ANA SƏHİFƏ / YAZARLAR

ÖZÜNÜ TANI

28814    |   2013-09-06 23:28
Şriftin ölçüsü:
A+ Böyütmək
A+ Balacalaşdır

Zaman dəyişdikcə insanların da dəyişməsi və bu dəyişmənin yaxşıya, yoxsa pisə doğru olduğu həmişə mübahisəli məsələdir. Bəziləri bunu təbii qəbul edir, bəziləri isə nostalji hisslərlə yaşayaraq bu günlə heç cür barışa bilmir. Hər zəmanənin özünə görə problemləri olub. Əsl problem isə insan beyninin inkişafının müxtəlifliyindədir.
Xarici əllərin milli adət ənənələrimizdə, mədəniyyətimizdə, incəsənətimizdə, iqtisadiyyatımızda gəzməsi bu problemlərin mənbəyidir. Bir xalqı məhv etmək üçün onun dilindən, dinindən, adətindən uzaqlaşdırmaq kifayətdir. Yetmiş illik sovet quruluşu dövründə dilimizi ruslaşdırmaq, dinimizi xurafat, cahillik adlandırıb kafirləşdirmək istəyənlər müəyyən qədər istədiklərinə çatmış oldular. Yalnız dilinə, dininə möhkəm bağlı olan, Vətənini, millətini həqiqətən sevən adamlar oldu ki, onların iradəsini heç nə ilə qırmaq mümkün olmadı.
O dövrdə imkanlı, oxumuş, cəmiyyətdə az-çox nüfuzu olanların əksəriyyəti "müasir" olduqlarını sübut etmək üçün mütləq uşaqlarını orta məktəbin rus bölməsinə göndərirdilər. Öz ana dilinə həqarətlə yanaşan bu manqurtların ailəsində böyüyən uşaqlar da nə rus kimi rus ola bilirdilər, nə azərbaycanlı kimi azərbaycanlı... Yarımçıq təfəkkürlü insanları sevə-sevə yetişdirirdi sovet cəmiyyəti. On beş respublikanın hər bir üzvünü rus sevgisiylə, rus mədəniyyətiylə, rus adət-ənənəsiylə inkişaf etdirmələrinə göz yummaqla, gələcəkdə yalnız bir xalqın - rus xalqının "dəyirmanına su tökdüyümüzün" fərqində deyildik...
Dövran dəyişdi, quruluş yeniləndi, müstəqillik qazandıq, amma yenə kimdənsə asılı olmaq, özümüzünküləri bəyənməyib, başqalarından nümunə götürməyə çalışmaq xasiyyətimiz isə dəyişmir ki, dəyişmir. Əksər vaxt bu, götürdüklərimiz də çox bayağı təsir bağışlayır, çünki sənin deyil, yamaqdı. İndi bir azərbaycanlı öz ökəsində iş tapmaq üçün mütləq ingilis dilini bilməlidi. Bu çox gülünc, təhqiredici bir şeydi! Bu, millətin millət kimi, xalq kimi alçaldılması deməkdi. Təsəvvür edin ki, bir ingilisə vətənində iş vermirlər ki, Azərbaycan dilini bilmirsən! Yaxud da monqola! Buna etiraz edən ziyalılarımız, şairlərimiz, söz-sənət adamlarımız zaman-zaman öz etirazlarını bildirdilər. Səhv etmirəmsə,Tofiq Bayramın "Öz ana dilini bilməyənlərə" şeiri dərslik kitablarına da salınmışdı (Düzü, indi bilmirəm o şeir dərsliklərdən çıxarılıb, ya yox. Amma çıxarılsa, buna da təəccüblənmərəm, çünki milləti özündən uzaqlaşdırmaq üçün "Manqurt istehsal edən maşınlar" daim fəaliyyətdədir! - F.R). Sevimli şairimiz Bəxtiyar Bahabzadənin yazdığı:
Bir vaxt rusca idi bütün reklamlar,
İndi ingiliscə dürtülür gözə.
İtin də dilinə hörmətimiz var,
Təkcə öz dilimiz yaramır bizə.
şeirində hər şey vardı - əsəb də, təəssüf də, yanğı da, vətənpərvərlik də...
Məktəb bitirmiş qızımın iş tapa bilməməsinin bir səbəbi də rus, ingilis dilini mükəmməl(!) bilməməsidir. Mən hələ də anlaya bilmirəm ki, Azərbaycanda təhsil alıb, iş axtaran gəncə niyə rus dili, ingilis dili bilməsi bu qədər vacibdir? Xarici ölkələrdən klinikalarımıza müalicə üçün xəstələrmi axışıb gəlir? Yoxsa tibbdəki inkişafımız elə vüsət alıb ki, mütəxəssislərimiz biliklərini xaricə inteqrasiya edəcəklər? Tibb təhsili almış qıza klinikada, xəstəxanada işə düzəlmək üçün nədən öz dili kifayət eləmir?
Dil bilmək, hətta çoxlu dil bilmək gözəl bir keyfiyyətdir, ancaq ana dilini bu cür lüzumsuz, miskin vəziyyətə salmaqla kimə işləyir, nəyə qulluq edirik?
Xatırlayıram ki, Eurovision yarışları ərəfəsində hətta ingiliscə bilməyən taksiçiləri belə yarış keçirilən zonaya işə buraxmadılar. Bir il əvvəl bu yarışa hazırlaşan xarici nümayəndə azəricə bir kəlmə öyrənmək istəmədiyi halda, bizim taksiçilərə ingiliscə öyrənmək tapşırığı verilmişdi!
Özünü sevmədən başqasını sevmək mümkün deyil. Özünü anlamadan başqasını anlamaq absurddur. Özünü bəyənmədən başqasına qiymət vermək iddiasına düşmək əllaməçilikdir!
Özümüzü tanıyaq, özünü tanıyan Allahını da tanımış olar! Özümüzü sevməyi, qiymət verməyi öyrənək ki, başqalarını da anlaya bilək.
Özümüzü öyrənmək üçün öz dilimizdən istifadə edək!

Fəridə RƏHİMLİ
[email protected]


İmza:

YAZARIN ARXİVİ

2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2018-07-16


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (33.33%)
İşdə (66.67%)

ÇOX OXUNAN
GÜNÜN LƏTİFƏSİ

Vəli Xramçaylını hakim qarşısına çıxarırlar. Hakim:

- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:

- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.





digər lətifələr
ARXİV
FACEBOOK