ANA SƏHİFƏ / YAZARLAR

DOST GEDİB...

Bəzən "dost" sözü də hər şeyi ifadə etmir

28856    |   2013-07-27 05:28
Şriftin ölçüsü:
A+ Böyütmək
A+ Balacalaşdır

Son vaxtlar təklik daha çox güc gəlir mənə. Bir küncə çəkilmək...gözdən-könüldən uzaqda olmaq... heç kimi, heç nəyi görməmək, eşitməmək istəyi o qədər güclü olur ki, tabe olmaqdan başqa yolum qalmır. Amma çox ani bir zaman kəsiyindən sonra hiss edirəm ki, gücsüzlük, iradəsizlik etmişəm. Əyilmək lazım deyilmiş, daha güclü müqavimətə, daha sərt təpkiyə imkan ola-ola, özümü könüllü surətdə təklik qucağına atmışam. Təbii ki, hər iki məqamda özümü haqlı bilirəm. Çünki dünyamız, ətrafımız, hətta içimiz elə bir durumdadı ki, hamıya üz tutmaq, hamıya sirr vermək, hamıyla həmsöhbət olmaq və hamının sirrini saxlamaq da mümkün olmur. Daha doğrusu, bunu obyektiv və subyektiv səbəblərdən bacarmırıq.
İkincisi isə, təkbaşına mübarizə də Don Kixotluqdu. Özün-özünlə döyüşmək, özün-özünü məğlub etmək və yaxud özün-özünə qalib gəlmək nəyi dəyişir? Lap elə yeri gəlmişkən...
Mətbuat günündə, daha doğrusu, həmin o tarixdən bir az əvvəl və elə günü bu gün də saytlarda oxuduqlarım, eşitdiklərim, həmkarlarımın bir-birinə qarşı ittihamları, adamların iç üzünün açılıb ortaya qoyulması, guya yeni nə etdi ki? Nə dəyişdi ki? düşünməyin ki, mən hər şeyə qarşı laqeydəm, biganəyəm. Xeyr, əksinə mən hisslərimlə o qədər əlbəyaxa oluram ki, son nəfəsdə özümü ələ almağa gücüm çatır. Elə bu son günlərdə də üz-üzə dayanan adamların son anda mənə etdikləri sürprizlər bütöv bir ömrümə bəs elədi. Çünki bu adamlar özləri öz dilləri ilə etiraf etdilər ki, əsas işlərindən biri torba tikmək imiş. Şükürlər ki, Tanrı böyük, hökmü isə ədalətlidir. Tikilən torbadan özləri çıxa bilmədi...
Bunu sözgəlişi xatırlatdım. Dərinə gedib nəyinsə təzədən altını üstünə çevirməyə ehtiyac görmürəm. Onsuz da nə lazım idisə gördüm, nəyi eşitməli idimsə, onu da eşitdim. Allah hər kəsə ürəyinə görə verdiklərindən mənə də verdi. Bax belə bir məqamda bircə şeyə ehtiyac duydum, bircə ünvan üçün ürəyim təşnə oldu. Elə istədim ki, yenə üz-üzə oturaq, yenə ürək boğçamı açıb sərim ortaya və sən də həmişəki kimi səbirlə, özünəməxsus təbəssümlə mənim dediklərimi, bəzən rəngini, boyasını tündləşdirdiklərimi arxayınca çözəsən, hər birinə öz münasibətini ifadə edib, hər birini öz yerinə qoyasan. Bax, bu mahnıda deyildiyi kimi: Qayıt yerinə qoy ayı, günəşi...
İndi o qədər ehtiyacım var, indi elə darıxıram sənin üçün. Lap kənddə dediyim kimi, az qala burnumun ucu da göynəyir sənin üçün. Amma sən darıxmaq fikrində deyilsən... sən çıxıb getmisən. Özü də hər şeyə, lap elə bu dünyanın özünə də tüpürüb getmisən. Mən bunu bilirəm, mən bunun səbəblərini çox gözəl anlayıram. Amma neyləyim ki, bildiklərimlə, anladıqlarımla razılaşmıram, barışmıram və öz-özümə min dəfə sual verirəm:
- Axı niyə belə olmalıdı?
Bəli, çox kövrək və həzin bir mahnı var. O mahnını ən çox rəhmətlik Rövşən Behcətin ifasında dinləməyi sevmişdim. Sonra rəhmətlik İslam Rzayev onu başqa bir boğazda ifa etdi və mən hər iki ifanın vurğunu oldum. Səhv etmirəmsə, o nəğmənin sözləri Dağıstanın çox dəyərli oğlu Rəsul Həmzətovundur. Əgər yanılıramsa, müəllifindən üzr istəyirəm. Mahnının ilk sözü həmişə dilimin ucunda olub: Dost gedib özümə gələ bilmirəm...
İndi mən də özümə gələ bilmədiyim bu anlarda elə üzümü dostlarıma tuturam. Onlardan həm incik, həm də ərkyana bir şəkildə soruşuram:
- Niyə bu qədər etibarsız çıxdınız? Niyə tək qoyub getdiniz? Bilmirsiniz təklik dözülməzdi? Bilmirsiniz təklərin üstünə yeriyən, qabaran, hətta hürən çox olur? Axı siz hər şeyi bilən idiniz! Siz hər şeyin fövqündə dayanırdınız! Bəs niyə belə etdiniz? Eh, nə deyim axı sizə! Bəlkə heç nə, bəlkə...

Ay yüz illik dostlarım,
Yolüstü dəyin mənə!
Dərd satılan bazarın-
Ünvanın deyin mənə...

Köhnə dərdlər nimdaşdı
Ağnavazdı, daşbaşdı.
Bu söhbəti kim açdı-
Çatdırın yeyin mənə...

Köhnələr bezib susub...
Danışmır, dilin udub.
Yoxsa qəzəbi tutub-
Yerin, ya göyün mənə...

***
Hə, "Koroğlu" dastanında çox maraqlı bir məqam var. Yəqin oxuyanlar xatırlayar, Koroğlunun gözünün qarşısında tüfənglə atəş açıb dağ boyda əjdahanı öldürürlər. Koroğlu da baxıb-baxıb misri qılıncını atıb bir tərəfə deyir: "Tüfəng çıxdı, bununla da kişilik qurtardı".
Bilirsiniz bunu niyə xatırladıram? Ona görə ki, indi bəzi "kişilər" sözünü-söhbətini internetlə, mesajla, söz gəzdirməklə, ara vurmaqla göyərdir, dirildir. Elə bil onlar bu dünyaya kişiliyin qurtardığını, kişiliyin ölüb getdiyini xatırlatmaq, yada salmaq üçün gəliblər. Ona görə də özlərini elə aparırlar ki, sanki onlar hər şeyə qadirdilər. Amma bilmirlər ki, elektrik cərəyanı olmadan, dəstək olmadan, şərait olmasa, onların kişiliyi sabun köpüyü kimi bir şeydi. Əsl kişilər üz-üzə dayanıblar... sözü də, söhbəti də üz-üzə ediblər. Ona görə də dünyanın tərəzisi onların vaxtında həmişə düz işləyib, düz çəkib. İndiki kimi adı elektron olan tərəzilərin hoqqabazlığını etməyib. Nə bilim vallah, hərdən öz-özümə fikirləşirəm ki, bu dünyanın düzələcəyinə, bu dünyanın kişilərə qalacağına nahaq ümid bəsləyirəm. Çünki kişilər azalır, özü də yaxşı kişilər, halal və dürüst kişilər, sözünün sahibi kişilər...
Bəli, günün reallığı elədir ki, mütləq kiminləsə söz danışmalısan, söz soruşmalısan. Bax elə bu reallıq da bəzən kişi sözünə nə boyda ehtiyac olduğunu ilk baxışdan, ilk addımdan, ilk tanışlıqdan özünü büruzə verir. Məhz həmin an içimdən bir sızıltı keçir, ürəyimin bir teli qırılır. Yanıldığını anlayırsan, yanlış ünvana gəldiyini dərk edirsən... yanlış yerdə olduğunu görürsən. Amma bir parça çörəyə olan ehtiyac, ailənin yol gözləməsi, özünün kiməsə əyilməmək, sınmamaq dəyanətin səni susmağa, səbirli olmağa vadar edir. Əslinə qalanda elə susmaq da razılaşmaq kimi bir şeydi. Bu mənada biz, daha doğrusu, mən o qədər susmuşam ki, bəzən sözlər də yadımdan çıxıb.
Heç kimi qınamıram, heç kimdən incimirəm. Bütün məqamlarda, bütün yerlərdə günahkar özüməm. Üsyankarlıq, etiraz etmək haqqımı həmişə gözlətmişəm, həmişə dondurmuşam... Doğrudur, deyirlər ki, Tanrının bir adı da səbirdi. Razıyam, qəbul edirəm. Amma səbrin də bir həddi-hüdudu olmalıdır. Yenə sözgəlişi xatırladım ki, biz 1988-ci ildən səbr edirik, təmkin göstəririk, emosiyalara uymuruq. Amma...
Yazının əvvəlində bir məqama diqqət yetirdim- təklənməyə, tək qalmağa işarə vurdum. Yenə həmin nöqtəyə qayıdıram. Son günlər o təklik, o təklənmə mənim üçün yeni zamanın başlanğıc nöqtəsidi. Mən o nöqtədən indi hər kəsə əvvəlkindən fərqli baxmağa çalışıram. Hətta ailəmdə də, işimdə də, nə qədər haqlıyam və yaxud əksinə, deyə bilmərəm. Ancaq bildiyim bir gerçəklik var - o da təklənməkdi, o da hücumlara məruz qalmaqdı, o da haqqı tapdalanmaqdı. Bütün bunlar istənilən duyğulu insanı səfərbər olmağa, ən azı özünə baxmağa səsləyən, məcbur edən bir çağırış, bir güc, bir təpkidi. Çünki yarılanmaq, yarı olmaq, o qədər də asan deyil, o qədər də dözülən deyil. Hətta qədim bir mahnımızın sözlərində deyildiyi kimi: Vətən bağı al-əlvan olsa da...
Hə, yaman təkləndim, yaman tək qaldım, səsimə səs vermədin, telefonun əhatə dairəsindən kənarda oldu. Özün ürəyimdə, ürəyim ürəyində olsa da, səsin, nəfəsin yanımda olmadı. Bax, onda əlim qələmə, gücüm vərəqlərə çatdı...

Vətən bağı cənnət oldu
Unutdurdu yarı sənə!
Yol gözləmək sənət oldu-
Yarı mənə, yarı sənə!

İstəkləri tam görmədik
Bir ev-eşik, dam görmədik.
İşıq saçan şam görmədik -
Yarı mənə, yarı sənə!

Ürəyimiz köz-köz oldu
Təsəllimiz döz, döz! - oldu
Nə oldusa, lap düz oldu
Yarı mənə, yarı sənə!

Hə, Vahid Əlifoğlu, niyə susursan? Niyə haqqımın müdafiəsində sözünü demirsən? Hə, ürək dostum, bəs sən hardasan? Nə yaman uzun çəkdi səfərin? Dağlar, dərələr, bulaqlar, çeşmələr, təbiətin göz-könül oxşayan növrağı, nə yaman unutdurdu məni sənə? Aç də, telefonu? Qayıt da əhatə dairəsinə? Axı meydanda tək qalmışam? Axı sənə ehtiyacım var!..

Əbülfət MƏDƏTOĞLU
[email protected]


İmza:

YAZARIN ARXİVİ

2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : MƏKTUB…
2016-08-12 : HAVA
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : ƏBƏDİ ÜNVAN
2007-10-06 : PERSONAJ
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-01-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (71.43%)
Yox (28.57%)

ÇOX OXUNAN
GÜNÜN LƏTİFƏSİ
- İki dost işdən evə qayıdır.
Biri:
- Mənim arvadım çox yaxşıdır. Gedən kimi çəkmələrimi qarşımda cütləyir, qəlyanım dolu olur. İndi qəhvəm və mətbəxdə bir vedrə isti suyum hazırdır.
- Hamısı çox gözəldir, ancaq o mətbəxdə bir vedrə isti su nə üçündür?
- Vallah, mən soyuq su ilə bulaşıq qabları yuya bilmirəm.




digər lətifələr
ARXİV
FACEBOOK