ANA SƏHİFƏ / YAZARLAR

SELLƏR SƏNİ APARMADI

61567    |   2013-11-30 00:17
Şriftin ölçüsü:
A+ Böyütmək
A+ Balacalaşdır

... Sakitcə boynunu büküb ərik ağacının yanında durmuşdu. Elə bilirdi ki, bu ərik ağacı, onun budaqları, yarpaqları dərdini duyacaq və ona kömək edəcək. Həddindən artıq əsəbiləşəndə və dərdi içində təlatüm edəndə yavaş-yavaş həyətə düşər və o, ərik ağacının yanına gedərdi. Elə ki, ağacın yanına çatdı, bir anlıq başdan-ayağa ərik ağacına baxar və diqqətlə onu süzərdi...
Sanki birinci dəfəydi ki, bu ağacı görürdü.
Amma Sədaqət gözünü açandan həyətlərində həmin ərik ağacını görmüşdü. Görmüşdü ki, hər yaz gələndə ərik ağacı çiçəkləyir, yarpaqlayır, sonra da yayda iri-iri əriklər olur. Bu iri-iri əriklər heç də hər ağacda yetişmirdi. Onların həyətində ərik ağaclarının sayı çox idi. Səkkiz belə ağac vardı. Amma o ağacların heç birisi bu ağac qədər ətirli, çiçəkli və barlı deyildi...
... Yaz yağışının ara vermədən yağması və ərik ağacının çiçəklərinin üstünə tökülməsi Sədaqəti çox üşüdürdü. Hətta elə bil ki, üşüyən o deyildi, ərik ağacının çiçəkləri idi. Əlacı olsaydı, yeni açan çiçəklərin üstünə nəsə atardı ki, onu yağış döyməsin, ancaq Sədaqət bunların heç birini eləyə bilmirdi.
... Bir gün də hava dəyişdi, göy üzünü qara buludlar aldı. Sədaqətin nənəsi Əfruz arvad dedi:
- Qızım, hava ki belə qaralıb bundan gözüm su içmir. Hava dolu havasına oxşayır. Qorxuram ki, dolu yağa, həyətimizdəki ağaclarda yetişən mer-meyvənin hamısını vura!
Sədaqətin canına üşütmə düşdü:
- Ay nənə, sən hardan bilirsən ki, dolu yağa bilər?!
Nənəsi:
- Qızım, mənim doxsan yaşım var. Beş yaşımdan ağlım hər şeyi kəsir. Bu yaşa qədər başıma olmazın müsibətlər gəlib: yağış da görmüşəm, qar da görmüşəm, dolu da görmüşəm. Hərəsinin özünə uyğun bir rəngi olur. Mən sənə deyirəm: görəcəksən, yarım saatdan sonra nə olacaq?!
... Yarım saat keçdi, havanın üzü yenidən döndü. Qəfil dolu yağmağa başladı. Dolu da elə yağırdı ki, adamın başına düşsəydi başını yarardı. Yumurta boyda yağan dolu on beş dəqiqə çəkdi. On beş dəqiqədən sonra dolu dayandı...
... Hamı qaçıb evə girmişdi. Zarafat deyildi, yumurta boyda yağan dolu adamın başına düşsəydi, yaxud harasına dəysəydi mütləq onu yaman günə salardı. Bir dəfə kənddə sahədə işləyən orta yaşlı bir kişini dolu tutmuşdu və o kişi də dalda yeri axtarmağa çalışmışdı, başını bir yerə soxmağa can atmışdı, yer tapmamışdı. Kişini dolu necə vurmuşdusa, elə canı da orda çıxmışdı.
Sədaqət pəncərədən həyətlərinə baxdı. Çox sevdiyi ərik ağacına göz gəzdirdi. Gözlərinə inanmadı, gördü ki, ərik ağacında bir ərik belə qalmayıb. Əriyin budaqları, yarpaqları elə günə düşüb ki, sanki bu ağacı güllələyiblər. Ağaca düşən hər bir dolu ağacı elə yaman günə qoymuşdu ki, orda bir salamat yer qalmamışdı.
... Onun gözləri doldu və yavaş-yavaş ağaca sarı getdi. Sanki dolu ərik ağacını deyil, onun özünü bu günə salmışdı. Düşünürdü ki, bu ağacın günahı nə idi ki, onun barını, bəhərini dolu pis günə qoymuşdu. Yerdəki ərikləri götürdü, hələ onların heç biri yetişməmişdi. Sanki bu əriklər yaralı bir quşa bənzəyirdi. Bu yaralı əriklər bir deyildi, iki deyildi. Ağacdakı bütün meyvələr yerdə bürüşüb qalmışdı...
... Əriyin birini nəfəsinə yaxınlaşdırdı. Elə bil ki, üşüyən əriyi nəfəsi ilə isitmək istəyirdi. Sədaqət ən çətin, ən ağrılı və ən kədərli vaxtlarında bu ərik ağacına yaxınlaşar, dərdini onunla bölüşərdi. Sıxıntılı anlarında nə atasına, nə anasına, nə də qardaşına bir söz deyərdi. Ürəyini heç kimə açmazdı. Ürəyini ancaq mehr saldığı bu ərik ağacına açardı. Dərdini ərik ağacına danışandan sonra ürəyi sakitləşər, təsəlli tapar və həyat eşqi bir az da artardı. Sədaqət elə bilirdi ki, bu ərik ağacı qırılsa, onu ildırım vursa, elə birinci onun həyatına son qoyulmuş olardı. Xoşbəxtlikdən nə ərik ağacını qıran vardı, nə də ora ildırım düşürdü.
... Dərdi ürəyində qübar eləyirdi. İşləri alınmırdı və tez-tez də əsəbiləşirdi. Bəzən elə əsəbiləşirdi ki, özü-özünü cilovlaya bilmirdi. Onda da doluxsunar, gözləri yaşarar və ümidsiz halda ərik ağacına yaxınlaşardı. Çox qəribəydi ki, bunu ata və anası da hiss eləmişdi. Ancaq heç kim onun qəlbinə dəymək istəmirdi. Çünki sel kimi gələn dərdin qabağında, kədərin qarşısında o, mərdliklə dayanmışdı. Çoxları fikirləşirdi ki, bu dərd, bu kədər onu əridəcək, yıxacaq və başqalarına möhtac edəcək.
Ancaq Sədaqətin möhkəmliyi, dəyanəti və güclü iradəsi hər şeyə üstün gəlirdi. Onu Allah qoruyurdu. Allahın qoruduğu və sevdiyi bəndəni isə nə dərd məhv edə bilərdi, nə də kimlərinsə hiyləsi. O sevinirdi ki, nə yaxşı vaxtında ali məktəbə qəbul olub və ingilis dili müəllimi peşəsinə yiyələnib. Çünki dərin savadı, dünyagörüşü və düşüncəsi də onu bu dərdli dünyadan işıqlı bir aləmə çıxmağa kömək edirdi.
Bəziləri onun dalınca qeybət eləyər və deyirdi ki, əşi, bu qız da belə getdi. Yəni onun kədərli həyatı bağlandı. Amma ümid, yaşamaq eşqi və mübarizlik Sədaqəti işıqlı bir aləmə aparırdı. O aləmi bir Allah hiss edirdi, bir də o yolu gedən qız...
... Yaz yağışı onun saçlarını, çöhrəsini, paltarlarını islatmışdı. Sanki yaz yağışından bərk qorxmuşdu. Nənəsi eyvandan baxıb dedi:
- A qızım, sellər səni aparmadı, niyə qorxursan? Bəs bu yaz yağışında islanmağa ehtiyat edirsən?!
Sədaqət:
- Nənə, tay indən sonra heç nədən qorxan deyiləm. Əgər dərd seli məni apara bilmədisə, bu yaz yağışı mənə heç nə edə bilməz. Nə yağışdan qorxuram, nə qardan, nə də doludan. İndi hər şey dəyişib. Ərik ağacı da gələn yaz yenidən çiçəkləyəcək, yenidən yarpaqlayacaq və yenidən bəhər verəcək...
...Yaz gəldi. Ərik ağacı Sədaqətin arzuları kimi yenidən çiçəklədi. Nə dolu yağdı, nə də ildırım çaxdı. Sədaqətin dərdi, kədəri qar kimi əriyib yoxa çıxdı...

Faiq QİSMƏTOĞLU
[email protected]


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : QAN DAVASI...
2012-11-27 : GÖZ DƏYİB...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-09-26
2018-09-25


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (66.67%)
Yox (33.33%)

ÇOX OXUNAN
GÜNÜN LƏTİFƏSİ
Nəvə nənəsindən soruşur:
- Nənə, qanın dadı necə olur?
- Mən, nə bilim, ay bala?
- Bəs babam deyir ki, sən ömür boyu onun qanını içmisən.
- Babanın beyni yoxdu, boş-boş danışır.
- Bilirəm yoxdu,babam deyir ki, sən onun beynini də yemisən.




digər lətifələr
ARXİV
FACEBOOK