Film izle hacklink kiralık bahis sitesi satılık bahis sitesi Adalet.az | Titulum olsaydı... Adalet.az | Titulum olsaydı... Adalet.az | Ədalət -
ANA SƏHİFƏ / YAZARLAR

Titulum olsaydı...

16990    |   2014-02-15 10:15
Şriftin ölçüsü:
A+ Böyütmək
A+ Balacalaşdır

Nə sözün?

Şeytanın qulağı kar olsun, bu qışın şaxtalı günlərindən sağ-salamat çıxdıq. Üşüyə-üşüyə, hərdənbir sürüşə-sürüşə soyuq havaları yola verdik. Zəlzələdən də ucuz qurtulduq. Yerin dərin qatından keçib gələn zəlzələ bir balaca bizi silkələdi, yaxşı ki, itkisiz ötüşdük.
Şəxsən mən ölümdən qorxub-zad eləmirəm. Guya qorxsam nə olur, qorxmasam nə olur... Dünya durduqca durası deyiləm ki. Onsuz da hamımızın Tanrıya bir can borcu var. Son vaxtlar amansız xəstəliklə mücadilə aparan böyük şairimiz Vaqif Səmədoğlu necə də gözəl yazıb-

Allah, özüm gəlim, ya kimisə göndərəcəksən?

Narahatçılığım tamam başqa bir şeydəndi. Qorxuram ki, titulsuz gedəm. Sağıma baxıram, titullu, soluma baxıram, o da titullu. Dünyanın başqa yerlərində necə olduğunu deyə bilmərəm, amma və lakin biz tərəflərdə bu titul önəmli məsələdi. Titulsuz adama birtəhər baxırlar.
Elə ona görə də titul üstündə camaat bir-birini qırır. Dalaşan kim, söyüşən kim, barışanlar küsür, küsənlər barışır. İlhamə Quliyevanın bir kəlməsi az qalır ki, Üçüncü Dünya Savaşına səbəb olsun. Lap illər öncə özünə Primadonna titulu verən İlhamə xanım sonra Dədə Qorqudun bəzi səlahiyyətlərini mənimsəməyə başladı. Bəzi deyəndə ki...
Dədə Qorqud bir vaxtlar insanlara göstərdiyi igidliyə, etdiyi yaxşı əmələ uyğun ad qoyurdusa, indi Primadonna titul paylayır. Birinə deyir sən bundan sonra "Toylar Kralı"san, birinə deyir sən "Nömrə1"sən, bir başqasına deyir sən nə bilim nəsən. O gün FM radiolarının hansındasa çalışanlardan birinə verdiyi titulun nəfəsi hələ qurumayıb.
Primadonnadan titul ala bilməyənlər də dinc oturmurlar. Qapıları karvansara qapılarına oxşayan telekanallara çıxıb həngamə çıxarırlar. Özünə "Əjdaha" deyən kim, "El qızı" olduğunu iddia edən kim, özünü ata, pişiyə, ilana oxşadan kim...
Öz aramızdı, İlhamə xanımın əli yaman yüngüldü, kimə titul verirsə, qabağa gedir. Götürək elə Səməd Səmədovu. 5-6 il öncə heç kim onu ciddiyə almırdı. Hətta deyirdilər ki, toyları fit çala-çala yola verir. Primadonnadan "Toylar Kralı" tutulunu alınca günü geyindiyi ağ kostyuma oxşamağa başladı. İndi də Xalq artistidi.
Ona görə deyirəm ki, titul almaq yaxşı şeydi. Heç bir titulsuz bu dünyadan getməkdən qat-qat yaxşıdı ki. Düzdü, mən nəinki toyda-düyündə, ümumiyyətlə fit çalmağı bacarmıram. Özümü əziyyətə salsam, bəlkə Səməd Səmədov kimi oxuya bilərəm. Amma və lakin buna nə ehtiyac var. İndiki məqamda xalqımıza belə bir zülm etməyin heç yeri yoxdu. Primadonna mənim jurnalistikadakı işimi görüb yazı-pozu adamlarına uyğun bir titul versə, yetərlidi. Çıxıb gedəndə də deyərlər ki, filankəs filan titulun sahibi idi. Axı 5 dostumuz olsa da, 3 düşmənimiz var.
Fikrimdə qətiyəm, titul almaq üçün özümü bu gündən gərək oda-közə vurum. Bu məsələni marta saxlamaq olmaz. Tərslikdən də fevral qısa aydı. Lap qısa...

Etibar Cəbrayıloğlu


İmza:

YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-23


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (42.86%)
"Sevilya" (57.14%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK