Film izle hacklink kiralık bahis sitesi satılık bahis sitesi Adalet.az | HƏR ŞEYƏ RƏMƏN... Adalet.az | HƏR ŞEYƏ RƏMƏN... Adalet.az | Ədalət -
ANA SƏHİFƏ / YAZARLAR

HƏR ŞEYƏ RƏMƏN...

26103    |   2009-03-14 02:13
Şriftin ölçüsü:
A+ Böyütmək
A+ Balacalaşdır

Mövcud olan hər şey öz sirriynən gözəldi. Aydın olanlar, açıq-aşkar görünənlər cazibəsizdi, bəsitlər maraqsız. İnsan qəlbi həmişə müəmmalar peşində, sehrli aləmlər sorağındadı. Elə özünün də gözəl və ya çirkinliyi deyil, maraqlı və maraqsızlığı, adiliyi və qeyri-adiliyi diqqətdədi. Yüksək erudisiyalılar və saya təfəkkürlülər bizi həmişə seçim qarşısında qoyduğu kimi, müxtəlif xasiyyətlilər də münasibətlərimizin ölçüsünü, dəyərini təyin edirlər. Sirli-sehrli baxışlar var, müəmmalı təbəssümlər var... Və... sirr yükünü qaldıra bilmədiyimiz sözlər, cümlələr var...
   
   Lap elə Qadınlar bayramında aldığım mesaj kimi: "Dünya hər şeyə rəğmən gözəldi..." Üzünüzün nə şəklə düşdüyünü təsəvvür edirəm. O dəqiqə fikrinizdən keçdi ki, nə böyük şeymiş, adi bir cümlədi, harasındadı bunun sirri-sehri?!. Razıyam. Amma tamam yox. Xatirimdədi, bir tələbə yoldaşımın xatirə dəftərinə yazdığım "hətta hönkür-hönkür ağlayanda da düşünürəm ki, həyat gözəldi və mən həyatda olmağıma görə xoşbəxtəm" cümləsini oxuyan oğlanlarımızdan biri istehza eləmişdi: "Çox təəssüf ki, bunu səndən çox-çox əvvəl deyiblər". O da haqlıdı. Nədə haqlı olduğunu demək əvəzinə, özümün o zamankı düşüncəmin bəsitliyinə bu gün həm qibtə, həm də təəssüf etdiyimi yazmağım daha sərfəli olar...
   
   Xanım dostumun cümləsində işığa bələnmiş bir sirr vardı. Ona və mənə bəlli olan bir sirr. Söz sahibinə görə qiymətlidi. O, bəsit birisi deyil, yaşadığı və işlədiyi şəhərdən tutmuş dünyanın bütün qlobal problemlərini öz qələminin ucuna yığıb fikirlərinin işığına tutmağı, ağ vərəqlərə dağıtmağı bacaran söz adamıdı. Həyat və iş təcrübəsi qazanmış, ağrı-acılar yaşamış və bu çəkdiklərindən yana gözünün yaşı ovcunda olan bir insandı. Acizlikdən deyil, yanğıdan dünyanı düzəldə bilməsə də, heç olmasa, öz duyğularına sərin su çiləmək, yığıntılardan sovunmaq niyyətiynən arabir göz yaşlarına dəm verən bir xanımdı. Xüsusən son aylar sağlıq durumuynan bağlı çəkdiklərini (bunu saydıqlarımın heç biriynən müqayisə eləmək olmaz) nəzərə alsaq, çox sevindirici və ürəkaçan bir mesajdı...
   
   Həm də ümidverici ...
   
   Və bu ikinci mənə tuşlanan bir təsəllidi...
   
   Hələ görüşməmişik, üz-üzə oturub dərdləşməmişik. Deyəcəksiniz ki, bəs, bu necə dostluqdu?! Duyğuların, istəklərin, lap elə maraqların oxşarlığı, yaxınlığı zaman, məkan tanımır. Bir damın altında yaşayıb əks qütblərə can atmaq da mümkündü...
   
   
   
   ***
   
   
   
   Bir bayramı da yola saldıq. Bilmirəm, başqalarından ötrü necə bir işdi, mənimçin ömrü çərçivəyə salan, gözləntilərlə yaşamağa yönləndirən bir şeydi. Keçmiş iş yoldaşlarımdan birinin dediklərini heç cür unuda bilmirəm: "Hər ayın başını gözləmək ömrümüzü-günümüzü puç edir, rahat yaşamağa qoymur". O, maaşı nəzərdə tuturdu və gəlin etiraf edək ki, günümüzü, güzəranımızı çox dəqiq ifadə edirdi. Ancaq bayramlara, əlamətdar günlərə, daha doğrusu, nəyisə gözləməyə köklənmək bu günün yaşantılarından kifayət qədər zövq almağa, anları, günləri canına, qanına hopdurmağa əngəl olan bir ovqatdı. Həmişə sabahların ümidiynən yaşayırsan, elə bilirsən ki, ən yaxşı günün qabaqdadı. Halbuki, ən gözəl çağların bu günümüzün qoynunda olduğunu anlamaq daha çox xeyirimizə olardı... Bayramların çoxluq təşkil etdiyi aylar daha gərgin keçir. Bəlkə də bunlar çoxlarıyçın bir baş qatqısı, yaşam əyləncələridi, ancaq yaradıcı kəslərin həmin günlərdə, aylarda səmərəli işləməsinə şübhəm var. Amma...
   
   Hər şeyə rəğmən dünya gözəldi...
   
   
   
   ***
   
   
   
   Və nədənsə, mənə elə gəlir ki, bu gözəl dünyanın ağrılı-acılı tərəfləri daha çoxdu və bu tərəflərin sakinləri ən çox qadınlardı. Oxusa da, işləsə də, cəmiyyət nə qədər inkişaf eləsə də, məişətimiz başdan-ayağa mexanikləşsə də, qadının qayğıları azalana oxşamır. Bəlkə bizi qane eləmir, bəlkə bu saydıqlarım sirli, müəmmalı qadın qəlbinin bütün umacaqlarını təmin etməyə qadir deyil?! Əlbəttə, qadir deyil! Bütün ağırlıqlar onun çiynindədi. Bayramların da, öz bayramının da, lap elə ad gününün də dükan-bazarından tutmuş biş-düşünəcən hamısını özü yola verir. Quru və rəsmi deyirəm: gəlin, görək bizim ərzaq sənayemiz qadın əməyini yüngülləşdirməkçin nə edir?! Eşitmişəm ki, başqa şəhərlərin, ölkələrin mağazalarında xüsusi paketlərdə soyulub doğranmış kartof, bükülmüş dolma və s.satılır. Vaxtımız çatmayanda biz hazır (həm də təzə) nə tapırıq? Uzaqbaşı, kolbasa-sosiska, bişintidən başqa heç nə. Mən demirəm ki, mətbəximizin qapısına qıfıl vurub hər şeyi hazır alaq, deyirəm ki, heç olmasa, lazım gələndə bizlər də bir şeylər tapa bilək...
   
   Üstəlik, qadınlardan baxımlılıq, incəlik, durna boğazlı, ceyran yerişli olmağı tələb edirlər. Tanınmış rəqqasələrimizdən biri televiziyadakı çıxışında deyirdi ki, qadınlarımız asta danışmağı, süzə-süzə yeriməyi tərgidiblər. Elə hamısını iti addımlarla harasa tələsən görərsən. Bir az evdən tez çıxsınlar və naz sata-sata yerisinlər. Belə olsa, nə gözəl. Amma bu Allah bəndələri yatağından qalxan kimi mətbəxə, evdən bağçaya, bağçadan işə, işdən də macal tapıb dükan-bazara, aptekə, poçta qaçırlarsa, sona kimi səkməyə necə vaxt ayırsınlar?!
   
   Sovet dövründə respublikamızın cənub rayonlarının birində yaşayan çaybecərən qadın haqqında oçerk oxumuşdum. Bu qadın həm Qəhrəman ana, həm də əmək qabaqcılıydı. Gündüz çay plantasiyalarında, axşamlar da evdə başını qaşımağa macalı yoxmuş. Guya gecə yarısınacan biş-düşlə, yuyub-yamamaqla məşğulmuş, hətta tikiş maşınında uşaqlarına paltar da tikirmiş. Əvvəla, inandırıcı deyil. Ona görə ki, bu məmləkətdə heç zaman - nə onda, nə də indi adamlara əməyinə, bacarığına görə qiymət verilməyib. İkincisi, belə olsaydı da bu, istismardan başqa bir şey deyildi. Sadəcə, insanı insanlıqdan çıxartmaqdı...
   
   Belə qadınlarımız olub, indi də var. Ancaq onların əməyi heç yanda görünmür... Sabahın necə açıldığını, axşamın necə düşdüyünü bilməyən qadının gözlərində dünya necə gözəl ola bilər, görəsən?!.
   
   
   
   ***
   
   Dünya həm də bir adamlıqdı - yəni, həm sənlikdi, həm də mənlikdi. Müdriklərdən biri deyib ki, mən varam, dünya da var, mən yoxamsa, dünya da yoxdu!
   
   Dünya həm də mənim gözümlə gördüyümdü. Toya, şənliyə gedəndə elə bilirsən, dünyanın hər yerində çal-çağırdı, bolluqdu, şadyanalıqdı... Yas yerinə çatmamış damarlarında qanın donur: dünya göz yaşıynan doluymuş ki... Xəstəxanaya yolun düşəndə hamının xəstə, zəlil olduğunu güman edirsən... Dustaqxanaları xəyalında canlandıranda bəşər övladının bir yığın oğru, quldur, manyak olduğu qənaətinə gəlirsən... Dünya həm də mənim ovqatımdan asılıdı - mən güləndə daşı-torpağı da gülür, ağlayanda gülündən-çiçəyindən qan-yaş tökülür...
   
   
   
   ***
   
   
   
   Xanım dostum! İxtiyarım olmasa da hər abzasda dünya haqqında bir "hökm" oxudum! Təzə heç nə demədim... Bunlar hamıya məlum. Bir də var mənim ürəyim... Ürəyimi sən bilirsən, axı... Ən əziz, ən doğma adamının yeri boş qalanda ovuda bilməzsən o ürəyi... Qürur, arxa, dayaq, sevgi, nəvaziş adına güvəndiyin yeganə varlıq bu dünyada yoxdusa, xörəyinə duz qatmaya bilərsən. Göz yaşların udduğun tikələrə hopub dad verəcək yediyinə...
   
   Beləsə, gözəl ola bilərmi, dünya?! Lap elə hər şeyə rəğmən...
   
   


YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK