Film izle hacklink kiralık bahis sitesi satılık bahis sitesi Adalet.az | Könlüm keçir Helsinkidən... Adalet.az | Könlüm keçir Helsinkidən... Adalet.az | Ədalət -
ANA SƏHİFƏ / YAZARLAR

Könlüm keçir Helsinkidən...

Həmişə möcüzə gözləyənlərə ithaf olunur

22848    |   2008-10-11 05:47
Şriftin ölçüsü:
A+ Böyütmək
A+ Balacalaşdır

Körpülər və yeraltı keçidlər şəhəri Bakıda oturmuşam, amma bütün fikrim Helsinkidə qalıb. Bizimkilər oradadı axı... Futbolçuları deyirəm, uzaq Finlandiyaya gedəsi başqa kimim var ki? Bu gün axşam milli komandamız Finlandiya yığmasıyla top qovacaq. Daha doğrusu, fin futbolçular qovacaq, bizimkilər qaçacaq.
   
   Sözün açığı, bu gecə baş tutacaq görüş nə dünya çempionatının yarımfinalıdı, nə Avropa birinciliyinin final oyunu. Lakin nədənsə həmin oyunu səbrsizliklə gözləyirəm. Elə bilirəm ki, möcüzə olacaq, hakim final fitini çalanda tablodakı rəqəmlər Azərbaycan milli futbol komandasının qalib gəldiyini göstərəcək. Dünyada o qədər möcüzəli hadisələr baş verir ki...
   
   Amma deyəsən, FİFA-da möcüzəyə inanan qalmayıb. O gün yenə milli komandaların reytinqini açıqlayıblar. Azərbaycanı da aparıb 143-cü yerdə yazıblar. Yəni bizimkiləri reytinq cədvəlinin zirzəmisinə salıblar. Bizim futbolçular zirzəmidə darıxmasınlar deyə ora bir-iki dənə başqa dövlətlərin yığmalarını da göndəriblər.
   
   Gecə oyun olacaq, oyun. Fin azarkeşlərini təəccüb bürüyəcək. Stadiondan çıxıb "QAZel"də basabas sala-sala evlərinə gedənəcən fikirləşəcəklər ki, görəsən, Azərbaycan millisi bu oyunu haradan öyrənib? Belə futbol oynamaqda bizimkilərin məqsədləri nədi? Ay bu suallara cavab tapdılar ha.. Ona da Berti Foqts deyərlər, alman məşqçi şeytanı gündə beş dəfə çaya aparıb gətirər, bir qurtum Bavariya pivəsi də verməz. Analar Berti kimi oğul doğmayıb. Bizim jurnalistləri görəndə elə bil qutuda ilan görür. Elə bilir Lixtenşteynlə Bakıda keçirilən oyun zamanı rəqibin qapısında Azərbaycan jurnalistləri qalıb. Almaniyada arvadı dovğaya duz tökməyəndə də günahı bizim qələm əhlində görür, fikirləşir ki, yəqin biz tapşırmışıq. İşimiz-gücümüz qurtarıb...
   
   Bu günlərdə Türkiyədə maraqlı hadisə baş verib. Daha doğrusu, Türkiyədə çox olaylar olub, lakin bu köşəmiz futbol haqqında olduğundan xəbərimiz də elə futbolla bağlıdı. Deməli belə, UEFA kubokunda Ukraynada böyük hesabla məğlub olub geri qayıdan "Beşiktaş" komandasını azarkeşlər narazılıqla qarşılayıblar. Məğlubiyyəti həzm edə bilməyən fanatlar futbolçulara deyiblər ki, bundan sonra soyunub meydana çıxın.
   
   "Beşiktaş" da uduzmağa vaxt tapdı. Gərək elə indi fanatlarını hirsləndirəydilər? Tərslikdən də bizimkilər Helsinkidədi. Finlandiya paytaxtını eninə-uzununa gəzəndən sonra bu axşam stadionda oyuna çıxacaqlar. Bizim camaatı tanıyırsız da... Türkiyədə nə oldusa tez götürüb onu təkrar edirlər. Azərbaycanın tən yarısı "Kurtlar Vadisi"ndəki Polat Alemdar kimi yeriyir, tən yarısı da "Yapraq Dökümü"ndəki Şevket kimi banka pul ata-ata gəzir. İndi də çoxları özünü "Beşiktaş"ın fanatı kimi aparacaq. Dünya standartlarına cavab verən yolla gedəcəklər Binədəki Beynəlxalq Hava Limanına. Futbolçularımız təyyarədən enən kimi "Bu nə oyun idi oynadınız. Bundan sonra stadiona çıxanda soyunub oynayın!" - deyib hay-küy salacaqlar.
   
   Amma bir də gördük ki, bu gözəl-gözəl dünyada möcüzə baş verdi. Axşam Helsinkidə meydana çıxacaq millimiz ürəyimizcə olan nəticə əldə etdi. Biz də yığışıb getdik Binəyə. "Beşiktaş"ın çılğın azarkeşlərindən fərqli olaraq, qabiliyyətli şüarlar səsləndirdik. Futbolçularımızın şərəfinə "Şeytan diyor ki..." mahnısını sifariş verib doyunca oynadıq.
   
   Bu gecə Helsinkidə möcüzə baş verəcəyinə yaman inanıram. Təki Berti Foqtsun meydana buraxacağı futbolçular da möcüzəyə inanaydılar...


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK