ANA SƏHİFƏ / YAZARLAR

SAĞLAMLIQ - Seyfəddin Altaylı yazır

41261    |   2020-07-04 09:06
Şriftin ölçüsü:
A+ Böyütmək
A+ Balacalaşdır

Xalq içində mötəbər bir nəsnə yox dövlət kimi,

Olmaya dövlət cahanda bir nəfəs səhhət kimi.

Muhibbi

Təqribən altı ay qabaq corona deyilən bu xəstəlik yoxdu.

Böyüklər xüsusilə gənclərə onların sağlamlıqla əlaqəli şeylərə saymazyana yanaşdığını gördükdə "Ay balam, sağlamlığın qədrini bilin" deyərək öyüd-nəsihət verirdi. Ancaq o vaxt deyilən bu söz o qədər də effektli olmurdu, çünki hər bir kəs öz kefinə görə yaşayırdı. Gənclər Tanrı tərəfindən özlərinə bəxş edilən cavanlığın enerjisi ilə heç nəyi veclərinə almırdı. Bəs indi! Deyəsən atmosfer tamamilə dəyişilib. Mikroskopik bir virus bəşəriyyəti lərzəyə gətirib. Dünyanın super gücləri olan ABŞ, Rusiya, Çin, İngiltərə, Almaniya, Fransa kimi ölkələr Covid-19 qarşısında diz çöküb. Bu bəlanı hansı dövlət yüngül xəsarətlə yola salsa, gələcəyinə daha böyük inamla baxa bilər.

Hər gün bu xəstəliyə çarə tapılması haqda cürbəcür xəbərlər yayılır. Bir-iki gün qabaq yayılan bir xəbərə görə, Oxford Universiteti xəstəliyə çarə olan bir dərmanı ixtira edib və prezident Tramp bütün dünyaya kifayət edəcək sayda dərmanı həmin şirkətdən satın alaraq müqavilə bağlayıb, yəni bu dərmanı inhisarına keçirib. Dərmanın bir hissəsini Almaniyaya, bir azını Fransaya, bir azını da Hollandiyaya ayırıb. Bəzi oxucular niyəsini soruşa bilər, ancaq deməliyəm ki, müstəmləkəçilik siyasətini yeridənlər, birinci və ikinci dünya müharibələrini də çıxaranlar bunlar deyildi!?

Əsas məsələ Trampın bu davanı inhisarına alması deyil, onun qiymətidir. 6 dozalıq dərmanın qiyməti üç min dollardan artıqdır. Bu da o deməkdir ki, tacir Tramp dünyanı soyub soğana döndərəcək, ölkəsini bu xəstəlik səbəbilə varlandıracaqdı. Allah insanlığı onun caynağına salmasın. Dünyada bu qədər pulu öz vətəndaşları üçün hansı dövlət boynuna götürə bilər! Çətin məsələdir. Mən Trampı günahlandırmıram, o tacirdir. Həəə, atalar deyib, ot öz kökü üstündə bitər.

Bir vaxtlar Amerika deyilən qitənin varlığı hələ bilinmirdi. Haçan ki, Ameriko Vesbuçi, ondan sonra da Kristof Kolumb qitənin varlığını kəşf etdi, o qitədə yaşayan insanların da talei tərsinə döndü. Kolumb, həmin qitəyə ayaq qoyduğunda onları dəstə-dəstə güllərlə qarşılayan xalqa onlar odlu silahlarla ölüm qusdular.

Avropaya qayıtdıqda dustaqxanalarda nə qədər cinayətkar, qatil, oğru, quldur, kasıb, küçələrdə sülənən qadına oxşar varlıqlar varsa, gəmilərə doldurulub Amerikaya aparıb tökdülər. Aparılanlara "İstədiyiniz qədər torpağı mənimsəyə bilərsiniz" deyildi və onların burada kökləşməsi üçün xüsusilə odlu silahlar və digər vasitələrlə təçhiz edildilər. Bu canilər qitədəki yerli xalqı soyqırımla aradan götürüb məhsuldar torpaqlara yiyələndilər. On illər boyu bir-birlərini də qırdılar, ancaq həmin qırğın illərində qərara gəlib təhsilə arxalarına çevirmədilər, elmdən üz döndərmədilər, yeni nəsilləri araşdırmaçı ruhda yetişdilər. Afrikadan zənciləri oğurlayıb aparıb kölə kimi işlətdilər, qul ticarətini adi hala çevirdilər. Bu köləliyin izlərinin hələ də ağdərili amerikalılar tərəfindən bir anlayış kimi davam etdirildiyi yaranan hadisələrlə də sübut olunur. Bax, bu yolla onlar zamanla varlanıb-karlandılar və sadəcə, kölə ticarətilə deyil, dünyanın dörd yanındaki ağıllı, bilikli, yetişmiş kadrları tapıb pula hərisləndirərək aparıb özlərinə işlətdilər, nəhayət, dünyanın ağası kəsildilər.

Biz Türklərdə ağa, bəy həm yaş, həm varlılıq, həm ləyaqət, həm ədalət, həm də insanı insan gözündə görmə düşüncəsinə əməl edənlərə deyilir. Bizim ağa, bəy dediyimiz insanlar üçün getdiyi qapıda qan bağışlanır. Tarix boyu bizdə quldarlıq olmayıb. Dastanlarımızda, hekayələrimizdə, nağıllarımızda, ədəbi əsərlərimizdə bəyin oğlu ya çobanın qızına aşiq olub, ya da çobanın və ya xidmətçinin oğlu xaqanın, bəyin, paşanın qızına vurulub. Bu cür hadisələrdə ümumiyyətlə, nəticə barışıqla qurtarıb və gənclər evlənib xoşbəxt yuva qurublar. Deməyim odur ki, bizimlə digər xalqlar arasında insanlara yaxınlaşma çox fərqlidir. Türk tarixinin ən qədim səhifələrində belə əsirlərimizə də insan kimi yanaşmışıq. Bunun örnəyini dünənki Qarabağ uğrunda gedən döyüşlərdə də gördük. Onlar bizim əsirləri acından öldürdüyü zaman, biz onlardan götürdüyümüz əsirlərə gündə üç öynə yemək yedizdirirdik. Bu da bizim millət olaraq özümüzə olan inamımızdan bəhrələnir. Tarix boyu həmişə öz-özümüzə arxalanmışıq, özgəsindən də kömək ummamışıq. Bir sözlə, köndələn çəpərə söykənməmişik, vəssalam.

İşin qəribə tərəfi burasındadır ki, corona deyilən bu xəstəlik yaranandan bəri biz sanki onu vecimizə almadıq və hələ də almırıq. Türkiyədə həkimlər hər Allahın günü deyir ki, masqanızı taxın və sosial məsafəni gözləyin. Ancaq xüsusilə gənclərimiz məsələni qulaqardına verir. Məni heyrətə gətirən məsələ isə Azərbaycanda hər gün bu xəstəliyə 500-dən artıq insanın yoluxmasıdır. Türkiyə kimi 85 milyonluq ölkədə günlük test sayı 40 mindən aşağı düşmür və xəstəliyə tutulanların sayı orta hesabla 1300-ə qədər, cırtdan boydakı Azərbaycanda isə beş yüzdən artıq olur. Deməli, Türkiyədə də, Azərbaycanda da hələ də bu virusun nə böyük bəla olduğunun fərqinə tam mənasıyla varılmayıb. Bəlanın gələndə "gəlirəm" demədiyi də bundan aydın olur.

Hz. Əli (ə) deyib: İki şeyin əldən getmədən dəyərini bilmək çətindir: biri sağlamlıq, digəri də gənclikdir. Allahdan arzum insanlarımızın sağlamlığın dəyərini, qədrini bilməsidir.


Seyfəddin Altaylı,

Ankara, altaylı[email protected]




İmza:

YAZARIN ARXİVİ

2020-01-10 : HAYDUTLAR
2019-02-26 : SALAMLARLA
2018-06-01 : SON ZƏNG
2018-04-28 : YALANÇININ ŞAMI
2018-02-24 : TARİXİ ADDIM
2017-10-21 : NƏ YAZIM?
2017-03-10 : XOCALI-DӘNİZLİ
2017-03-04 : XOCALI-DӘNİZLİ
2016-12-17 : Etimad, kimə???
2016-11-12 : TANRININ DOSTLARI
2016-09-24 : Salam, Dostlar
2016-05-28 : ATA YURDUMUZDA
2016-03-05 : XOCALI HƏFTƏSİ
2015-12-30 : YENİ İL
2015-12-26 : BİZİM DÜNYAMIZ
2015-12-05 : KÜLƏK ƏKƏN...
2015-11-28 : ÜÇ GÖMRÜK
2015-10-31 : SEÇKİLƏRİMİZ
2015-10-17 : KÖÇÜMÜZ
2015-08-29 : ALTAYDAN QAFQAZA
2015-06-20 : KİMDİR QATİL?!
2015-06-06 : LÜKSEMBURQDAN
2015-05-02 : 24 NİSAN
2015-03-14 : 8 MARTIN ARDINDAN
2015-03-07 : XOCALINI ANLAMAQ
2014-12-27 : BODUN
2014-11-29 : XƏZƏRİN MEHİ
2013-10-26 : XƏYALİ
2013-10-05 : ZEHTABİNİ ANDIQ
2013-09-28 : SAĞ OL, BAKI
2013-08-17 : KEÇƏN GÜNLƏR
2013-08-03 : BELƏ DÜNYANIN
2013-03-30 : BAYRAMIN ƏZABI
2013-03-16 : XOCALI HƏFTƏSİ
2013-02-02 : ADIMIZLA BAĞLI
2012-11-21 : VAXT
2012-11-17 : VAXT
2012-09-01 : TİFLİS-BAKI
2012-04-07 : İNGİLİS OYUNU
2012-02-25 : XOCALI DƏRDİ
2011-10-29 : VƏHHABİLİK
2011-10-08 : VƏHHABİLİK
2011-09-17 : ELƏ GÜVƏNMƏK
2011-09-10 : ALTAY BİLİK
2011-08-13 : NƏJDƏT QOÇAQ
2011-06-04 : 28 MAYI ANLAMAQ
2011-05-28 : YALANÇININ ŞAMI
2011-04-16 : SİZ NƏSİNİZ?
2011-04-09 : ANA - OĞUL
2011-03-12 : ONLAR VƏ BİZ
2011-02-26 : XOCALI SOYQIRIMI
2011-02-05 : QURULTAYIMIZ
2011-01-29 : MAŞA SARKİSYAN
2010-10-30 : BAKI QEYDLƏRİ
2010-10-02 : AXTA-MAR
2010-07-10 : 35 QURUŞ
2010-05-15 : ZİDDİYYƏT
2010-04-24 : BAYQUŞLAR
2010-02-27 : TÜRKÜN ANALARI
2010-02-13 : ÇİÇİ
2009-11-27 : TÜRK MİLLƏTİ
2009-10-31 : BAYRAQ
SON XƏBƏRLƏR
2020-08-05


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (87.65%)
Pullsuz (12.35%)

ÇOX OXUNAN
GÜNÜN LƏTİFƏSİ
Vəli Xramçaylı 1-mərtəbədə yeməkxanaya gəlir. Ofisant Anara:

-Ayə qağa, dünən bərk kefliydimmi?

Anar:

- Vəli nətər vurmuşdumsa, elə zornan mənə dirənmişdin ki, "Anar qapını gətir, çıxım gedim".




digər lətifələr
ARXİV
FACEBOOK