Film izle hacklink kiralık bahis sitesi satılık bahis sitesi Adalet.az | Bin Laden "Ədalət" oxuyur Adalet.az | Bin Laden "Ədalət" oxuyur Adalet.az | Ədalət -
ANA SƏHİFƏ / YAZARLAR

Bin Laden "Ədalət" oxuyur

Dünyanın A kateqoriyalı terrorçusu müğənnilərimizdən kimləri dinləyir?

26246    |   2007-12-08 02:49
Şriftin ölçüsü:
A+ Böyütmək
A+ Balacalaşdır

Elə bil ürəyimə dammışdı. tən yazılarımın birində Amerikanın günün günorta vaxtı çıraqla axtardığı Bin Laden barədə bir-iki kəlmə qaralamışdım. Bu əllərimlə yazmışdım ki, Bin Laden neçə illərdi heç yerdən maaş, sosial yardım, qonorar almır. Sponsoru yoxdusa sığındığı mağaranın kirayə pulunu kim ödəyir?
   
   "Ədalət"in həmin sayı köşklərə çatar çatmaz Bin Laden "Əl-Cəzirə" telekanalına çıxıb ABŞ-ı yaş yuyub quru sərdi. "Ədalət" qəzetinin köşə yazarı olduğuma görə ədalətli olmalıyam, Bin Laden sonuncu çıxışında mənə irad-filan bildirmədi. Onun davası Buşladı.
   
   Mən isə qəzetçi kimi qismən istəyimə çatdım. Sponsorunun adını açıqlamasa da, sükutu pozub efirə çıxdı. Deməli, dünyanın A kateqoriyalı terrorçusunu yazımla qıcıqlandıra bildim. Təkcə məni yox, yəqin ki, oxucuları da bir məsələ maraqlandırır. Bin Laden bu vurhavurda qəzetdəki yazını necə oxuyub? Elektron ünvanıma daxil olan məktub suala aydınlıq gətirdi. Məlum oldu ki, gizləndiyi mağarada Bin Ladenin yaraq-yasağından başqa sürətli interneti, peyk antennası da var. Dünyada nəşr olunan qəzetlərin əksəriyyətinə internet vasitəsilə göz atır. zü barədə yazılan məqalələri isə son cümləsinə qədər oxumadan internetdən ayrılmır. "Ədalət"dəki yazım da bu üzdən Bin Ladenin diqqətini çəkib. Dərhal saç-saqqalına əl gəzdirib "Əl- Cəzirə"yə çıxıb. İndi oxucularda növbəti sual yarandı. Elektron ünvanıma bütün bunları kim yazıb? Heç bir sualdan qaçan deyiləm.
   
   Məktubu əslən Misirdən olan həmkarım yazıb. Onunla bir neçə il öncə şəhərsalma problemlərinə həsr edilən beynəlxalq seminarda tanış olmuşdum. Beynəlxalq dostum bir neçə qəzetdə çalışıb, baş redaktorların maaşı, qonorarı basıb yediklərini görüncə Bin Ladenə pənah aparmaqdan başqa əlacı qalmayıb. İndi A kateqoriyalı terrorçunun mətbuat və ictimaiyyətlə əlaqələr şöbəsində metodist vəzifəsindədi. Mağaradakı bütün işçilər kimi o da Bin Ladeni "müəllim" deyə çağırır. Yazdığından belə anlamaq olur ki, babat dolanır. Bin Laden onun nə maaşını, nə də qonorarını kəsir. Hələ ki...
   
   Dostum yazır ki, "Ədalət"in internet ünvanında yazımı görən kimi müəllim dəftərçəsində qeydlər edib və "Əl- Cəzirə"yə telefon açmaq barədə göstəriş verib. Sonrası hamıya bəllidir.
   
   Həmkarım yazır ki, müəllim Buşla mübarizəyə fasilə verəndə telekanallara baxır. Sərxan Kərəmoğlunun "Lider" TV-də apardığı verilişin birini də buraxmır. Rəqsanənin mahnılarını eşidəndə isə əsəbiləşir. Dostumun Bin Ladenin mağarasından göndərdiyi məktubundan sitat: "Rəqsanənin "Mən səni görmək istəsəm hara gəlim?" mahnısını eşidən kimi müəllimin qanı qapqara qaralır. Deyir ki, bu qıza necə mesaj yazım ki, filan mağaraya gəl? Yazan kimi çıxıb maqazin proqramlarında müsahibə verəcək ki, Bin Laden mənə dəvət göndərib. Bir-iki günə gedəcəyəm filan mağaranın filan zalına. Elə Buşa da bu lazım deyilmi? Müəllim deyir, Rəqsanə sirr saxlayan deyil. Onunla kəşfiyyata getmək olmaz".
   
   Sonra dostum məktub vasitəsilə məndən bir xahiş edir. Yazır ki, Röyanı, Nuranı görəndə onlardan geyimlərinə fikir vermələrini tapşırım: "Onlara de ki, müəllim yaman əsəbiləşib. Ya geyinsinlər, ya da..."
   
   Məktubun bu yerində xeyli nöqtələr var. Görəsən, bu nöqtələr internetin xətasıdı, yoxsa Bin Laden doğrudan da əsəbləşib...
   
   Tərslikdən yenə nöqtələr düşdü...
   
   


YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK