Adalet.az | GÜN KEÇDİ... Adalet.az | GÜN KEÇDİ... Adalet.az | Ədalət -
ANA SƏHİFƏ / YAZARLAR

GÜN KEÇDİ...

15544    |   2014-02-22 06:30
Şriftin ölçüsü:
A+ Böyütmək
A+ Balacalaşdır

... İllər uzunu yaşayırsan, ömrü başa vurursan və bir də görürsən ki, Əzrayıl yapışdı sənin yaxandan. Əzrayıl yaxandan yapışanda bir aşağı baxırsan, bir də yuxarı. Aşağıda keçmişin qalır, yuxarıda isə heç bir şey görmürsən. Əllərin titrəyir, dodaqların əsir, gözün səyriyir və ürəyinə qəm sel kimi gəlir. Odla su arasında qala-qala dönüb keçmişinin "yanan günlərini" xatırlayırsan...
Elə ki, keçmişində yaxşıları, xoş anları və yadda qalan məqamları yada sala bilirsənsə, onda ürəyin bir balaca toxdayır. Vay o halına ki, 60 il, 70 il və bəzən də 90 il yaşayasan, ötən günlərindən bir şey qalmaya. Bax, onda ötən günlərin və itmiş anların xatirəsi səni sümüyünə qədər, iliyinə qədər yandıracaq. Özün də bilməyəcəksən ki, yanan sümüyün və yanan iliyin nə vaxt soyuyacaq. Biz tərəflərdə ömrünü bada verən və mənasız yaşayan insanlar haqqında belə bir deyim var: "Papağı günə yandırmısan". Bu da o deməkdir ki, yaşadığın o uzun illərdən sənə bir damcı da bir şey qalmayıb. Nə iş görə bilmisən, nə ev tikmisən, nə övlad böyütmüsən, nə də nəvə-nəticə sahibi olmusan. Elə hamı sənə qabiliyyətsiz və bacarıqsız insan kimi yuxarıdan aşağı baxıb...
... Başın açılanda o dəqiqə qaçmısan ya kafeyə, ya da yeməkxanaya ki, boğazını yaşlayan, kefin kökələ. Elə ki boğazını yaşladın, elə ki yüz qram vurdun, bax, onda şirə dönürdün. Gözündə dünya fındıq boyda görünürdü. Hətta evdəki böyüklərini, ailəni, uşaqlarını belə yada salmırdın. Yadına düşən səhər-səhər Rəşidin yeməkxanasındakı xaş olurdu. Xaşla araq və badımcan şorabası sənin dediyinə görə, yaxşı gedirdi axı. 70-80 ildə başın xaşa, arağa və yeyib-içməyə o qədər qarışdı ki, artıq Əzrayıl boğazından yapışanda hər şey yadına düşdü...
İstədin yenə bir ömür yaşayasan, amma bilmədin ki, Allah-Təala insana bir dəfə ömür verib və bir dəfə də ona həyat bəxş eləyir. İnsanlar o vaxt oyanırlar və o vaxt ayılırlar ki, artıq ömürlərinin və nəfəslərinin sonudur. Artıq həyatla, doğmalarıyla və insanlarla vidalaşır. Bax, onda pis xasiyyətlərini, mərd-məzarlıqlarını, ev yıxmalarını gözlərinin qabağına gətirirlər. Fikirləşirlər ki, bəlkə ikinci dəfə dünyaya gəlsələr bir də belə işlərlə: ev yıxmaqla, baş kəsməklə, insanları bir-birinə düşmən etməklə məşğul olmayacaqlar. Bax, onda hər şey artıq gec olur, lap gec.
... Biz hər şeyə gecikirik. Daha doğrusu, yaxşı şeylərə gec gəlirik. Harda ki pis şey var ona daha tez aludə oluruq və çatırıq. Elə ki çatdıq, bax onda iç üzümüz, qəlbimizdəki pis niyyətlər üzə çıxır. Kiminsə qolundan tutmağa, kiminsə arxasında durmağa və kiməsə "qorxma" deməyə dilimiz gəlmir. Belə anlarda biz çox gecikirik. Çünki başımız həmişə pis şeylərə qarışıb. O qədər pis şeylərə qarışıb ki, bəzən adımız yadımızdan çıxıb və başlamışıq o pis-pis şeylərlə məşğul olmağa...
... Əzrayıl boğazımızdan yapışanda o pis-pis şeylərdən: ev yıxmaqdan, qeybət etməkdən, xəyanətdən, ikiüzlülükdən, çörəyi dizinin üstə olmaqdan əl çəkmək istəyirik. Əl çəkmək isə çox çətin olur. Çünki ömürə bir nöqtə qoyulur...
... Gün keçəndə sevinirik. Sevinirik ki, bir günü də belə "öldürdük". Amma ona acımırıq ki, ötən hər saniyə, hər dəqiqə, hər saat ömürdən gedər. O ömürdən ki, bir də həmin anlar, həmin dəqiqələr, həmin saatlar geri dönməyəcək. Qardaş qardaşın ətini yeyir, bacı-bacının qanına susuyur, dayıoğlu bacıoğlunun başına olmazın müsibətlərin açır; nə var-nə var dədələrindən qara yola, qara saata bir mülk qalıb. O mülkə, o ev-eşiyə sahib çıxmaq üçün bir o birisinin ürəyini partlatmaq istəyir. Biri o birisinin qəzaya düşməyini arzulayır, biri də o birisinin pis gün görməyini istəyir. Ancaq biz onu bilmirik ki, bu dünyanın mal-dövlətinin heç biri bizim deyil. Onlar Allahın, Ulu Yaradanındır. Düzdür, bu mal-dövlət, bu var biz insanlara müvəqqəti verilir. Əgər getdiyimiz yol haqq-ədalətli və işıqlı bir yoldursa, o mal-dövlətdən istifadə edə bilirik. Elə ki yolumuzu çaşırıq, Allahın dediklərindən üz döndəririk, bax, onda da qurban olduğumuz Ulu Tanrı bizdən üz çevirir...

... Gün keçdi. İllər başa çatdı. Ay Allah, görəsən biz nə qazandıq və nə itirdik?! Bunu hamımız öz-özümüzə sual etməliyik: görək qazandıqlarımız çoxdur, yoxsa itirdiklərimiz? Ötən illəri və anları elə yaşamalıyıq ki, elə başa vurmalıyıq ki, Əzrayıl boğazımızdan yapışanda özümüzü itirməyək və ötən günlər üçün dizimizə döyməyək. Ancaq biz çətin məqamda və çətin anlarda bunları düşünürük.
Elə ki kefimiz kökəldi, əlimizə pul gəldi, bax, onda yerişimiz də dəyişir, oturuşumuz da, duruşumuz da. Sanki dünyanın sahibiyik, burnumuzu dik tutub yeriyirik. Ən əziz adamlarımız, doğmalarımız can-ciyərlərimiz belə yaddan çıxır. Yaddan çıxan həm də bizə çətin gündə əl tutan, kömək eləyən və arxa duran adamlar olur. Beləcə, gün keçir və biz öz kefiyimizdəyik...

Faiq QİSMƏTOĞLU
[email protected]


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-08-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu, babam deyir ki, sən onun beynini də yemisən.




digər lətifələr
ARXİV
FACEBOOK