warez script warez forum Leaks Forum orkide Link kısaltma sitesi shell indir mavi orkide Link kısalt PHP Scriptler Ataşehir kadın kuaförü Warez forumu hacklink satın al cialis yorumları Adalet.az | YUNANLARIN UNUTDUĞU Adalet.az | YUNANLARIN UNUTDUĞU Adalet.az | Ədalət -
ANA SƏHİFƏ / YAZARLAR

YUNANLARIN UNUTDUĞU

36364    |   2013-09-07 00:38
Şriftin ölçüsü:
A+ Böyütmək
A+ Balacalaşdır

Hərdən yazıya başlamaq elə çətin olur ki... İşləyəcəyin mövzu bəlli olsa belə. Bir zamanlar hamımızın babası sayılan, indi isə rişxəndlə anılan dahinin bir ağıllı kəlamı vardı: "İşə başlamaq-işin yarısını görmək deməkdir!" Bəzən bir günə görüləcək işdən ötrü günlərlə, hətta aylarla hazırlıq görməyimiz, götür-qoy eləməyimiz heç kəsdən gizli deyil. Bu hazırlıq məsələsi də o qədər üzüntülü, sıxıcı olur ki, bəzən vaz keçmək istəyirsən görmək istədiyin işdən. Amma bir şey var ki, nədən vaz keçmək istəsən də, yazı-pozu deyilən xəstəlik hələ-hələ yaxandan əl çəkən deyil. Üstəlik, başladığın işi bitirmək də elə başlanğıc qədər çətin olur çox zaman...
İşə başlamaq və onu bitirmək... Deyərdim ki, bu işgüzarlıq deyil, əməlli-başlı xarakter, iradə məsələsidi. Düşünmədən işə başlayıb, onu axıra çatdırmaq iqtidarında olmayan nə qədər adam tanıyırıq. Sözünü tuta bilmək, dediyini eləmək də kifayət qədər güc, səbir və ağıl tələb edir. Bunlar olmayanda söz də, istək də qiymətdən, dəyərdən düşür. Sözünü tutmayanlarla əl-ələ verməyi, yola çıxmağı da kimsə istəməz...
Sözümüz və işimiz haqqımızda çox şey deyir...
***
Qədim yunanlar dua edərkən Allahdan üç şey istəyirdilər: güc, səbir, ağıl...
Deyirdilər: Allahım, mənə güc ver ki, öhdəsindən gələ biləcəyim işi başa çatdıra bilim, səbir ver ki, öhdəsindən gələ bilməyəcəyim şeylərə dözə bilim, ağıl ver ki, mümkün olanlarla mümkün olmayanlar arasında fərqi görə bilim...
Duanın mənasından, məzmunundan qabaq diqqətimi çəkən nə oldu, bilirsinizmi?! Bu sözlərin bir dahinin və yaxud, dövlət başçısının, sərkərdənin deyil, bütöv bir xalqın dilindən səslənməsi. Əgər bir millət başdan-ayağa, uşaqdan-böyüyə belə dua edirsə, bunca sağlam düşüncənin sahibidirsə, o cəmiyyətdə hansı ab-havanın hökm sürdüyünü təsəvvür eləmək çətin deyil...
Qibtə eləməmək üçünsə, ən azından nadan olmalısan. Paxıllığı, qısqanclığı bir tərəfə qoyuram...
Sadə camaatın bu qədər real və məntiqli düşünməsi, sahib olmaq istədikləri bu üç şeyin ancaq Yaradanın iqtidarında olmasını qəbul eləmələri adamın qəlbində heyranlıq və şəfqət doğurur. Hər cür pafos və ritorikadan uzaq olan bu dualarda Tanrıdan maddi heç nə istənilmir. Çünki hər cür sərvət istənilən bu üç şeyin gücündədir və onlarsız heç nədir...
Adamın öhdəsindən gələ biləcəyi işə başlaması da elə o kəsin nə qədər dərin zəka sahibi olmasından xəbər verir. Gücünü və bacarığını qiymətləndirə bilmək, bu keyfiyyətlər özündən çox başqalarında olduqda, bunu görmək və qiymətləndirmək böyüklük əlamətidi. Sahib olduğunun qədrini-qiymətini bilmək, sahib olmadığına can atmaq həvəsini də bunun üstünə gəlsək, kamil bir şəxsin, daha doğrusu, insan kimi yaşamağı bacaranın obrazını təsəvvür etmiş olarıq...
***
Güc, səbir, ağıl... Burada "ağıl" sözünü birinci yazsaydılar, daha dəqiq, daha ədalətli olardı, məncə. İnsanın gücü də, səbri də onun ağlındadı. Ağıl olmayan yerdə nə güc, nə də səbir kara gələ bilir. İnsanın gücü nə yenilməyən biləyində, nə də qatlanmayan dizindədi. Güc ağıldadı! Ağılda yunanlardan heç də geri qalmayan babalarımız həmişə ağıllarını Allaha əmanət ediblər, hər şeylərini alsa da, ağıllarını almamağı xahiş ediblər. At belində, vuruşlarda keçən ömürləri onlara bir şeyi öyrədib və göstərib: bir ağıllı baş onlarla, yüzlərlə qoluzorluya qalib gələ bilir...
Bizi bütün işlərə ağlımız yönləndirir. Öhdəsindən gəlib-gəlməyəcəyimizi də ağlımız diktə edir. Başladığımız işi nəyinsə ucbatından sona çatdıra bilməyəndə, bizə edilən pisliklərə, törədilən əngəllərə, gücümüz çatmayan güclərə qarşı səbirlə dayanmağımıza da ağlımız yardımçı olur...
Səhv elədim. Ağıla "yardımçı" demək insafsızlıqdı...
O, bizi idarəedəndi...
Çox şeylərə qalib gələrdik. Çox aşılmazları aşar, yenilməzləri yenər, alınmazları alardıq. Əgər... ağlımızı vaxtında və yerində işlətməyi bacarsaydıq. Ağlımızın ölçüsünü bilsəydik, gücünə, nəyə qadir olduğuna inansaydıq...
Bəlkə ağıllılıq elə ağlı yerində işlətməkdən ibarətdi... Kim bilir...
***
Niyə bu ağıllı yunanlar "şans" sözünü unudublar?! Axı, ağıl həmişə hər şeyin fövqündə durmur. Ağlı bizə verən və onu idarə edən, istəyəndə başımızdan çıxarıb geri alan Fövqəlqüvvə var... Bizi şanslı-şanssız yaradan da Odur. Onun nəzərləri üstümüzdən çəkiləndə, şansımız açıq olmayanda, el arasında deyildiyi kimi, "Qaraçuxamız yatanda" yunanların dilədikləri o üç şeyin heç biri kara gəlmir. Qüvvədən düşür, işə yaramırlar. Ağıllı saydığım kişilərdən biri həmişə deyir: "Bir şam ki, haqdan yana, onu heç bir bəndə söndürə bilməz..."
Yəqin yunanlar da elə həmin günə düşməyin qorxusundan dualarını əskik etmirlər...
Ağıl həmişə xeyirli olmur. Ya biz onu düz işlətmirik, ya da yönləndirəni var. Bəzən bütün varlığımızla can atdığımız bir işin baş tutmaması xeyrimizə olur. O iş baş tutmayanda darıxırıq, əsəbiləşirik, taleyimizdən küsüb asilik də edirik. Lakin zaman keçdikcə bəlli olur ki, həmin işin baş tutmaması məsləhətmiş. Və Tanrımıza şükürlər edirik...
Bizim bilmədiyimiz o qədər şeylər var ki...
Bax, əsl sirr, ecaz budu...
Bəlkə ağlı ona görə istəyək ki, bizi təkcə idarə etməsin, həm də Kainatda mövcud olan, lakin qədərincə anlaşılmayan sirr və sehrlərə heyran olmağımızı da sağlasın!!!
Bu arada duanın üçüncü hissəsi yada düşür: "...ağıl ver ki, mümkün olanlarla mümkün olmayanlar arasında fərqi görə bilim..." Əslində bütün uğursuzluqlarımızın kökündə də elə bu durur. Mümkün olmayanlardan yapışıb, bir şeyə nail ola bilməyəndə ruhdan düşür, taleyimizi suçlayırıq. Nəinki mümkün olmayandan, bəzən gərəksiz işlərdən də yapışırıq. Ehtiyacımız olmayan, onlarsız da ötüşə biləcəyimiz şeyləri arzulayırıq, dalınca gedirik. Deyəsən, axı, ağıl elə ən çox bu yerdə gərək olur adama?!
Dünyamız həmişə ağıllıların qıtlığını yaşayır...
Ağlın işığına pərdə çəkənlərsə istənilən qədərdi...
Ağıllılar niyə görünmürlər?! Çünki: "axmaq həmişə öndə dayanır ki, hamı onu görə bilsin, ağıllı həmişə arxada dayanır ki, hamını görə bilsin".

***
Ağlım kəsəndən ağıllı insanlar haqqında bir-birinə zidd fikirlər eşitmişəm. Xalq deyimlərindən tutmuş müəllif yazılarına qədər hamısında deyilənləri ağlıma batsa da, batmasa da yaddaşımda saxlamışam. Uzun qış gecələrində bibim gözünü əlindəki tikişdən çəkməyərək zümzümə edərdi: "Dəryaca ağlın olsa, yoxsul olsan, güləllər..." Müəllimimizsə deyirdi ki, adamı geyiminə görə qarşılayıb, ağlına görə yola salırlar...
Ancaq hər addımbaşı özünü təsdiqlədən bibimin bayatısındakı fikir olur. Adamları geyiminə görə qarşılayıb, geyiminə görə də yola salırlar.
Zaman dəyişsə də, bu dəyişmir...
Heç nəyə baxmayaraq mən insan ağlına və zəkasına inanıram. Güvənirəm...
Ağıllı adamları sevirəm. Söhbətlərindən güc, zövq alıram. Rahatlanıram.
Ağıllıları bir də ona görə sevirəm ki, onları hamı sevmir. Ona görə sevirəm ki, aralarında xoşbəxt olanını hələ görməmişəm.
Bu da təəccüblü deyil...
Ağlı olan kəs bu ədalətsiz, acımasız, namərd dünyada özünü bəxtəvər sana bilməz...
Ona görə ki, ağıllılar bəxtəvərliyi təkcə özləriyçin istəmirlər...
***
Aramızda dua etməyən adamın olmasına inanmıram. Dua edirik çəkdiyimiz nəfəslə, ürək döyüntülərimizlə, damarımızda axan qanımızla...
Dua edək! Yunanların unutduqlarını da öz dualarımıza artıraq...
Ömür şamlarımızın Haqdan yandırılmasıyçın, ötəri yellərin onu söndürə bilməməsiyçin dua edək...
Amin!!!

Vəsilə USUBOVA
vasila-usubova@mail.ru


İmza:

YAZARIN ARXİVİ

2015-01-10 : ƏN UZUN GECƏ
2014-11-15 : QIRMIZI İP
2014-07-12 : GEC OLMAYAN
2014-07-05 : SAMAN ÇÖPÜ
2014-06-21 : GÜNAHSIZ
2014-06-14 : GÜNAHSIZ
2014-06-07 : GÜNAHSIZ
2014-05-31 : GÜNAHSIZ
2014-05-24 : GÜNAHSIZ
2014-05-17 : GÜNAHSIZ
2014-05-09 : GÜNAHSIZ
2014-05-03 : GÜNAHSIZ
2014-04-26 : GÜNAHSIZ
2014-03-15 : SONUNCU YARPAQ
2014-03-08 : MONMARTR, 18-40
2014-03-01 : Marsa da uçsaq
2014-02-22 : DƏRD ZİRVƏSİ
2014-02-15 : GEC DƏ OLSA...
2014-01-25 : GÜNDƏLİK
2014-01-18 : XİLASKAR
2013-10-12 : NƏNNİ
2013-09-21 : PAYIZ GƏLİR...
2013-08-17 : ADSIZ DUYĞULAR
2013-08-03 : ƏHYA GECƏLƏRİ
2013-07-06 : Sən dönsən...
2013-06-22 : KÖYNƏK
2013-05-25 : ÖZGƏ DƏRDİ
2013-02-09 : AĞILDAN BƏLA
2013-01-26 : DARIXAN ADAMLAR
2013-01-19 : DƏLİLİK ZAMANI
2013-01-12 : ƏSKİ YARALAR
2012-12-01 : SUSUZ DƏNİZ
2012-09-22 : GƏLDİN...
2012-09-15 : BİR QUCAQ SABAH
2012-09-08 : ANGEDONİYA
2012-08-18 : "DÜBEYTİ"
2012-06-30 : O TƏNHA AĞAC...
2012-06-02 : AĞ QARANQUŞ
2012-02-18 : HARMONİYA
2012-01-14 : QONŞU QIZ
2011-12-31 : TƏLƏSİRİK...
2011-12-10 : AYAQYALIN
2011-11-19 : XƏZAN YELİ
2011-10-15 : TƏSƏLLİ
2011-08-06 : DƏYİRMAN
2011-07-16 : ÇOX AZ ŞEY
2011-06-25 : SAVAŞIN 70 YAŞI
2011-05-14 : "QARA QUTU"
2011-03-19 : VƏDƏ KÜLƏYİ
2011-03-05 : KİŞİSİZ...
2011-02-26 : YAZA NƏ QALDI?!.
2011-02-19 : ADİ HƏYAT
2010-12-31 : İL KEÇDİ...
2010-11-06 : İMTİNA
2010-08-21 : KİBRİT FALI
2010-07-24 : YEL DƏYİRMANI
2010-05-08 : XİLASKAR
2010-04-10 : QİYAMƏT
2010-03-20 : XINAYAXDI
2010-02-27 : BOŞLUQ
2010-01-09 : KARVAN GETDİ...
2009-12-26 : YUXU KİMİ...
2009-12-19 : DARIXANDA...
2009-12-12 : İMTAHAN
2009-12-05 : QUYU
2009-10-17 : ELDƏN AYRI...
2009-10-10 : GÖZÜ YOLDA...
2009-10-03 : TARAZLIQ
2009-09-26 : ...YALVARMA!
2009-09-12 : İLĞIM
2009-09-05 : BİR STƏKAN ÇAY
2009-08-08 : QIRMIZI
2009-08-01 : SƏKKİZ SAAT
2009-07-11 : AĞIRLIQ
2009-04-25 : SIĞINACAQ
2009-04-11 : SÖZ VAXTI
2009-02-14 : ÜÇÜNCÜ YOLÇU
2009-01-31 : BİXƏBƏR
2009-01-24 : QIRMIZI VƏ QARA
2009-01-17 : BAŞQA ADAM
2009-01-10 : 3 SAATLIQ NƏFƏS
2008-12-31 : QUM SAATI
2008-12-13 : QURBANSIZ
2008-11-22 : CİDDİ MÖVZU
2008-11-15 : ÜMİD VƏ QORXU
2008-11-01 : AĞ YOL
2008-10-18 : AG VƏ QARA
2008-10-11 : KÜTLƏ
2008-09-20 : TƏSƏLLİ
2008-09-06 : YAZIQLIQ
2008-08-23 : ATA EVİ
2008-08-02 : ÇAY PULU
2008-07-05 : YADDAŞ AĞRISI
2008-06-14 : ÇƏRÇİVƏ
2008-04-19 : SÖZ ARDINCA...
2008-03-30 : İRƏVANLILAR
2008-03-20 : YAZA ÇIXDIQ...
2008-03-08 : UTANCAQ
2008-02-23 : BOZ AY
2007-12-15 : DARIXAN ADAMLAR
2007-12-01 : BİZƏ QALSA...
2007-11-24 : İŞIQSIZ DÜNYA
2007-10-27 : ETİRAF
2007-10-06 : GÜNLƏR VARDI...
SON XƏBƏRLƏR
2019-05-22
2019-05-21


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Kubokun sahibi kim olacaq?

"Qarabağ" (71.43%)
"Qəbələ" (14.29%)
"Sumqayıt" (7.14%)
"Zirə" (7.14%)

ÇOX OXUNAN
GÜNÜN LƏTİFƏSİ

Aqşin Yenisey dostları ilə babat yeyib-içir, sonra gedir əmisigilə. Həyətdə it daraşır buna, qolun-qılçın cırmaqlayır. Evə girəndə əmisi deyir:

- Ay bala, bu nə haldı?

- İt tutdu.

- Ə, it bağlıydı axı?!

Aqşin:

- Əmi, it bağlıydı ey, amma mən açıqıydım.





digər lətifələr
ARXİV
FACEBOOK