Film izle hacklink kiralık bahis sitesi satılık bahis sitesi Adalet.az | Sağlam olub nazirin dərdini çəkincə... Adalet.az | Sağlam olub nazirin dərdini çəkincə... Adalet.az | Ədalət -
ANA SƏHİFƏ / YAZARLAR

Sağlam olub nazirin dərdini çəkincə...

Xəstə ol, qoy nazir sənin dərdini çəksin

22079    |   2009-02-14 00:59
Şriftin ölçüsü:
A+ Böyütmək
A+ Balacalaşdır

Sayın Kamal bəyin yastığı yüngül olsun. Tezliklə sağalıb ev-eşiyinə, rəngbərəng telefonlarla dolu kabinetinə qayıtsın, xidməti avtomobilində Ankaranı doyunca gəzsin. Dünyanın hər yerində belədi, vəzifəli adamlar kabinetdən uzaq düşdükcə xəstəlikə mübarizədə uduzurlar. Kabinetə qayıdıb, rahat kresloya oturan kimi olurlar sapsağlam adam. Sanki təzədən doğulurlar.
   
   İndiki həssas məqamda Türkiyənin maliyyə naziri Kamal Unakıtanın xəstəxanada yatması heç yerinə düşmədi. Bizə fikir verməyin, Araz aşığımızdandı, Kür heç topuğumuza da dəymir. Amma bütün dünya dövlətləri iqtisadi böhranın sərt əlləri arasında boğulmaqdadı. İş o həddə çatıb ki, milyarder Cors Soros taksidə gəzir. Başqası desəydi, inanmazdım. Bir neçə gün öncə öz gözlərimlə gördüm. Rusiya telekanalları Davosdakı sammitə gələn Sorosu taksiyə minəndə çəkib aləmə göstərdilər.
   
   Türkiyənin özündə də yetərincə problem var. PKK soldan, iqtisadi böhran sağdan hücuma keçib ölkənin başını qatır. Ermənilər hərdən sərhəddin o üzündən nəsə hürüb vəziyyəti gərginləşdirməyə çalışır. Bələdiyyə seçkiləri yaxınlaşdığından ölkənin hər yerində siyasi gərginlik artır. Hələ mən "Ergenekon" zəhrimarı demirəm. Bizim qəzetlər yazır ki, bu işlə bağlı tutulanların saxlandığı Silivri həbsxanasının ərazisində yeni korpuslar tikilir. Belə getsə Türkiyədə tutulmayan zabit qalmayacaq.
   
   Belə bir məqamda xəstələnən maliyyə naziri Kamal Unakıtan ölkənin bütün gündəmini dəyişib. Qardaş ölkənin telekanallarına baxanda adama elə gəlir ki, ucu-bucağı görünməyən Türkiyənin başqa dərdi yoxdu. Maliyyə nazirinin yatdığı xəstəxananı o qədər ətraflı göstəriblər ki, bu dəqiqə getsəm, Kamal bəyin müalicə olunduğu palatanı gözyumlu taparam. Türkiyəli həmkarlarımın köməyilə nazirin bütün qohum-qardaşını üzdən tanıyıram. Kamal Unakıtanın harasına gündə neçə iynə vurulduğunu əzbər bilirəm. Maraq üçün soruşun, nazirin gündə nə yediyini sizə deyim. Bəzən mənə elə gəlir ki, sayın nazirin ürəyinə baxan tibbi personalı uzun illərdi yaxından tanıyıram. Birinin oğlunun kiçik toyunda, o birinin qardaşının böyük məclisində iştirak etmişəm. Pul yazdırandan sonra qol götürüb oynamışam da.
   
   Türkiyə telekanallarında maliyyə nazirinin müalicəsi ilə bağlı göstərilən reportajlara baxanda daha bir məsələyə təəccübümü gizlədə bilmirəm. Xəstənin yanına nə qədər ziyarətçi gələr? Ölkə nazirləri günlərinin xeyli hissəsini maliyyə bakanının palatasında keçirirlər. Əfəndilər, bu kişinin qəsdinə durmaqda məqsədiniz nədi, niyə qoymursuz adam düz-əməlli müalicə alsın?
   
   Qardaş ölkə həkimlərinin bacarığına arxayınam. İnanıram ki, onlar yaxın bir-iki gündə maliyyə nazirinin ürəyindəki problemləri yoluna qoyacaqlar. Kamal Unakıtan iş yerinə qayıdıb yenə görəvinin icrasını davam etdirəcək. Oradakı telekanallarda çalışan həmkarlarım da xəstəxananın həyət-bacasından yığışıb ev-eşiklərinə dönəcəklər. Mənim isə canım xəstə nazir haqqında hazırlanan reportajlardan qurtulacaq. Allahın işini bilmək olmaz, əgər sayın Kamal bəyin müalicəsi bir qədər də uzansa, onda bu məsələ ilə ümumiyyətlə maraqlanmayacağam. Nəyimə lazım? Sağlam olub nazirin dərdini çəkincə, xəstə olum, qoy nazir mənim dərdimi çəksin...


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK