Film izle hacklink kiralık bahis sitesi satılık bahis sitesi Adalet.az | KLİNTON KİMİ... Adalet.az | KLİNTON KİMİ... Adalet.az | Ədalət -
ANA SƏHİFƏ / YAZARLAR

KLİNTON KİMİ...

Məni də bir vəzifəyə təyin etsəydilər yaxşı olardı

18983    |   2009-05-23 08:30
Şriftin ölçüsü:
A+ Böyütmək
A+ Balacalaşdır

Amerikanın keçmiş prezidenti Bill Klinton işsizliyin daşını atdı. Onun adını işsizlər ordusunun siyahısından silmək olar. Bir zamanlar o boyda vəzifədə çalışan, dünyanın az qala hər nöqtə-vergülünə cavabdehlik daşıyan Klinton özünə yeni iş yeri tapa bildi. O, bundan sonra BMT-nin Haiti üzrə xüsusi nümayəndəsi olacaq. Bu vaxta qədər dünyanın yanan barmağına tüpürməyən BMT-nin Baş katibi Pan Gi Mun əmr imzalayaraq Klintona iş verib. Həmin əmrlə keçmiş prezidentə maaş da kəsilib. Bill Klinton yeni vəzifəsində ildə cəmi 1 dollar maaş alacaq. Min bərəkət, naşükürlük etməyin yeri yoxdu. BMT elə bir qurumdu ki, ondan ildə bircə dollar qoparmaq da qənimətdi.
   Düzünə qalsa, Bill Klintonun pula nə ehtiyacı? ABŞ prezidenti vəzifəsində çalışanda bəs deyincə yığıb. Yadımdadı, camaata arayış-filan yazanda pul almırdı, amma qubernator, nazir təyin edəndə "cib xərcliyi" almamış olmaz. İndi bu yazını "Ədalət"də oxuyub fikirlərimlə razı olmayan tapıla bilər. Həmin şəxs soruşa bilər ki, mən Klintonun ABŞ prezidenti işlədiyi zaman rüşvət aldığını harda görmüşəm? Bəlkə də haqlıdı, Klinton hansısa qubernatordan və ya nazirdən rüşvət alanda mən Amerikada olmamışam. Amma Amerikada olsaydım da prezidentin rüşvət aldığını görə bilməzdim. Kim pulu, rüşvəti üçüncü şəxsin gözü qarşısında verir ki... Dəqiq olan odur ki, Bill Klinton heç vaxt pul-para sıxıntısı yaşamayıb. Öz aramızdı, pulu olmasaydı Monika Levinskinin başına min cür oyun açardımı? Kasıb adam heç Azərbaycanda bazlıq edə bilmir, qalmışdı Amerika ola...
   Pul-paradan korluq çəkməyən Bill Klintonun əsas dərdi işsizlik idi. Axı, belə adamlar vəzifəsiz qala bilmirlər. Kreslodan düşən kimi xiffət edir, min bir xəstəlik tapırlar. Klintonun bəxti onda gətirdi ki, BMT onu Haitiyə vəzifəyə göndərdi.
   İndi bütün dünya işsizlikdən əziyyət çəkir. Böhran üzündən o qədər iş yeri bağlanıb ki, saymaqla qurtarmaq olmur. İş üçün hara gedirsənsə adamın əlini ətəyindən uzun yola salırlar. Nə yaşa fikir verən var, nə də başa. Hamı eyni sözü deyir - iqtisadi böhrandı, iş yoxdu, vəssəlam...
   Klintonun bəxti gətirdi ki, Haitidə də olsa ona iş tapıldı. Ölkədə vəziyyət gərginləşdiyindən BMT Klinton üçün ştat açdı. Yoxsa keçmiş ABŞ prezidentinin də adı hələ uzun müddət işsizlərin siyahısında qalacaqdı. Həmin siyahıda elə tanınmış şəxslərin adı var ki, adam oxuyanda dəhşətə gəlir. Mən bir dəfə siyahını vərəqlədim, heyrətdən tüklərim biz-biz oldu. Elə bil Aqata Kristinin detektiv əsərini oxudum.
   BMT-nin köməyi ilə keçmiş ABŞ prezidenti Bill Klintonun adı işsizlər siyahısından çıxarıldı. Dünyaca məşhur dövlət xadimi, siyasətçi, həmişə rəsmi səfərlərə gedən, böyük adamlarla oturub-duran, gülə-gülə şəkillər çəkdirən, mətbuatın diqqətindən düşməyən Bill Klinton ildə bir dollar maaşla iş tapdı.
   Qaldı sən, mən, biz, onlar...


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK