ANA SƏHİFƏ / YAZARLAR

HEYDƏR ƏLİYEV TARİXİN XALQIMIZA ƏN BÖYÜK TÖHVƏSİ İDİ

Məmməd Həsənli"Bank of Azərbaycan" ASC-nin idarə heyətinin sədri

65457    |   2007-05-09 06:04
Şriftin ölçüsü:
A+ Böyütmək
A+ Balacalaşdır

Cəmiyyət həyatı önəmli insanlarla, böyük tarixi şəxsiyyətlərlə zaman-zaman zənginləşir. Təbii ki, şəxsiyyətlərin tarixi və cəmiyyəti zənginləşdirməsi bu və ya digər xalqın həyatında say və kəmiyyət etibarı ilə həmişə fərqli olubdur. Bu mənada Azərbaycan xalqının, Azərbaycan tarixinin minilliklərdən gələn böyük mütəfəkkirləri, dühaları, sərkərdələri, elm, sənət xadimləri özlərinin xalqa və tarixə bəxş etdiyi xidmətləri ilə bizim dünyada tanınmağımıza bir stimul olmuş, təkan vermişdilər.
   
   Hər dəfə xalqımızın tarxində silinməz və danılmaz yeri olan böyük simaların, müdrik insanların sırasına nəzər salanda ulu öndərimiz, ümummilli liderimiz Heydər Əlirza oğlu Əliyevin yeri ön cərgədə görünür. Bu bəlkə də xalqın və onun tarixinin ən böyük qazanclarından biridir. Çünki ön yerdə olan tanınmışların, seçilmişlərin və xalq tərəfindən sevilənlərin arasında ən birincisi olmaq heç də hər kəsə nəsib olmur. Elə Heydər Əliyev böyüklüyü də ondan irəli gəlir ki, o xidmətləriylə, bu xalq üçün, bu dövlət üçün etdikləriylə xalqı tərəfindən bütün zamanlar üçün birinci olmaq haqqını qazanıbdır.
   
   Müstəqil Azərbaycan dövlətinin qurulması, dirçəlib ayağa qalxması, inkişaf edərək dünya dövlətləri sırasında öz layiqli yerini tutması və nəhayət dünyanın əksər beynəlxalq təşkilatları ilə, böyük dövlətləri ilə birbaşa işgüzar əlaqələrin qurulması məhz Ulu Öndərimizin xidmətlərinin bir hissəsidir. Təsəvvür edin ki, bəzən çətin olsa da, bu son dərəcə inandırıcı bir faktdır ki, məhz ulu öndərimiz Heydər Əlirza oğlu Əliyevin dühası, onun uzaq görənliyi, müdrikliyi və zamanına görə vaxtında qəbul etdiyi qərarların sayəsində Azərbaycan regionun qabaqcıl dövləti oldu. Bu gün Cənubi Qafqazdan, bütövlükdə MDB məkanından söz düşəndə həm siyasi, həm də iqtisadi cəhətdən, o cümlədən də sabitliyi və əmin-amanlığı, işgüzar şəraiti dünya biznesinə yatırımların ayrılmasına etibarlı məkan kimi hər kəs məhz müstəqil Azərbaycana üstünlük verir.
   
   Xalqın istək və tələbi ilə ikinci dəfə hakimiyyət sükanı arxasına qayıdan ümummilli liderimiz Heydər Əlirza oğlu Əliyev özünün qayıdışı ilə xalqın ümid çırağını yandırdı. Ölkəni xaosdan, vətəndaş müharibəsindən, bir dövlət olaraq məhv olmaq təhlükəsindən xilas etdi. Bir-birinin ardınca qəbul olunan qərarlar, həyata keçirilən tədbirlər, aparılan islahatlar ölkəmizin nüfuz və gücünü bərpa etməyə, bununla da dünya dövlətlərinin diqqətini çəkməyə başladı. "Əsrin müqaviləsi"nin imzalanması və eləcə də digər iqtisadi əlaqələrin möhkəmlənməsi, o cümlədən də Azərbaycana tarixi sərmayələrin yatırılması istiqamətində görülən tədbirlər bir partnyor dövlət kimi müstəqil və gənc dövlətimizin nüfuzunu artırdı. İstər kənd təsərrüfatı, istər sənaye, istər elm və texnika, o cümlədən də mədəniyyət ən vacibi isə ordu quruculuğu sahəsində Ulu Öndərimizin birmənalı şəkildə qarşıya qoyduğu vəzifələr Azərbaycanın düzgün yolda olduğunu, inkişaf və tərəqqi istiqamətini tutduğunu hər kəsə göstərdi.
   
   Bütün zamanların hakimi və yaddaşı xalqdır. Məhz bu mənada Azərbaycan xalqı doğum gününü qeyd etməyə hazırlaşdığı ulu öndərinin əbədiyaşar bir tarixi şəxsiyyət olduğu barədə hökmünü artıq çoxdan veribdir. Və bu xalq artıq qəti şəkildə bəyan edib ki, nə qədər Azərbaycan var, nə qədər Azərbaycan xalqı var onun böyük oğlu, həyatını xalqına həsr etmiş ulu öndərimiz Heydər Əlirza oğlu Əliyev də olacaq. Çünki "Xalq Heydər, Heydər Xalq" çağırışı artıq reallığa çevrilib. Bu reallıq hər gün, hər an hiss olunur. Elə ulu öndərimizin doğum günü ərəfəsində görülən tədbirlər xalqın əhval-ruhiyyəsi bu dediklərimizi sübut edir. Danılmaz bir həqiqət də var ki, Heydər Əlirza oğlu Əliyev öz əbədiyaşarlığını xalqımızın ürəyində özü yaşadır. Bu haqq ona Tanrıdan və Azərbaycan xalqından verilibdir. ə


İmza:

YAZARIN ARXİVİ

SON XƏBƏRLƏR
2017-02-22
2017-02-21


VİDEO
ƏDALƏT BU GÜN
Redaktor seçimi
FOTOREPORTAJ
SORĞU
Manatı görən olubmu?

Hə (76.92%)
Yox (23.08%)

ÇOX OXUNAN
GÜNÜN LƏTİFƏSİ

Ağdamda məşhur bir Çayçı Zeynal vardı. Adi bir çayçı olmasına baxmayaraq, rayonda böyük hörmət- izzət sahibi idi. Bir gün anası deyir ki, ay oğul, bir yır-yığış edin, vallah, mən ölürəm.

Çayçı Zeynal:

- Saa qurban olum, qışın bu şaxtasında ölüb-eləmə. Vallah, bu qarda-qiyamətdə yasa gələnlər söyə-söyə gəlir.

Bir az keçir. Anası deyir ki, a bala, vallah, ölürəm.

- Saa qurban olum, ay ana, Novruz vaxtıdı, camaat bayram edir, deyir-gülür, qonaq gedir. Camaatın bayramını korlama da.

Bir az keçir, arvad yenə deyir, ay bala, ölürəm axı!

- Rəhmətliyin qızı, yayın bu cırhacırında, hərə bir tərəfdə, istirahətdə, kefində- damağında, heç mağar qurmağa adam da tapılmır. Özü də sənin yasını kim aparacaq? Molla Rəşid əmi də odey Yesentukidədi.

Üstündən bir az da vaxt keçir, arvad deyir, a köpəyoğlu ölürəm axı?!

- Ay arvad, bu dəqiqə toyların qızğın vaxtıdı, qonum-qonşu, qohum-əqrəba bu dəqiqə hər yerdə toydu. İndi kimin toyuna vay salaq, kimin toyunu saxlayaq bu payız vaxtı? Adamın goruna söyərlər.

Anası bir az baxır-baxır və deyir:

- Vallah, bu gədə məni avara qoyub.





digər lətifələr
ARXİV
FACEBOOK