ANA SƏHİFƏ / YAZARLAR

MƏNƏMLİK

18587    |   2014-04-26 07:11
Şriftin ölçüsü:
A+ Böyütmək
A+ Balacalaşdır

Sevgi, qayğı, diqqət, mehriban münasibət sağaldıcı təsirə malikdir. Çünki insanın içindəki bütün xəstəliklər sevginin əskikliyindən qaynaqlanır.
MƏN sözündən yaranan hər kəlmənin ifadə etdiyi məna həmişə təkəbbür qaynağıdır - mənəmlik, mənfəət, mənafe, mənsəb mənsubiyyət, mən deyən olmalıdı... və sair. Hər mən deyəndə "məni" mən edəni də düşünmək mənliyimizi günah yüklərindən azad edə bilən amillərdəndir. Mənəmliyin ən böyük nümayişi təkəbbürlü davranışdır. Özünə vurğun, imkanına, gözəlliyinə, sağlamlığına güvənib özünü hər şeyə qadir hesab edən, yalnız öz mənafeyini düşünüb, savab, yardımlaşma, paylaşmaq kimi, insanın içini rahatladan əməllərdən uzaq qalan insanın, nə qədər aciz olduğundan xəbərin belə yoxdu...
Bir təbəssümü belə sədəqə, savab buyuran İslam Peyğəmbəri təkəbbürü insanın ən böyük günahlarından sayıb: "Kafir olmağın bir yolu da təkəbbürdür. Harda olursan ol, Allahdan həya et!"- deyir.
Bəzən hirslə, əsəblə, problemlərin yükü ilə qanıqara yol getdiyin halda biri, təbəssümlü çöhrə ilə salam verib, səndən nəsə soruşanda əhvalın o dəqiqə dəyişir. Bir anlıq da olsa problemini unutduran o gülər üzü bir müddət xatırlayırsan. Yaxud da səhər-səhər eşitdiyin bir xoş kəlmə əhvalının yaxşıya doğru dəyişməsinə səbəb ola bilir. Yəni, bu qədər sadə, məsrəfsiz bir savabı etmək, bir təbəssümə ehtiyacı olanın əhvalını bu qədər cüzi "zəhmətlə" ödəmək nədən bir çox insanlara ağır gəlir?!. İqor Krutoyun "Peçalnıy angel"ini yəqin ki, seyr edən, dinləyən çox adam var...
Bəzən hansısa vəzifəni tutmuş adamların özlərini ciddi aparmaqla, onunla ətrafın, işçilərinin arasındakı "sərhədi"n keçilməməsi üçün olduğu aydın məsələdir, amma bu ciddiliyin təkəbbür, saymazlıq, yuxarıdan aşağı baxmaq, hörmətsizlik həddinə çatması nəinki ətrafı, elə onun özü üçün də çətindir.
Tibb sahəsində fəaliyyət göstərən bir qonşum işlədiyi xəstəxananın baş həkimi haqda əlacsızca, ümidsizliklə söylədiklərini dinləyərkən insanın bir addım qabağı düşünmədən dünya malına, dünya rahatlığına, ləzzətinə nə qədər düşkün olduğuna təəssüf etməkdən başqa çarən qalmır. Onun söylədiyinə görə rəhbər xanım kollektivdəki nə yaşlı, nə gənc işçilərə fərq qoymadan xəstəxanaya veriləcək dərman preparatlarını istədiyi səmtə yönəldərək, onsuz da az maaşla dolanan işçilərin həmin israfı ödəməsini tələb edir. Başqa hər cür qanunsuzluqlara da qol qoyan harınlamış xanımdan şikayət ərizəsi yazan işçilərin qarşılaşdığı hadisə isə onları əməlli-başlı şoka salıb. Kollektivin şikayət ərizəsini öz "yöntəmləri" ilə həll edən rəhbər xanım iclas yığaraq hədə-qorxusunu daha da saymazyana, həyasızlıqla ifadə edib: Ay binəvalar (müraciətinin ən yumuşaq forması), bir görün kiminlə kəllə-kəlləyə gəlirsiniz də. Heç olmasa, soyadıma baxın...
Xanım bir şeyi unudur ki, heç nə əbədi deyil, bir tək yaxşılıqdan savayı... İşi, vəzifəsi, təhsili bir xəstəyə şəfa vermək üçün olan xanım yüzlərin xəstə ruhla işləməsinə səbəb olduğunun fərqində də deyil. Onun təhsilində, yaşamında, bu mənsəbə çatmasında, təkəbbürlü davranışında önəmi payı olan soyadın da bir gün sonu gələcəyini düşünməyəcək qədər cahil ola bilir insan. Həzrət Əli (əleyhissalam): "Təkəbbürdən qəti surətdə çəkin. Həqiqətən təkəbbür günahların ən böyüyü, eyiblərin ən pisi və İblis xislətidir", "Təkəbbürdən çəkin, çünki o Allah-təalaya qarşı asi olub, Ondan üz çevirməyin qaynağıdır", "Təkəbbür ən çirkin xüsusiyyətdir".
Təkəbbür ən çirkin xüsusiyyət, günahların ən böyüyü, eyiblərin ən pisi olduğu halda insanların ona bu qədər meyilliyi həqiqətən İblis xislətinin təzahürüdür.
İmam Sadiq (ə) buyurur: "Təkəbbür Şeytana Allahın əmrinə itaət edib, Adəmə səcdə etmək icazəsini vermədi". Və qazancı Cəhənnəm oldu...
Marşrutda hərdən rastlaşdığım iki tələbə qız var. Biri yaraşıqlı, gözəl bədən quruluşuna malik, ətrafına saymazyana nəzər salaraq özündən razı şəkildə avtobusa minir, boş yer olan kimi əyləşir, ona yer verənlərə sağ ol belə demir. Digəri ortaboylu qaraşın qız isə səmimi təbəssümü, çəkingən hərəkətləriylə, nəzakətli davranışı ilə seçilir. Onun xəstə, hamilə, yaşlılara yer verərək dəfələrlə ayaqüstə getdiyini görürəm. İkincidəki mənəvi zənginliyi özünü gözəl hesab edən birincidə tapa bilməzsən. Çünki onun mənəviyyatını içindəki şeytan təkəbbürü soraraq yox edib...
Kimsəyə lağ eləməyin, kimsənin qəlbini qırmayın, kimsəyə ləqəb qoşmayın, kimsəyə çirkin deməyin, kimsənin qeybətini etməyin, çünki əslində kimin haqlı, kimin gözəl, kimin çirkin olduğunu yaradan daha gözəl bilir.
İndi bütün bunlardan sonra belə qənaətə gəlmək olar ki, əgər Quranın buyurduqlarına əməl olunsa, heç kəs nahaq yerdən kiminsə qəlbini sındırmaz, təkəbbürə, özündənrazılığa ehtiyac qalmaz.

Fəridə RƏHİMLİ
[email protected]


İmza:

YAZARIN ARXİVİ

2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-01-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK