Film izle hacklink kiralık bahis sitesi satılık bahis sitesi Adalet.az | Bizi kino çəkməyə qoymadılar Adalet.az | Bizi kino çəkməyə qoymadılar Adalet.az | Ədalət -
ANA SƏHİFƏ / YAZARLAR

Bizi kino çəkməyə qoymadılar

Müdafiə Nazirliyi kino sənətimizin inkişafını müdafiə etmədi

25251    |   2008-10-25 02:12
Şriftin ölçüsü:
A+ Böyütmək
A+ Balacalaşdır

Deyəsən, yazılmayan qaydaları pozmasam da yanından ötmək istəyirəm. Bizdə kino barədə adətən yayın oğlan çağında-avqustda danışırlar. Ayın 2-də kinemotoqrafçıların peşə bayramı olduğundan tərifli sözlərin qabağında durmaq olmur. Amma mən bu dəfə payızın oğlan çağında kino haqqında yazmaq fikrindəyəm. Payızda filmlərə baxmağın ayrı ləzzəti var. Şair yaxşı deyib, payız gəldi, quşlar uşdu, dəniz ki, qərib oldu, otur televizorun qabağında kinoya bax.
   
   Yolları dünya standartlarına görə düzəldiləndən sonra yerli səviyyədə qazılan Azərbaycanda kinoya münasibət birmənalı deyil. Dostum, qardaşım Ceyhun Musaoğlu yazının bu yerinə çatınca deyəcək ki, bəy, nə qoyub, nə axtardığındı? Bizdə heç duz-çörəyə baxış birmənalı da olmayıb, sənsə kinodan danışırsan... Haqlı olmağına haqlıdı, amma bu başqa yazının mövzusudu. Gəlin bir yerdə kinoya baxaq. Daha doğrusu kinonun gününə.
   
   Bizdə kinodan söhbət düşən kimi camaatımız ən azı dörd cəbhəyə bölünür. Bir qrup deyir ki, Azərbaycanda kino əvvəl də olub, elə indi də var. Bir qrup isə başqa arqument gətirərək "əvvəlki filmlərimizə heç nə çatmaz, indi milli kinomuz ölüb"-deyir. Digər bir qrupun fikrincə sovet dövründə çəkilən filmlərimizə bir quş. İndiki filmlərimizə min bərəkət. Sabah-biri gün bütün Hollivudda Azərbaycan kinosundan danışacaqlar. Dördüncü qrup isə həmişə baltanı kökündən vurur. Onlar deyir ki, bizdə kino olmayıb, heç olmayacaq da. Azərbaycan Marlon Brando, Antonio Banderas, Riçard Gir Bred Pitt kimi aktyorlar, Sofi Loren, Ancelina Coli, Monika Belluççi kimi aktrisalar yetişdirməyib, yetişdirməyini də gözləməyə dəyməz. Bizim filmlərə Biləcəridə baxmırlarsa, Hollivudda necə bəyənəcəklər?
   
   Bu qrupların dördü də hansı məqamdasa haqlıdı. Mənim fikrimcə milli kinomuz bu dəqiqə dünyaya meydan oxuya bilər. Amma meydan oxuya bilmir. Çünki nə daxili işlər, nə də müdafiə nazirliyi buna imkan vermir.
   
   Məni bir məsələ düşündürür, bu iki nazirlik milli kino istehsalının daxili işlərinə niyə qarışır?
   
   Bu günlərdə igid əsgərlərimiz dünya kinosuna böyük töhfə sayıla biləcək kadrlar çəkiblər. Özü də peşəkar kamerayla yox, mobil telefonla. Bütün ölkə həmin kadrlardan danışır. "Dembel" əsgərlər orduya təzə gələnləri necə ürəklə təpikləyir, sillələyir, yumruğu bir qəpikdən vururlar. Kino belə olar da... Van Damm qələt eləyir, Stalonne başını divara vurur. Ceki Çan kimdi ki, kinodan danışa?
   
   Lakin bu dəfə də özümüz özümüzə qənim olduq. Daxili İşlər Nazirliyi Daxili Qoşunların N saylı hərbi hissəsində kino çəkənləri tutub həbsxanaya göndərdi. Müdafiə Nazirliyi Ələtdəki qospitalda kino xadimlərimiz barədə araşdırmalara başladığını bəyan elədi. İgidlərimizin nə günahı var axı? Ələt kimi gözəl məkan tapıb film çəkmək istəyiblər. Araşdırma bitən kimi yəqin onları da Bayıla aparacaqlar.
   
   Belə qadağaların üzündən dünyanın kino əjdahalarına meydan oxumaq, Hollivudda hamını şoka salmaq fürsətini əldən verdik. Yenə qaldıq Biləcəri döngəsində.
   
   Sabah bazar günüdü. Hərbi hissələrdə əsgərlərimizə "Şirbalanın məhəbbəti" filmini göstərəcəklər...


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK