Film izle hacklink kiralık bahis sitesi satılık bahis sitesi Adalet.az | Fəvvarələr meydanında azərbaycanlıya ləkə olan biabırçılıq Adalet.az | Fəvvarələr meydanında azərbaycanlıya ləkə olan biabırçılıq Adalet.az | Ədalət -
ANA SƏHİFƏ / YAZARLAR

Fəvvarələr meydanında azərbaycanlıya ləkə olan biabırçılıq

Sabah küçədə sex-lə məşğul olacaq və adını da "Flaşmob" qoyacaq

239942    |   2012-11-21 16:16
Şriftin ölçüsü:
A+ Böyütmək
A+ Balacalaşdır

Aprelin 1-i Fəvvarələr meydanında biabırçılıq baş verib. Azərbaycana və azərbaycanlıya, ümumiyyətlə normal düşüncəli insana, yəni şüurunda çatlar olmayanlara yaraşmayan hadisə yaşanıb. Ölkəmizə hardansa göndərilən bir qrup rusdilli oğlan və qızlar Nizami küçəsinin ortasında şalvarlarını çıxarıblar. Hərəkətlərinin də adını qoyublar "Flaşmob".

İctimai yerdə şalvarlarını çıxarıb, alt paltarında keçi kimi ora-bura tullanan gəncləri görən ətrafdakı insanlar təəccüblə tamaşa etməklə kifayətləniblər. Hadisənin maraqlı tərəfi ondadır ki, asayişi qoruyan polislər həmin an gözə dəyməyib.

Belə çıxır ki, aksiya öncədən razılaşdırılıb. Kiminlə? Bilinmir. "Küçənin ortasında şalvarımızı çıxarmağa bizə icazə verin" xahişinə hansı səlahiyyət sahibi müsbət cavab verib? Bilinmir. Təkcə bilinən odur ki, şalvarlarını soyunanlar tərbiyəsiz hərəkətlərini 1 Aprelə həsr ediblər. Bu məntiqlə mayın 28-də, məsələn, Bulvarda alt paltarlarını çıxaranların da şahidi olacağıq.

İctimai yerdə soyunmaq əxlaqsızlıqdı və Cinayət Məcəlləsinin xuliqanlıq maddəsi ilə həmin tərbiyəsiz adama cəza düşür. Fəvvarələr bağında isə "Flaşmob" adı altında soyunanlara nəinki "qaşın gözünə girir" deyən olub, əksinə, onlar soyunma əməliyyatını sona çatdırandan sonra bir yerə toparlanıb sevinclərini qışqırmaqla küçəyə səpələyiblər. Bakı sakinləri isə "sevinclər"in yanından laqeyidliklə keçiblər.

Dostlar, bu əxlaqsız hadisəyə etiraz etmək lazım idi. İctimaiyyət qarşısında şalvarını soyunan adamın şalvarını başına keçirmək lazım idi. Ki, elədiyi səhvi anlasın. Anlamasa sabah küçədə sex-lə məşğul olacaq və adını da "Flaşmob" qoyacaq.

Yazıqlar, daha bilmirlər ki, "Flaşmob" qısa zaman ərzində orijinal üsulla insanları maarifləndirməyə xidmət edir. Necə ki, Dalğa Gənclər Hərəkatı tez-tez "Flaşmob" maarifləndirmə tədbirləri düzənləyir. Xeyli sayda dalğaçı əllərində kitab şalvarlarını soyunanların hoqqa çıxardıqları parkda dəfələrlə "Kitab oxuyaq" aksiyası keçiriblər. Oxumaq cəmiyyəti inkişafa, soyunmaq isə tənəzzülə aparır.

Dostlar, bəlkə şalvar soyunma aksiyası Bakıya gey-parad dürtmək istəyən məkirli qüvvələrin testidi. Əxlaqsızlığa hansı səviyyədə yox deyə bilmək bacarığımızı yoxlayırlar.

Deyək: YOXXXXXXXX!

Anar İsaoğlu


İmza:

YAZARIN ARXİVİ

SON XƏBƏRLƏR
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK