Ücretsiz php script indir film izle hd film izle ikinci el eşya alanlar shell indir hack forumu hacklink satışı Ücretsiz php script indir film izle hd film izle ikinci el eşya alanlar shell indir hack forumu hacklink satışı Adalet.az | XƏZƏL SİMFONİYASI Adalet.az | XƏZƏL SİMFONİYASI Adalet.az | Ədalət -
ANA SƏHİFƏ / YAZARLAR

XƏZƏL SİMFONİYASI

54962    |   2014-11-01 01:52
Şriftin ölçüsü:
A+ Böyütmək
A+ Balacalaşdır

BAXIŞ BUCAĞI

Yaşı bəlli ayrılıq


Onda da hava belə idi, eyni ilə bu cür boz-bulanıq. Sonra bu boz-bulanıq hava bir az da qatılaşdı, bir az da tündləşdi və həmin o qatı qaranlığın içində gizlənə bilmədi o alov. Öncə gözlərimin qarşısında alışmışdı. Sonra uzaqdan seyr etməyə məcbur oldum. Yanırdı, daha doğrusu, düşmən yandırmışdı evi. Onda oktyabrın 30-dan 31-nə keçən gecə idig Düz 23 il bundan öncə. Yəni 1991-ci ilin oktyabrın 30-dan 31-ə keçən gecə yandırıldı evim. 23 il ancaq yuxularda gördüm mən onu və hələ də görürəm və hələ də nə qədər görəcəm bilmirəm...
Müdriklər söyləyir ki, hər şey təkrar olunur... Tarix də təkrar olunur... Elə fəsillər də təkrar olunur... Amma bir az ləng, bir az ağır... Mən bu fikirləri söyləyəndə payızı nəzərdə tuturam. O payızı ki, mənim həyatıma 23 il bundan öncə daxil olub. rəhmətlik Nüsrət Kəsəmənli demişkən:

Niyə sənin payızın,
hər çiçəkdən tez düşür?..

Bax, mənim də payızım tez gəldi. İstəmədən, arzulamadan eləcə aldı başımın üstünü... budadı qol-budağımı. Amma ümidimi doğraya bilmədi, ümidimə gücü çatmadı. Görünür, bu da dostlara güvəncdən, daha çox isə Allaha böyük sevgimdən qaynaqlanırdı. Ona görə də 23 ili də yola verdim. Dişlə-dırnaqla, ən çox da qələm-kağızla... Sinəmi ona boşaltdım... ürəyimi ona açdım... onunla təkliyə çəkildim... onunla qoşalaşıb onunla birlikdə dözüm qazandım... Yazdıqlarım onun diktəsi, onun istəkləri və bir də onun özü oldu. Beləcə, arxada qaldı 23 illik payız. O payız ki, hələ də mən onun içindəyəm...
Ümidə güvəndim. O ümidə ki, əlim Tanrı ətəyi kimi həm də onun ətəyindədi. Və mən əvvəldə xatırlatdığım fikrə qaydıram - hər şey təkrar olunur, elə fəsillər də... Deməli, payız da keçib gedəcək. Ardınca qış gələcək, sonra yaz, yay və yenə payız... Payız silkələyəcək, yoxlayacaq. Çünki qarşıda qış var - sınaq, imtahan olan qış. Payızdan dözümlü çıxan qışdan da çıxacaq... Yazı yaşayacaq, yayı görəcək. Payız xal saldığı nələr varsa, əlvida deyəcək. Amma payızdan keçib qışın testini uğurla başa vuranlar yazı yenə göyərəcəklər. Özləri ilə birlikdə yazı da göyərdəcəklər. Arzuları, istəkləri tumurcuqdan bara-bəhərə çevriləcək. Və deməli, solmayan, saralmayan ümid aparıb çıxaracaq ora, payızın xəzəli olmayanları...
Mən yaşadığım 23 illik payızın ovqatını misralara çevirməyə çalışdım. İstədim ki, şeirin dili ilə bu payızın havasını sizlərə də çatdırım. Və yazdım:

Söz-söz qopub düşürəm
Ürəyimin dibinə...
Vergül tək ilişirəm -
Sabahın ümidinə...

İnsan mənzərələri
Solur rənglər fonunda...
Bir sükut dayanıbdı -
Hər bir yolun sonunda...

Kövrəlməyə yer qalmır
Bəllidirsə nəticə...
Heç nəyi zorla almır -
Nöqtə qoyur sadəcə.

Söz-söz qopub düşəndə
Xəzəl gülür üzümə...
Bir vergül təsəllini -
Yaxın tutur gözümə!..

***

Deyirlər ki, hər kəs doğulduğu torpaqda, özünə aid olan ünvanda daha güclü olur, daha dözümlü olur. Əvvəllər bu deyimə o qədər də əhəmiyyət vermirdim və mənə elə gəlirdi ki, məmləkətimin hər yerində mən dözümlü, güclü ola bilərəm. Ancaq yaşadığım bu payız günlərin birində sanki xəzəl dili ilə mənə pıçıldadı ki, yanılırsan. Məmləkətin hər yeri Vətən olsa da, hər yeri gözəl olsa da, ancaq bu, sənin, mənim doğulduğum evin verdiyi auranı, verdiyi hərarəti, verdiyi diqqəti, hətta verdiyi ağrı-acını sənə verə bilmir, mənə verə bilmir. Gəzirsən, görürsən, əylənirsən, amma yenə doğulduğun ünvana tələsirsən. Lap o bayatıda deyildiyi kimi:

Aləm cənnətə dönsə,
Yaddan çıxmaz Qarabağ!

Mən bunu söz bilənlərdən, söz yazanlardan, sözə dəyər verənlərdən üzr istəyib belə ifadə edərdim ki: "Yaddan çıxmaz doğulduğum ocaq, doğulduğum ev, kənd- kəsək...". Bax, bu mənada hələ orta məktəbdə oxuduğum illərdə yaşlı adamların çöhrəsinə baxanda ağlıma min cürə qəribə fikirlər gəlirdi. Onlardan biri də bu yaşlı adamları kəndimizdəki 100-200 yaşlı ağaclara bənzətməyim idi. Mənə elə gəlirdi ki, bu adamlar həmin o ağaclar kimi payızı gözləyirlər. Və nədənsə bu fikrimə sonra özüm də gülürdüm. Çünki görürdüm ki, payızda həmin ağacların yarpaqları tökülür, həmin o yaşlı adamların isə sırası ilboyu seyrəlir. Üstəlik, o zamanlarda qəribə də olsa toyları yazda, payızda çaldırardılar. Düzdü, bu təsərrüfat işləri ilə bağlı idi. İndiki kimi adamların əli bu qədər boş, vaxtları bu qədər çox deyildi. Kim nə vaxt istədi, nə vaxt arzu etdi, onda da toyu çaldırır...
O ağaclar da doğranıb indi. Onların xəzəl ömrü görməyi, xəzəl yağışı yaşamağı başa çatıb. Özü də təbii yolla yox, düşmən əliylə... Və o yaşlı adamlar da artıq yoxdu. Amma yaşı cavan, çöhrəsi yaşlı, düşüncəsi təzadlı adamlar var hələ. Bu adamlar nə o ağacları görüblər, nə o adamları. Sadəcə, payızı görürlər və düşünürlər ki, bu payızın simfoniyası kədərlidi. Ona qulaq asmaqdansa, hansısa bir guşəyə çəkilib ən pis halda domino oynamaq daha maraqlıdı... Doğrusunu deyim ki, bunu heç qəbul etmirəm. Çünki payızın gözəlliyini görmək üçün mütləq Xəzəlin simfoniyasını dinləmək lazımdı. Onda payızı daha yaxşı anlamaq olur.

Qayalar küskün-küskün
Durub baxır üzümə...
Mənsiz keçən günlərin-
Vurub baxır üzümə...

İçimdə bir burulğan
Dərd var - qatil, qudurğan!
Tək əliylə durulan -
Qanı yaxır üzümə!..

Sözün tikan-tikandı
Daha səbrim tükəndi...
Dərd göylərə dikəldi-
Ordan yağır üzümə...

Torpaq yanır, qovrulur
Od dünyaya sovrulur...
Günah isə vurulur-
Mənim fağır üzümə.

***

Öncə pəncərədən boylandım. Üzümə toxunan payız dumanı məni evdən çıxmağa məcbur etdi... Həyətə düşdüm... Yolun kənarındakı ağaclara tərəf getdim... Müxtəlif rəngə çalan yarpaqlardan dumanın gətirdiyi şeh damcılayırdı... Amma mənə elə gəldi ki, yarpaqlar ağlayır... Bilmirəm niyə belə düşündüm? Amma içimə dolan bu hiss düşüncəmə də hakim kəsildi və ağlayan yarpaqlarla mən də kövrəldim. Həmin an elə bildim ki, ağlayan yarpaqlar məni göz yaşlarında yuyub sərəcəklər. Çünki mənim də içim başdan-başa bir payıza köklənmişdi və o payız məni silkələnməyə, hönkürməyə çağırırdı. Lakin gücüm çatmırdı özümə. Çünki gözümün qabağında bir tonqal göylərə millənirdi... yanan evimin tonqalı...
Hə, dayandım ağacın altında. Ağlayan yarpaqların göz yaşları səpələndi üstümə. Mən o damlaları silmək istəmədim, heç qorunmadım onlardan. Hətta əllərimi açdım, ovuclarıma da o damlalardan düşdü. Necə də dupduruydu bu damlalar, göz yaşı kimi. Doğrudan axı, ağaclar ağlayırdı yarpaqlar üçün... yarpaqlar ağlayırdı özləri üçün... Bir-birinə qarışan göz yaşları ovcuma damırdı... göz yaşları kimi. Və mən bütün bunların yükünü yükləyirdim ürəyimə. İstəyirdim ki, ürəyim bu ağırlığın altında təkcə əzilməsin, həm də partlasın...
İndi də o məqamı xatırlayıb, o məqamı təkrar yaşayıb bilgisayara düşüncələrimi söyləyəndə elə bilirəm ki, o göz yaşları bax bu dəqiqə də üstümə ələnəcək. Çünki mən o payızın içindən çıxa bilmirəm və içində olduğum o payızın Xəzəl simfoniyası mənimlə birlikdə gəzib dolaşır, eləcə oxunur mənim üçün. Hətta arada əllərimlə qulaqlarımı tutub sıxdım, ovcumun içi ilə qulaqlarımı tıxadım. Amma bacarmadım. O səsin qarşısını kəsə bilmədim. O səs qan kimi dövr edirdi içimdə... İşıq kimi bürüyürdü məni... bələnirdim o səsin işığına... Və beləcə, hardasa o Xəzəl simfoniyasının dalğaları üstündə uzaqlaşırdım Bakıdan... Çıxıb gedirdim doğulduğum ünvana tərəf. Axı o yerin payızı tamam fərqli idi və bir də o yer mənim üçün daha güvənli, daha isti idi...
Üşüdür məni Bakının payızı, yaman üşüdür. Belə getsə, deyəsən qışı daha soyuq olacaq və o qış bu payızın imtahanı kimi mənə hansı sualları hazırlayır, hansı sınaqlardan keçirəcək onu təxmin edə bilmirəm. Sadəcə bilirəm və anlayram ki, suallar ciddi və çətin olacaq. Neyləyək, hamı bilir ki, bu yerdə təkrar olsa da, yenə vurğulayım ki, payızdan sonra qış gəlir. Bütün dünyada belədi və bütün dünyada ömürlərin də payızı olur... Ağacların yarpaq tökümü kimi ömürlərin də yarpaq tökümü olur. Obrazlı desəm, dostların da yarpaq tökümü... Bu sonuncu, zənnimcə daha ağırdı. Çünki dost itirmək hansı səbəbdən olur-olsun, ağırdı. Kiminsə dost itirməsini istəməzdim... Kiminsə payızının davamlı olmasını arzu etməzdim... Kiminsə qışdan çıxa bilməməsini xəyalıma gətirmək belə istəyim deyil. Amma neyləyim ki, mənim düşüncələrim, mənim istəklərim şah fərmanı deyil ki, hər kəs tərəfindən, lap elə təbiətin özü tərəfindən də birmənalı qarşılansın və Allahın iradəsi ilə gerçəkləşsin. Çünki təbiətə hökmü yalnız Allah edə bilər!..

Yaddaşı vərəqlədim
Xatirələr çözüldü...
Köç edən hər dostumla
Bir ipucu üzüldü -
Bu dünyadan...

Göz önümdən çəkilib
Nağıllaşdı bir anda
Hiss etdim ayrılığı
Mən əlimi vuranda -
Bu dünyadan...

Həyat necə amansız
Zaman necə cəlladdı...
Kipriyimdə donan yaş
Mənə çox şey anlatdı -
Bu dünyadan...

Nə durmaq var, nə dönüş
Axarı da bənd tutmur...
Görüş yeridi, görüş
Köçürməyi unutmur -
Bu dünyadan...

Hə, bilmirəm bu payız ovqatlı, payız görkəmli Xəzəl simfoniyası sizlərə necə təsir etdi, sizlərə nəyi yaşatdı. Amma sözün düzünə qalsa, mən hələ də o ovqatın, o simfoniyanın içindəyəm və tezliklə oradan ayrılacağıma da inanmıram...





YAZARIN ARXİVİ

2018-11-18 : DOYMUŞ MƏHLUL
2018-10-23 : YARIMÇIQ MƏKTUB
2018-09-21 : ÜMİD KƏNDİRİ
2018-09-14 : ÖMÜR YARPAQLARI
2018-09-08 : ŞUNURLULAR
2018-09-06 : Təzyiq yazısı
2018-09-05 : AYLI BİR GECƏ
2018-07-31 : HAVALI YAZI
2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : Tofiq Abdinlə
2015-11-13 : ÜZ SUYU
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
Ücretsiz php script indir film izle hd film izle ikinci el eşya alanlar shell indir hack forumu hacklink satışı
SON XƏBƏRLƏR
2018-12-10


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (64.29%)
Qaynana (35.71%)

ÇOX OXUNAN
GÜNÜN LƏTİFƏSİ
Tibb bacısı əlində iynə palataya daxil olur:
- Əliş dayı, oyan... xahiş edirəm oyan...
Xəstə güclə şirin yuxudan ayılıb gözünü ovxalayır:
- Nolub a bala, nə deyirdin?!
- Heç, yuxu iynəsi gətirmişəm, onu vurum, gedirəm.




digər lətifələr
ARXİV
FACEBOOK