ANA SƏHİFƏ / YAZARLAR

GÜNƏŞ BATDIĞI YERDƏ...

16334    |   2009-07-25 00:20
Şriftin ölçüsü:
A+ Böyütmək
A+ Balacalaşdır

Füzulinin işğaldan azad olunan kəndləri ermənilərin "ağzının içində" yerləşir. Burda məskunlaşmaq və yenidən qaynar həyata qayıtmaq o qədər də asan deyil. Ona görə asan deyil ki, ermənilərin beş addımlığında duruş gətirib, ev-eşik tikmək, bağ-bağat salmaq və ən nəhayət ocaq yandırmaq üçün qorxmaz ürək sahibi olmalısan. İnsanlar burda 1994-cü ildən sonra yenidən yurd-yuvasına qayıdaraq ocaqlarını yandırıblar.
   
   Amma bəzi araqarışdıranlar və suyu bulandırmaq istəyənlər bulanıq suda balıq axtarırlar. Yəni onlar istəmirlər ki, cəbhə bölgəsi sayılan bu kəndlərdə, yaşayış məntəqələrində bir sakitlik olsun. Ona görə də bəzi qəzetlər rayon haqqında məsuliyyətsiz yazılar dərc edir, çətin vəziyyətdə məskunlaşmış insanlar arasında narazılıqlar yaratmaq istəyirlər. Heç kim bilməsə də Füzuli camaatı çox yaxşı başa düşür ki, rayon icra hakimiyyətinin başçısı Nəbi Muxtarov nə qədər ziyalı, savadlı və kamil bir insandır. Rayonun ən çətin vəziyyətində o, sinəsini qabağa verib, el-obanın içində olub, xeyir-şərdən qalmayıb. Elə bu insanlıq xüsusiyyətlərinə görə də Füzuli camaatı Nəbi müəllimin xətrini çox istəyir. Ən azından ona görə ki, heç kəs onun qəbuluna düşməkdə və dərdini deməkdə çətinlik çəkmir. Bəzi adamlar xeyir-şərdə öz problemlərini başçıya deyirlər. Təbii ki, o da imkanı daxilində insanlara köməklik göstərir, yaranmış problemləri aradan qaldırır və narazılığın böyüməsinə imkan vermir. Təəssüf ki, bəzi qəzetlər Nəbi Muxtarovun el-oba arasındakı nüfuzuna və hörmətinə kölgə salmaq, xələl gətirmək istəyir. Məsələn, bu yaxınlarda müxalif qəzetlərdən biri yazır ki, Füzulidə Ağayevlər ailəsi Zobucuq qəsəbəsindən ermənilər tərəfə keçmək istəyib. Güya onları icra başçısı çox incidir. Hətta qəzetin yazdığına inansaq Nəbi müəllimin göstərişi ilə həmin adamları polisə aparıb və naməlum yerdə saxlayıblar. Əsl həqiqətə gələndə isə bu yazı şər-böhtandan başqa bir şey deyil. Görəsən, heç bu yazını qələmə alan adam öyrənibmi ki, Nəbi müəllim indi hardadır? Hansı ki, 15 gün bundan əvvəl Nəbi Muxtarov məzuniyyətə çıxıb və müalicə olunmaq üçün harasa gedib. Təəssüf ki, qəzet müxbiri Nəbi müəllimin rayonda olmamasından xəbər tutmayıb və bu dezinformasiyanı da məqsədli şəkildə qəzetə çıxarıb. Hansı ki, Füzuli cəmaatı yaxşı bilir ki, bu cür yazılar müəyyən adamların diqtəsi və göstərişi ilə qələmə alınır. Hər hansı faktı qələmə almamışdan öncə biz yazarlar birinci onu dəqiqləşdirməli, yoxlamalı və ondan sonra mətbuat səhifəsinə çıxarmalıyıq. Qələmə alınan yazı isə qərəzli olduğuna görə, heç başçının rayonda olmaması faktı belə nəzərə alınmayıb. Təəssüf ki, bu cür yazılar kimlərinsə fəaliyyətinə kölgə sala bilməz. Çünki hamı yaxşı bilir ki, əsl həqiqət necədir. Gərək heç vaxt əlində qələm olan adam başının üstündə Allahı yadından çıxarmasın.
   
   Bir neçə gün bundan əvvəl televiziyaların birində çox maraqlı süjetə baxdım. Bir kişi meşədən yaralı, körpə bir aslan balası tapır. Bir müddət evində saxlayandan sonra görür ki, çətinliyi var, həmin aslanı zooparka verir. Aslan zooparka veriləndən sonra əvvəlki sahibi ilə gec-gec görüşür. Təsəvvür edin onlar görüşəndə elə mehribanlıqla görüşürlər ki, bir-birini duz kimi yalayır və bağrına basırlar. Sözümün canı odur ki, adi bir vəhşi heyvan insanın yaxşılığını unutmur. Amma körpələr evindən hansısa adam yetim bir uşağı götürüb saxlayır, sonra o uşaq həmin kişinin başına olmazın oyununu açır. Ya onu zəlil eləyir, ya da bir gün qanına qəltan edib aradan çıxır. Görünür, sədaqətli olmaq heç də hər canlıya qismət olmur. Adi bir vəhşi heyvan öz sədaqətini o cür göstərir, şüurlu insan isə başqa bir xəyanətlə məhəbbətini və sədaqətini nümayiş etdirir. Ümumiyyətlə, bu dünyada elə adamlar var ki, nə qədər yaxşılıq eləyirsən, bir qara qəpiyin yerində olmur. Sən ona arxa durursan, yıxılanda qolundan tutursan, çörək verirsən, həmin adam da dikələndən sonra sənin yaxşılığını qaytarmaq əvəzinə, pisliyindən əl çəkmir. Belələrinə çörəyi dizninin üstündə olan, yaxud da anasının əmcəyini kəsən deyirlər. Ona görə də gərək insan yaxşılıq eləyəndə bilsin ki, kimə əl tutur və arxa durur. İçində, qəlbində, ürəyində şeytanı hisslər olan adamlar heç vaxt işıqlı insan ola bilməz. Ən azından ona görə ki, onların ürəyi yoxdu. Varsa da çox soyuq və dəmir kimi möhkəmdir.
   
   Bəzən imkansız insan görəndə adamın ona yazığı gəlir, fikirləşirsən ki, əl tutasan, kömək göstərəsən. Bir neçə gün bundan əvvəl tum satan oğlan bizə yaxılaşdı. Əlləri şikəst olduğundan onun tumunu almadan pul vermək istədik. Yanımdakı dostlarım Xaqani və istedadlı şair Əlisəmid Kür dedi ki, elə tum almayıb ona pul verək. Biz oğlana pul verdik, o isə bu pulu bizə qaytarıb dedi ki, qardaşlar, əlimin şikəst olduğuna baxmayın, mən heç vaxt qürurumu sındırıb dilənçilik eləmərəm. Və mənə də xahiş edirəm dilənçi kimi baxmayın. Yazığımız gəldiyi o adam pulumuzu da götürməyib stolumuzun üstünə iki stəkan tum tökdü. Bu uşağın qüruruna, mənliyinə məəttəl qaldıq. Sonra Xaqani dostum zor gücünə ona tumun müqabilində 10 qəpik pul verdi. Hərçənd ki, biz ona 40 qəpik vermək istəyirdik. Görünür, bəzilərindən fərqli olaraq tum satan oğlan əlilliyindən sui-istifadə etmir və halal yolla pul qazanmağı daha üstün tutur.
   
   İstedadlı şair Vahid Əlioğlunun şeirlərində vətən, torpaq sevgisi həmişə önə çəkilir. Şair nədən yazırsa yazsın, qələmə aldığı bütün mövzularında bir səmimiyyət və bir şirinlik var. İstər təbiətin buz bulaqlarından, istər sərin meşələrindən, istərsə də göy çəmənlərindən yazdığı şeirlərdə vətən torpağının ətri hiss olunur. Hər gülün öz ətri olduğu kimi, Vahid Əlioğlunun şeirlərinin də öz gözəlliyi, ətri, çalarları var. Bu elementlər onun qələmə aldığı "Sevgi ürək yarası", "Sevən ürək kövrək olar", "Sevgi dolu ürəyim var", "Ürək yanmasa" şeirlər kitabının hər birində hiss olunur. Hiss olunur ki, Vahid müəllimin çox böyük ürəyi, məhəbbəti və sevgisi var. Bu sevgini şair o qədər şirin və poetik dildə ifadə edir ki, oxucuya ləzzət eləyir.
   
   Bu yaxınlarda istedadlı şairin yaradıcılığı ilə bağlı filologiya elmləri namizədi Lətif Süleymanlının "Vahid Əlioğlunun poetik dünyası" adlı təhqiqat xarakterli kitabı işıq üzü görüb. Adətən ədəbi-tənqidin nümayəndələri, tənqidçilər, tanınmış şair və yazıçıların əsərləri haqqında fikir söyləyirlər. Ancaq o qədər də məşhur olmayan, yəni xalq şairi olmayan adamların yaradıcılığına müraciət eləmirlər, ya da müraciət edəndə az-az üz tuturlar. Bu kitabda isə Lətif Süleymanlı istedadlı şair Vahid Əlioğlunun yaradıcılıq dünyasının bütün çalarlarına işıq salır, onun fəlsəfi fikir dünyasını, eləcə də poetik düşüncəsini çox səlis dillə təhlil edərək oxuculara çatdırır. Araşdırıcı V. Əlioğlunun yuxarıda adlarını qeyd etdiyimiz bütün kitablarını ətraflı təhlil edir, onun xalq yaradıcılığından, folklordan necə bəhrələndiyini ustalıqla açaraq oxucuların nəzərinə çatdırır. Vahid müəllimin onlarla şeirinə müsiqi bəstələnib və məşhur müğənnilər bu mahnıları ifa eləyirlər. Onun "Borçalı" şeirinə yazılmış mahnı və çəkilmiş klip isə çox böyük əks-sədaya səbəb olub. Çünki şair bütün insanları unudulan və yavaş-yavaş yaddan çıxmaq istəyən Borçalıya səsləyir. Unudulan torpaqlar, yurd yerinə dönmək isə biz insanların borcudur. Bəzən əhlikef, içində vətən sevgisi olmayan adamlar dədə-baba torpağına üz tutmaq istəmirlər. Şair bu cür adamları da dədə-baba torpağına qayıtmağı və oranı ziyarət etməyi tövsiyə edir. Çünki kimliyindən asılı olmayaraq hamımızın sonu dədə-baba torpağında bitir.
   
   "Qarabağ"ın möhtəşəm qələbəsi başa çatan kimi telefonumda zəng-zəng dalınca gəldi. Bilmirdim kimə cavab verim. Zəng eləyən dostlara deyirdim ki, qardaş, mənə yox, Aqil Abbasa zəng eləyin. Çünki uzun müddət və elə indinin özündə də "Qarabağ" klubunun əziyyətini o kişi çəkir. Zəng eləyənlər deyirdilər ki, biz dediyin kişinin nömrəsini bilmirik, zəng eləsək də nömrəsinə düşmürük. Görünür, həmin vaxtı Aqil müəllimi çoxları təbrik etdiyinə görə, onun telefonu dinc olmayıb. Yoxsa mənə zəng edən adamların bir neçəsi gözaydınlığını Aqil müəllimə verəcəkdi. Yaxın dostlarımdan biri, son dərəcə təmiz və səmimi insan olan Hacı Fəxrəddin sevincindən ağlayırdı. Deyirdi qardaş, şükürlər olsun ki, biz də ürəkdən sevindik. Kim bizi sevindirirsə, Allah da onu sevindirsin. Heç ömrümdə bu qədər sevinməmişdim. Xahiş edirəm mənim təbrikimi Aqil müəllimə çatdırasınız. Çünki o kişi millətini, xalqını və ən nəhayət futbolu sevən bir insandır. Qarabağa görə də bilirik ki, Aqil müəllim ölümə gedər. ANS-dəki çıxışına baxanda və deyəndə ki, dalımca gəlin, bax, onda da mənim gözlərim yaşardı. İndi isə gözlərim "Qarabağ"ın bizə bəxş elədiyi sevincdən yaşarır. Beləcə, "Qarabağ"ın qələbəsi bütün Azərbaycanı sevindirdi. Kaş o gün olsun ki, işğal altında olan torpaqlarımız qayıtsın və onda sevincimizdən gözlərimiz yaşarsın.


YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-07-21
2018-07-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Qadın hirslə ərinə zəng edir:
-Hansı cəhənnəmdəsən indiyə qədər? Saat neçədir, xəbərin var?
-Əzizim, o heç vaxt unutmadığın qeyri-adi üzük olan zərgərlik dükanı var idiye. O vaxt pulum olmadı, ala bilmədim sənə. Dedim ki, eybi yox, pulum olan kimi ilk işim bu üzüyü sənə almaq olacaq. Yadındadır? Qadın yumşalır və həyəcandan titrəyən səslə:
- Hə, əzizim, əlbəttə yadımdadır. Heç xatırlamaz olarammı?
- Bax o dükanın yanındakı çayxanada uşaqlarla domino oynayıram, bir azdan gələcəm.




digər lətifələr
ARXİV
FACEBOOK