ANA SƏHİFƏ / YAZARLAR

Orda məni xatırlayan varsa...

Tofiq Abdinin doğum gününə

49239    |   2014-09-02 03:48
Şriftin ölçüsü:
A+ Böyütmək
A+ Balacalaşdır

Həftənin ilk iş günü Tofiq Abdinin ad günü ilə başladı. Tofiq abi hələ orta məktəbdə oxuyanda hamını inandırmışdı ki, sentyabrın 1-də anadan olub. Elə o vaxtdan yaxınları, dostları sentyabrın ilk günündə Tofiq Abdini təbrik etməyə tələsirdilər.
Yenə təqvimdə sentyabrın 1-di, amma ilk dəfədir ki, bu günü abisiz qeyd edirik. Nə əlimiz çatır ona, nə ünümüz yetir. İstanbulda deyil ki, zəng edəsən, telefonda səsini eşidəsən, Bakıda deyil ki, "Praqa"nın bir addımlığındakı tanış məkana özünü yetirib üzbəüz oturasan. Tofiq Abdinin pulu ilə Tofiq Abdinin növbəti ad gününü qeyd edəsən...
Həmişə qeyri-adiliyi ilə seçilən abinin ölümü də başqa ölümlərə bənzəmədi. Belə yalnız Tofiq Abdin ayrılıb gedə bilərdi.

İtmək istərdim, səssiz-səmirsiz
günlərin birində.
Qorxuram ki, heç kəsin
xəbəri olmaya
Bu itkidən
Əziz bir adamım olaydı,
Düşəydi yollara payi-piyada,
Axtaraydı mən,
Gözləri yaşlı bu dünyada.

Bu dəfə sentyabrın 1-i. Tofiq Abdin uzaqlardadı, çox uzaqlarda. Yoxsa səhər tezdən dostları toplamışdı başına. Sözarası Mətinin, Günelin işlərindən, qayğılarından danışmışdı.

Əllərim göynəyir saçınız üçün,
mənə deyən yoxdur, bunu al, ata!
Düzünü deyim ki, baxıram bu gün
sizin gözünüzlə mən bu həyata.

Ad günü ilə bağlı qurduğu məclisin şirin yerində nəvələrindən, xüsusi ilə İbrahimin hərəkətlərindən söz-söhbət açmışdı.
Bir nağıl danışacağam
nəvələrimə.
Əgər ölməsəm,
Nəvəm olsa.
Deyəcəyəm:
qırx yaşına kimi
kirayəçi oldum...
...Ömrümün ən gözəl çağlarını
Dolandım küçə-küçə...

Yenə sentyabrın 1-di. Birinci dəfədir ki, doğum gününü abisiz keçiririk. İllər öncə İstanbulda yaşayanda onu xatırlayanlara salam göndərmişdi şeirində:

Orda məni xatırlayan varsa
salam olsun...

Uydurduğun doğum gününü təkcə ailə üzvlərin, doğmaların deyil, dostlar da qeyd edir, səni xatırlayırlar.
Əleykum salam, Tofiq Abdin, ad günün mübarək olsun!




YAZARIN ARXİVİ

2020-04-17 : Canlı bir roman
2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2020-07-06
2020-07-05


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK