ANA SƏHİFƏ / TEXNOLOGİYA

Ermənilər "Google Maps"də Azərbaycana qarşı irimiqyaslı saxtalaşdırmalar edirlər

8894    |   2020-07-31 22:00
Şriftin ölçüsü:
A+ Böyütmək
A+ Balacalaşdır

Yerevanın Azərbaycan ərazilərini işğalını beynəlxalq səviyyədə tanıtmaq üçün uğursuz cəhdləri dünya ermənilərinə rahatlıq vermir. Onlar qanunsuz ərazi iddialarını təmin etmək üçün "Google Maps” sistemində irimiqyaslı saxtalaşdırmalar yolu ilə yeni vasitələr tapır.

Biz son vaxtlarda "Google” beynəlxalq axtarış sistemində Azərbaycana münasibətdə təxribatlara yol veilməsi ilə daha tez-tez üzləşirik. Dağlıq Qarabağ və digər işğal olunmuş ərazilərin toponimləri xəritələrdə erməni dilində "Dağlıq Qarabağ Respublikası” kimi göstərilir.

Ermənilər bu xəritədə işğal olunmuş Dağlıq Qarabağın tam "ayrılmasına” nail ola bilməsələr də, "Google Maps”də Azərbaycanın anklavları olan Bərxudarlı, Yuxarı Əskipara və Kərki Ermənistanın tərkibində göstərilir.

BMT-nin müvafiq sənədləri ilə təsdiq olunmuş Azərbaycanın rəsmi xəritəsini diqqətə almadan dünya erməniləri böyük səylə nəinki tarixi, mədəniyyəti, mətbəxi və Azərbaycanla bağlı hər şeyi saxtalaşdırır, həm də ölkənin müasir siyasi xəritəsini "özəlləşdirməyə” çalışır. Ermənistan nəinki beynəlxalq hüququ və Azərbaycanın ərazi bütövlüyünü tanımır, həm də ardıcıl olaraq Azərbaycan ərazisindəki Azərbaycan toponimlərini "erməniləşdirir”.

"Google” axtarış sisteminin xidmətlərindən istifadə edərək erməni saxtakarları "Maps” xidmətində Azərbaycanın təhrif olunmuş xəritəsini yerləşdirib. Bu xəritədə Füzuli rayonu Varanda, Zəngilan – Kovsakan, Kəlbəcər – Karvaçar, Ağdam – Akna, Qubadlı – Sanaşar, Laçın – Berdzor, Cəbrayıl rayonu isə Jrakan kimi göstərilib. "Google” xəritələrində ermənilər tərəfindən çəkilimiş yüzlərlə şəkildə Azərbaycan şəhərləri "qədim erməni şəhərləri” kimi göstərilib. Hətta Ağdamın dağıntıları da ermənilər tərəfindən "azərbaycanlı barbarlar tərəfindən dağıdılmış erməni şəhəri Aknanın dağıntıları” kimi təqdim edilir.

Yalançılar və saxtakarlar respublikamızın xəritəsində qondarma Cuqa xaçkarları əks olunan onlarla foto yerləşdirib. Öz ölkəsinin qayğısına qalmaq əvəzinə Ermənistanın sənaye naziri Akob Arşakyan bir sıra xidmətlərin "erməniləşdirilməsi” üçün "Google” və "PayPal”la danışıqlar aparır.

Erməni saxtakarlar üç istiqamət üzrə işləyir. Birincisi, "YouTube”, "Google Maps”, "PayPal” və "Google Play” rəhbərliyi ilə işləyən ermənilərin dostları qrupunun olduğu ABŞ Konqresində rəsmi kanallardır. İkincisi, bilavasitə "Google” və "YouTube” strukturlarında işləyən ermənilər də müəyyən həll yolları tapmağa çalışır. Üçüncüsü isə, diaspor erməniləri də kömək göstərməyə çalışır.

Yerevan çoxsaylı haker qruplarının internet məkanın erməni dezinformasiyaları ilə doldurulması, eləcə də Azərbaycana qarşı total informasiya müharibəsinin aparılması sahəsində fəaliyyətini koordinasiya edir və dövlət strukturlarının işini bu sahəyə yönləndirir. Yerevana həm də diaspor tərəfindən, "Google”, "PayPal” kimi təşkilatlarda işləyən ermənilər, həmçinin çoxsaylı qeyri-hökumət təşkilatları tərəfindən böyük kömək göstərilir.

Sonuncular beynəlxalq donorlar tərəfindən Ermənistanda informasiya texnologiyalarının inkişafı üçün ayrılan xarici qrantlar hesabına əslində irimiqyaslı, rus və ingilis dillərində anti-Azərbaycan fəaliyyətinə cəlb olunub. Qeyd olunmalıdır ki, erməni QHT-lərinin aldığı qrantların bir hissəsi "Google” strukturlarındakı hesablara köçürülür ki, bu da virtual xəritədə Azərbaycan sərhədlərinin dəyişdirilməsi və saxtalaşdırma prosesini asanlaşdırır, həmçinin ermənilər tərəfindən "YouTube”da yerləşdirilən təbliğat videomateriallarının tanıdılmasına xidmət edir.

Bakı tərəfindən dəfələrlə "Google” korporasiyası və digər axtarış sistemlərinə erməni saxtakarlıqları barəsində diqqətli olması ilə bağlı xəbərdarlıqlara baxmayaraq, onlar tez-tez səhvə yol verir. Amma Bakının müdaxiləsindən sonra onlar müvafiq düzəlişləri edir. Bu baxımdan ölkənin müvafiq strukturları və QHT-lərə "Google Maps”də Azərbaycan ərazilərinin virtual işğalına qarşı fəaliyyəti üçün səyləri birləşdirmək lazımdır.

"Baku Network" Ekspert Şurasının direktoru

Fəlsəfə doktoru Elxan Ələsgərov

http://bakunetwork.com

Bizə Twitter və Facebook-da qoşulunhttps://twitter.com/BakuNetwork

https://www.facebook.com/BakuNetwork

Youtube channel:https://www.youtube.com/channel/UCp5ic7mhc6rZF6w0TQWqtm




İmza:

“Facebook” istifadəçilərin biometrik məlumatlarının icazəsiz toplanmasında ittiham olunur

“Twitter” tərcümə üçün yeni xidmətə müraciət edib

Bakıya gətirilən yeni "London taksi"ləri yanacaq əvəzinə elektriklə işləyir

"Azercell"in Rəqəmsal Tərəfdaşlığı ilə 7-ci “womENcourage” beynəlxalq virtual toplantısı keçiriləcək

Azərbaycan domen adlarının milli inzibatçısı müəyyənləşdi

“iPhone”ların satışı 30 faiz azala bilər

Son 18 ay ərzində Azercell-in LTE şəbəkəsinin əhatəsi 85% yüksəlib

Tvitter Tik Toku almaq niyyətindədir

Mark Zukerberqin varidatı ilk dəfə 100 milyard dolları keçib

Telefonun parolunu arvada verəcəksinizsə...

“Microsoft” korporasiyası “Tiktok” üçün 30 milyard dollar ödəyə bilər

Azərbaycan istehsalı olan ikinci tanker inşasının növbəti mərhələsi üçün suya salınıb

SON XƏBƏRLƏR
2020-08-14


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (87.95%)
Pullsuz (12.05%)

ÇOX OXUNAN
GÜNÜN LƏTİFƏSİ
Vəli Xramçaylını dostlardan biri qonaq çağırır.

Qonaqlığa tez gəlmiş şair süfrə düzələnə kimi dostunun dərs hazırlayan oğlu ilə başını qatmağa çalışır.

Əlini uşağın telinə çəkib qabağındakı riyaziyyat dəftərinə baxır.

-Nağayrersan?

Uşaq:

-Vəli əmi,ən kiçik ortaq böləni axtarıram..

Şair təəccüblə:

-Ayə,hələ onu tapbeflarmı,mən uşaq olanda da onu axtarerdılar)

Paylaşdı: Ayaz Arabaçı



digər lətifələr
ARXİV
FACEBOOK