ANA SƏHİFƏ / YAZARLAR

YAĞIŞ...

28293    |   2014-01-11 00:36
Şriftin ölçüsü:
A+ Böyütmək
A+ Balacalaşdır

... Torpağın "dodağı" susuzluqdan çat-çat olmuşdu. Nə vaxtdan idi dəmyə torpaqda əkilən zəmiyə su dəymirdi. Elə bil Allahın da acığı tutmuşdu. Göydən yerə bir damcı yağış yağmırdı ki, dəmyə torpaqda Məhəmməd kişinin əkdiyi taxıl su içsin. Yağış yağmayanda əkilən taxıl da bitmirdi. Bitsə də taxıl susuzluqdan yanır və hər şey məhv olub gedirdi...
Sonuncu dəfə Məhəmməd kişi üzünü Allaha tutub əlini göyə qaldırdı:
- İlahi, sən bizi çətin vəziyyətdə qoyma. Camaat çörək üzünə həsrət qalıb. Əgər yağış yağmasa, zəmi bitməsə və taxıl yetişməsə, camaat acından qırılacaq!..
Məhəmməd kişi ailəsinin, balalarının və qohum-əqrəbasının dərdini çəkmirdi. Çünki əksər dəmyə torpaqlarda əkilən taxıl yağışın yağmasından asılıydı. Yağış yağmasaydı, bir kəndin camaatı aclıq çəkərdi...
Allah bu kəndin insanlarını heç vaxt darda qoymazdı. Çünki onlar Allahı tanıyardı, ona ibadət edərdi və Yaradandan da öz ruzilərini istəyərdilər. Ancaq bu dəfə elə bil ki, Allah bu kəndin adamlarını imtahana çəkirdi. Sanki demək istəyirdi ki, mən vermədiyim ruzini heç kim sizə qaytara bilməz. Görüm səbriniz var, ya yox?!
...Sonuncu dəfə Məhəmməd kişi namazını qılıb dua eləyəndən sonra səhərin gözü yenicə açılırdı. Yenicə açılan səhərə Məhəmməd kişi çox böyük ümid bəsləyirdi. Çünki axşam yuxusunda görmüşdü ki, Allah dualarını eşidir və bir leysan yağış yağdırır ki, tut ucundan göyə çıx...
...Göy üzü qapqara buludla dolu idi. Qapqara bulud layları bir-birinə yaxınlaşdıqca Məhəmməd kişinin ürəyi dağa dönürdü. Deyirdi ki, İlahi, sən məni və kənd camaatını heç vaxt darda qoymamısan, bu dəfə yağış yağdır, tay bəsimizdir. Çünki bu dəfə yağacaq yağış dəmyə torpaqda əkilən zəmilərə can verəcək...
...Asta addımlarla dəmyə torpaqlara sarı gedirdi. Birdən göy guruldadı, şimşək çaxdı. Necə yağış yağdısa, bir göz qırpımında hər şey yaddan çıxdı. Camaat yağışın yağmasına elə sevinirdi ki, sanki göydən yağış deyil, nur, ruzi yağırdı. Göy guruldadıqca yağışın sürəti artır, susuzluqdan cadar-cadar olmuş torpağa can verirdi...
...Leysan yağışın altından Məhəmməd kişi çəkilmək istəmirdi. O da yağışın altında durub təpədən-dırnağa qədər islanmışdı. Böyük oğlu Möhübbət dilləndi:
- Ay dədə, gəl daldaya, yağış səni bir təhər eləyər!
- Oğul, bu yağış deyil, nurdu, Allahın göndərdiyi nemətdi.
- Dədə, axı xəstələnərsən, sətəlcəm olarsan.
- Ağlın özünüzə getməsin oğul, mən o qədər belə yağışın altında xışla torpaq şumlamışam. Bu yağış heç vaxt məni xəstələndirməz. Çünki gözümü açıb ayaqyalın, başıaçıq həmişə bu kənddə yağışın içində böyümüşəm. Belə yağış heç vaxt məni yorğan-döşəyə salmaz...
Məhəmməd kişinin həyat yoldaşı Mariya arvad gördü ki, kişinin tərsliyi tutub və sözündən dönən deyil. Ona görə də oğlu Möhübbətə işarə elədi:
- Kişiynən işin olmasın, bilmirsən o, yağışı nə qədər çox istəyir? Elə dədənlə yağış yağanda toyumuz olub.
Möhubbət bir söz demədi. Digər qardaşlar da - Hümbət, Zaur atasına tərəf getdi. Elə bil bu uşaqların da yağan yağışdan xoşları gəlirdi. Uşaqlar ayaqlarındakı ayaqqabıları çıxarıb dədələrinə baxaraq yağışın altında o yan-bu yana qaçmağa başladı. Yağan yağış bu uşaqları da o ki, var islatdı. Əllərini, ayaqlarını və bədənlərini cum-culuq eləmişdi yağış. Elə bilirdilər ki, bir də belə yağış Zəngilana yağmayacaq. Amma bundan sonra da nə qədər gün çıxacaqdı, nə qədər quraqlıq olacaqdı və nə qədər də yağış yağacaqdı.
Amma bu yağış qədər yadda qalan yağış olmayacaqdı. Çünki bu yağış camaatı, kəndi-kəsəyi, el-obanı aclıqdan, çətinlikdən qurtardı. Həmin il dəmyə torpaqlarda o qədər taxıl yetişdi ki, sahələrdən o qədər taxıl biçildi ki, heç vaxt belə bolluq olmamışdı...
Məhəmməd kişi taxılı biçən kombaynların yanında dayanmışdı. Ovcunun içində sünbülləri eşələyə-eşələyə buğda dənələrini ayırırdı. Builki buğda əvvəlkilərdən həm iri idi, həm də bərəkətliydi. Elə ki, dəyirmanda həmin taxılı üyüdüb un elədilər, bax onda kənd camaatı sevincindən bilmirdi nə eləsin. Təndirdə bişirilən çörəyin ətri uzaqdan hiss olunurdu. Hamı da "maşallah" deyib, Allaha dua eləyirdi. Allaha dua eləyirdilər ki, ilahi onların səsini eşitdi, göydən yerə öz payını göndərdi. Bu pay isə insanları yaşatdı. Aclıq çəkməyə, korluq çəkməyə qoymadı...
...Elə ki, Zəngilan işğal olundu, elə ki, bu torpaqlar ermənilərin əlinə keçdi, bax, həmin gündən Məhəmməd kişinin gecəsi-gündüzü olmadı. Onun rahat yatdığı, uyuduğu axşamlar da çox az olardı. Çünki hər axşam yuxusuna dədə-baba qəbiristanlığı, dəmyə torpaqlar, üzüm sahələri, pambıq tarlaları girirdi... Məhəmməd kişinin yuxusuna girən həm də 50-ci illərin axırlarında quraqlıqdan torpağın cadar-cadar susuzluqdan çatlaması idi... Məhəmməd kişinin yuxusundan çıxmayan Allahın kənd camaatını darda qoymaması idi... Məhəmməd kişinin yuxusuna girən həm də rəhmətlik ata-anası idi. Onların ruhu heç vaxt bu kişiyə rahatlıq vermirdi...
Düzdü, Bakıda pis yaşamırdılar. Qaçqınlıq dövründə çox əziyyət çəkmişdilər. Və elədiyi yaxşılıqlar da onun qabağına çıxırdı. Çətin olsa da, Zəngilan camaatının ağır günündə bir el ağsaqqalı kimi hamıya əl uzadırdı, kömək edirdi. Amma heç vaxt ürəyi, qəlbi və içi sakitləşmirdi. Sanki onun iç dünyasında dənizin təlatümlərinə bənzəyən iri dalğalar baş qaldırırdı. Bu dalğalar təlatümə gəldikcə Məhəmməd kişi heç cürə rahatlıq tapa bilmirdi...
...89 yaşın içindəydi. Belə bir yaşda onda qeyri-adi bir yaddaş, böyük zəhmətkeşlik, həyata və insanlara sevgi vardı. Ən ağır, çətin anlarda belə ağrısını-acısını doğma övladlarına bildirmədən günləri yola verərdi. Bir gün də elə oldu ki, Məhəmməd kişi yatağa düşdü. Oğlu Möhübbəti yanına çağırıb dedi:
- Oğul, mənə Zəngilanda ölmək, vətəndə dəfn olunmaq qismət olmadı, amma buna da şükür, siz varsınız. Mən ölsəm də rahat dünyamı dəyişəcəm. Amma heç vaxt unutmayın ki, sizin nəsliniz-kökünüz kim olub. Heç vaxt kimsəsizi, yetimi-yesiri incitməyin. Onlara əl tutun, kömək eləyin. Bax, onda mənim ruhum sakit olacaq.
Yenidən Məhəmməd kişi sakitcə dilləndi:
- Elə bil çöldə yağış yağır...
Möhübbət:
- Hə, dədə, yağış yağır...
- Deyirəm axı, bu səs ancaq yağış səsinə oxşayır. Uşaqlar dedi ki, guya qonşunun damının üstündəki çəni dolub, onun suyudu, yuxarıdan yerə axır. Axı mən bilirəm bu, yağışın səsidi.
Sonra Məhəmməd kişinin balaca oğlu Zaur dedi:
- Dədə, yağış düz iki saatdı yağır. Çətin ki, bu axşam kəssin...
Məhəmməd kişinin gözləri doldu və sonra da kədərli-kədərli:
- Görəsən ay oğul, bu yağış Zəngilana, bizim kəndə də yağır? - dedi.
Hümbət:
- Ay dədə, Allah sənin köməyin olsun, Bakıya yağış yağırsa, ürəyini buz kimi saxla, deməli, bizim kəndə də yağır.
Bu sözləri eşidəndə Məhəmməd kişinin ürəyi sakitləşdi və hiss elədi ki, həqiqətən də Zəngilana, onların kəndinə yağış yağır. Bir qədər gözlərini tavana zillədi və sonra da bir söz demədən gözlərini əbədi yumdu...
Məhəmməd kişi yağışı çox sevirdi. O rəhmətə gedən axşamı səhərə qədər yağış yağdı. Dəfn olunan günü də yağış yağmağa başladı. Ancaq qəbiristanlıqda məzara qoyulanda yağış kəsdi və qəbiristanlıqdan qayıdandan sonra yağış yenidən bərkidi. Bu dəfəki yağış sanki Məhəmməd kişiyə vida mahnısı oxuyurdu... Sanki Məhəmməd kişinin ruhu bu yağışın duruluğunda təmizlənir, saflaşır və üzü Zəngilana doğru gedirdi... Yağış yağırdı, insanlar isə daldalanmaq üçün yer axtarırdı. Məhəmməd kişinin məzarı üstünə isə yağış yağmaqda davam edirdi...

Faiq QİSMƏTOĞLU
[email protected]


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
Ücretsiz php script indir film izle hd film izle ikinci el eşya alanlar shell indir hacklink satışı
SON XƏBƏRLƏR
2018-11-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Gəlin günahkardır, yoxsa qaynana?

Gəlin (66.67%)
Qaynana (33.33%)

ÇOX OXUNAN
GÜNÜN LƏTİFƏSİ

Seyran Səxavət Vaqif Səmədoğluna:

- Vaqif, yetmiş beş yaşın tamam olur , bu kasıb şairləri yığ sənin bu yubileyini bir yaxşıca yuyaq.

Vaqif Səmədoğlu:

- Seyran, inşallah, bu yaxınlarda yığışıb mənim özümü yuyarsınız, sonra da ehsan veriləndə babat yeyib-içərsiniz.





digər lətifələr
ARXİV
FACEBOOK