   Bircə günlüyə.
   
   (Bircə gün)
   
   Sənin gözlərinlə
   
   Baxmaq istəyərdim gözlərimə.
   
   Görmək istəyərdim
   
   Bu günə qədər necə baxmısan gözlərimə.
   
   
   
    Hər gözəl görəndə
   
   Gözlərimin altını
   
   Ürəyim çəkir.
   
   Səni görəndə
   
   Düşdü ürəyim.
   
   Səndən gözlərimi çəkdim
   
   Ürəyimin altına.
   
   Desəm gözlərim üstə yer var sənə,
   
   İnanma (mənə),
   
   Ürəyimim altından baxıram sənə.
   
    Səni sevənnən
   
   
   
   
   
   Səni sevənnən ürəyim sıxır yerini,
   
   Qorxuram gedəsən,
   
   ürəyim boşala,
   
   sonrakı sevgilər ürəyimə boş ola.
   
   Səni sevənnən ürəyim yerində deyil,
   
   Elə hey sənin ürəyinin yerini döyür.
   
   Ürəyim bərkidi döyünə-döyünə,
   
   Qayıtdı yerinə deyinə-deyinə.
   
   Heç demə sənin ürəyin yerində deyil.
   
    Sən gedəni
   
   
   
   
   
   Sən gedəni düşdü ürəyim,
   
   çəkəni yoxdur.
   
   Ürəyim ürəksiz döyünür sənsiz.
   
   Hər gün neçə yol keçirsən ürəyimdən,
   
   elə bil heç nədən xəbərin yoxdur.
   
   Sən gedəli ürəyim ayaq üstədir,
   
   oturmur yerinə.
   
   İnanmırsan, bax ürəyinə,
   
   Gör mənim ürəyim hardadı?
   
   Qayıt gəl, ürəyimi çək yerinə.
   
    Gülüm
   
   
   
   Yenə gəlib məndən öncə
   
   dənizin üstünə,
   
   Ağlamısan.
   
   Guya sən öləndən sonra unudulubsan.
   
   Dənizin gözləri dolub,
   
   dalğaları qaldırıb üstümə,
   
   dalğaların səsi ilə gözlərimi oyur.
   
   Axı, necə gəlim sən olan yerə?
   
   Sənə sözüm var, gəlmişəm deyəm.
   
   Sən öləndən mən də öldüm,
   
   GÜLÜM!
   
   Sənnən sonra yaşadığım
   
   sənin yarımçıq qalmış ömrün,
   
   o da çox uzun.
   
   Məni gözləmə,
   
   GÜLÜM


YAZARIN ARXİVİ

2018-05-16 : BAŞQA SƏS
2013-11-02 : ÜRƏK AĞRISI
2013-02-19 : Eşşək Həsən
2012-11-09 : İRADƏ
2011-11-12 : MAZQİ
2011-02-24 : İKİNCİ OLMAQ
2011-02-03 : Dəli
2011-01-20 : "Qızışma"
2010-10-29 : MƏN BİR YOLAM
Ücretsiz php script indir film izle hd film izle ikinci el eşya alanlar shell indir hacklink satışı
SON XƏBƏRLƏR
2018-11-12
13:27 TƏBRİK


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ

Rəhmətlik Surxay Əlibəyli pul xərcləyən, yeyib-içən oğlan idi. Dost-tanışa qonaqlıq verəndən sonra çıxıb oturur taksiyə, evə getmək üçün.

Taksi sürücüsü soruşur:

- Brat, hara sürüm?

- Ağdama.

Sürücü:

- Brat, Ağdam var ki?

Surxay Əlibəyli:

- Qaqa, Ağdam yoxdusa, deməli, hər yer cəhənnəmdi, sür cəhənnəmə.




digər lətifələr
ARXİV
FACEBOOK