ANA SƏHİFƏ / YAZARLAR

UCUZ ÖLÜM

26131    |   2013-09-21 00:26
Şriftin ölçüsü:
A+ Böyütmək
A+ Balacalaşdır

Rüşvət çayırotu kimidir, bir dəfə əkdinsə, daha kökünü kəsə bilməzsən. Yaxud da illərlə əmək verməlisən, bu otdan yaxa qurtarmaq üçün...
Rüşvətin insan övladının bəlasına çevrilmə tarixi zamanın hansı dönəminə gedib çıxır, bilmirəm. Amma bildiyim odur ki, tarixin mən oxuduğum, öyrəndiyim hansı döngəsi olubsa, orda rüşvətə rast gəlmişəm. Dünyanı söz sərvəti ilə heyran qoyan böyük Füzuli də deyirdi ki: "Salam verdim, rüşvət deyil deyə, almadılar..."
...Rüşvət üzündən ölkəsindəki bütün qanunların pozulduğunu görən bir dövlət başçısı bu bəladan qurtulmaq üçün təğyiri-libas olub, müdrik ağsaqqalın yanına gələrək məsləhət almaq istəyir və qapıdakı uzun növbədən önə keçmək üçün adamlara... rüşvət təklif edir. Müdrik qoca onu əmin edir ki, nə qədər ki, sən bu dövlətin başındasan, heç vaxt rüşvətin kökü kəsilməyəcək...
Eşitdiyimə görə, Saakaşvilidən soruşurlar ki, necə oldu ki, ölkəndə rüşvəti qadağan edə bildin, cavabı çox sadə olur: Mən özüm rüşvət almadım...
Rüşvət söhbəti çox uzandı və bunun ucuz ölümlə nə əlaqəsi olduğunu indi yazacam. Rüşvət insan yaşayan hər nöqtənin bəlası olsa da, bu yazımda bircə misal çəkəcəm. Hər gün xəbərlər proqramlarında yol hərəkət qaydalarının pozulması nəticəsində ölən və yaralananlar haqda məlumatlar gedir. Xatırlayıram ki, bir dəfə aparıcı sevinclə söylədi ki, şükürlər olsun, bu gün yol qəzasında ölüm olmayıb! Yəni, qəza olub... ölən olmayıb!
İki gün əvvəl xəbərlər proqramında bir gecədə on beş nəfərin öldüyü və otuz nəfərin yaralandığı haqda məlumatı eşidəndə, bu sahədəki məmurların laqeydliyi məni təəccübləndirmədi. Çünki o məmurlar da, sən də, mən də yaxşı bilirik ki, bu qəzanı törədənlərin əksəriyyəti sürücülük vəsiqəsini Şaban demiş: bakkaldan alıb! Bəli, özü də hər kəsə məlumdur ki, sürücülük vəsiqəsinin qiyməti yeddi yüz, səkkiz yüz manat arası dəyişir. Bu qiyməti ödəyənlər yalnız sükanı tutmağı bacardığı halda anında, biliyinə, təcrübəsinə əmin olanlar isə, yeddi-səkkiz dəfə təkrar imtahana girməklə vəsiqə ala bilirlər. Bu da gündəlik qəzalar, insan tələfatı, mənəvi, fiziki travmalarla nəticələnir.
Yəni, bu ölümlər çox ucuza - yeddi-səkkiz yüz manata alınır! Bu da yol kənarlarında ağaclıqda gizlənib "ov" gözləyən yol müfəttişlərinə, "vəsiqə satanlara" və onlara himayədarlıq edənlərə "əməlli-başlı" sərf eləyir.
Yeganə ölkəyik ki, başqa ölkələrdə valideyn övladının öyrənməsi üçün pul verdiyi halda, bizdə oxumadan, öyrənmədən yüksək qiymət yazılması üçün rüşvət veririk. O cümlədən də ölümə, dəhşətə, göz yaşlarına, faciəyə səbəb olan sürücülük vəsiqəsini almaq üçün...
Bu qiymətə ölüm satanların vicdanını pul kar, kor edib, onlar üçün ölənlərin faciəsi, onların yaxınlarının əzabı, geridə qalanların travması maraqlı deyil, bəs bu ucuz ölümü övladlarına alanlara nə deyək?..
Siz pul verib vəsiqə alarkən Əzraillə müqavilə bağladığınızın fərqində deyilmisiniz...

Fəridə RƏHİMLİ
[email protected]


İmza:

YAZARIN ARXİVİ

2018-06-22 : ÜMİD
2018-06-14 : ACLIQ
2018-06-08 : İLK MÜSAHİBƏ
2018-04-13 : ÜMİD QAPISI
2017-06-16 : MASKA VƏ ONUN...
2017-05-12 : TƏSADÜF
2017-04-21 : XARI BÜLBÜL
2015-04-11 : BALA DAĞI...
2014-06-21 : KƏFƏN BİZNESİ
2013-11-30 : AYI XİDMƏTİ...
2013-09-21 : UCUZ ÖLÜM
2013-07-06 : ANAMIN ƏTRİ
2013-06-08 : ŞİLLƏ MASAJI
2013-02-16 : AD GÜNÜ
2012-12-08 : ZƏİF DAMARIMIZ
SON XƏBƏRLƏR
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK