Film izle hacklink kiralık bahis sitesi satılık bahis sitesi Adalet.az | Çarə qaldı Buş gələnə... Adalet.az | Çarə qaldı Buş gələnə... Adalet.az | Ədalət -
ANA SƏHİFƏ / YAZARLAR

Çarə qaldı Buş gələnə...

Tərslikdən bizim tərəflərdə qış Buşdan tez gəlir

24290    |   2008-09-06 13:53
Şriftin ölçüsü:
A+ Böyütmək
A+ Balacalaşdır

Yay qurtarmağa macal tapmamış qonaqların biri gedir, biri gəlir. Gələnlərin də hamısı elə bilir bizim tərəflərdə yel əsib qoz tökülür. Daha bilmirlər ki, şəkərin özü bir yana, onun tozu da bahalaşıb. Kimi də dindirirsən, deyir qiymətin bahalaşması Gürcüstandakı vəziyyətə görədi. Şəkər tozu satan da, bu sahəyə cavabdeh olan dövlət məmuru da eyni xor dərnəyinə gediblərmiş kimi Tiflisi, Batumini, Qorini yada salırlar. Dövlət məmurlarını haradasa anlamaq olar, amma şəkər tozu satanları heç cürə başa düşə bilmirəm. Hər gün bir-iki vaqon şəkər tozu satırlar, dillərindən bir dənə də olsun şirin söz eşidilmir.
   Bütün informasiya agentliklərindən operativ işləyən qonşumuz deyir ki, qiymətləri qaldıranların bəhanəsi kəsiləcək. Daha heç kim "Gürcüstanda vəziyyət xarab olduğundan qiymətləri qaldırmışıq"-deyə bilməyəcək. Çünki Amerika Birləşmiş Ştatlarının vitse-prezidenti Dik Çeyni rusların acığına özü Tiflisə getdi. Qonşum bir vacib məsələni deməsə də, öz qanacağıma nə gəlib, bilirəm ki, Çeyni Gürcüstana uçmaq üçün əvvəlcə bizim tərəflərə gəldi. Qurban olduğum məmləkətim belədi, Amerikanın da bizə işi düşür.
   Hər gün telekanallarda regiondakı siyasətdən millətə dərs deyən stomatoloq-politoloqlar qədər bilməsəm də, özümə görə politologiyadan anlayışım var. Amerika Birləşmiş Ştatlarında vitse-prezidentdən səlahiyyətsiz adam yoxdu. Bu günə qədər həmin postu tutanlardan heç biri bir adamın yanan barmağına tüpürməyiblər. Dik Çeyni hərdən özü də bekarçılıqdan bezir. Bütün günü kabinetdə oturub televizora baxır, qəzetlərdə tanışlıq elanlarıyla tanış olur. Görəndə ki, rəngbərəng telefonlarına saatlarla zəng edən yoxdu, dərindən köks ötürüb əl atır ağ varağa. Başlayır şeirdən-poemadan qoşmağa:
   
    Saqqız çeyniyə-çeyniyə
    Çeyni girdi kabinetə.
    Saqqız çeyniyə-çeyniyə
    Çeyni çıxdı kabinetdən.
   
   Bir yandan baxanda onu da qınamalı deyil. Bekarçılıq çox pis şeydi. Bizim tərəflərdə camaatın tən yarısı elə bekarçılıqdan şair - yazıçı olur. Dik müəllim həm də bir məsələyə görə narahatdı. Nə olsun ki, Buşun müavinidi, Kondaliza Raysı ondan daha çox tanıyırlar. Bu dəqiqə Bakıda istənilən taksi sürücüsünə "Dik Çeyni kimdi?"- deyə soruşsan, səni tərs-tərs süzəcək. Amma narahat olmağa dəyməz, həmin dəqiqə Kondaliza Rays barədə soruşun. Əmin olun, sürücünün üzünə təbəssüm qonacaq. Bəs nə bilmisiz, qadın böyük qüvvədi! Özü də necə qadın - şokolad kimi...
   ABŞ-ın bekarçılıqdan darıxan vitse-prezidenti Dik Çeyni əvvəlcə biz tərəflərə, sonra Tiflisə, oradan da Kiyevə uçdu. Yenə heç kimin yanan barmağına tüpürmədi. Qonşumuzun da şəkər tozunun ucuzlaşacağına bağladığı inamı öldü. Yenə çarə qaldı Buş gələnə. Stomatoloq-politoloqlar da deyirlər ki, Buş buralara gəlsə, bəlkə qiymətlər ucuzlaşa. Tərslikdən də biz tərəflərdə qış Buşdan tez gəlir...
   
   


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Məktəbli formalarının qiymətlərindən razısınızmı?

Hə (25%)
Yox (75%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK