ANA SƏHİFƏ / MƏMLƏKƏT

“Azərişıq” ASC-dən abonentlərin incidilməsi ilə bağlı ittihamlara RƏSMİ CAVAB + FOTO

7389    |   2020-03-29 19:39
Şriftin ölçüsü:
A+ Böyütmək
A+ Balacalaşdır

"Azərişıq” ASC-nin əməkdaşlarının ölkədə yaşanan mövcud vəziyyəti nəzərə almadan abonentləri incitdiyi iddia edilir.

Oxu.Azxəbər verir ki, bu barədə vətəndaşlar sosial şəbəkədə paylaşım ediblər.

Fuad Kərimli adlı istifadəçi bu aya qədər "Azərişığ”a borcu olmadığını deyib. Vətəndaş iddia edir ki, qurum əməkdaşları ona və binadakı digər sakinlərə elektrik enerjisinin verilişini dayandırıb:

"#Evdəqal şüarı altında insanlara yaxşı dəstək olurlar. Binəqədi rayonu Sulutəpə-Çiçək qəsəbəsində yaşayıram. Dünən binanın kommendatı zəng vurub dedi ki, qurum əməkdaşları işığını kəsir. Dekabrın 25-dən qolum sınıb, əməliyyat olunmuşam. İşə çıxmıram. Üçaydır evdəyəm. Bu aya qədər borcum olmayıb. Amma bu çətin vəziyyətdə bu cür davranmaqları insafsızlıqdır”.

Haldun Novruzzadə adlı istifadəçi isə iddia edir ki, qurum əməkdaşları "Azərişıq” ASC-nin təlimatı əsasında, abonentlərin mart-aprel ayı üzrə elektrik sərfiyyatına olan borclarının təcili ödənilməsini tələb edirlər:

"Tapşırıq verilib ki, borcu olanabonentlərdən təcili ödəniş alınsın. Kim işıq pulunu vermir, dərhal işığı kəsilsin. Hətta ərazidə işıq pulunu tam yığan işçiyə 600 manat bonus da vəd edilir. Qurum insanlara dəstəkolmaqyerinə, daha da incidir”.

"Azərişıq”ASC-nin mətbuat xidmətinin rəhbəri Tanrıverdi MustafayevOxu.Az-a açıqlamasında yayılan məlumatlara münasibət bildirib. Onun sözlərinə görə, mart-aprel aylarında abonentlərdən ödənişlərin təcili surətdə yığılması ilə bağlı iddialar əsassızdır:

"Sosial şəbəkədə, bəzi kütləvi informasiya vasitələrində bu məsələ ilə bağlı qeyri-dəqiq informasiyalar paylaşılıb. Qurum rəhbərliyi tərəfindən elə bir təlimat verilməyib. "Azərişıq” ASC hər bir istehlakçısını dayanıqlı, keyfiyyətli elektrik enerjisi ilə təmin edir. Bu günlərdə isə biz də bütün qurumlar kimi gücləndirilmiş iş rejimində çalışırıq. Abonentlərin elektrik enerjisinə olan borcları onlayn qaydada həyata keçirilir. Hətta elektrik sərfiyyatına olan borcunu ödəyə bilməyənlərə, sosial durumu yerində olmayanlara şərait yaradırıq. Onlar ödənişləri hissə-hissə köçürə bilir.

Bundan başqa, 65 yaşdan yuxarı şəxslər, evdən çıxmağa şəraiti olmayan abonentlərimizə isə əməkdaşlarımız tərəfindən zəruri yardım göstərilir. Bu ay ödəniş edə bilməyən abonentlərə növbəti ayda ödəmək şansı yaradılır. İstifadə olunmuş enerji haqları onlayn qaydada ödənilir, bu barədə problem yoxdur. Bütün abonentlərimizə də təşəkkür edirik.

Nəzərinizə çatdırım ki, hazırda Nazirlər Kabineti tərəfindən qəbul edilən qərarlara uyğun şəkildə tədbirlər görülür. Bundan sonra da qəbul edilən qaydalara "Azərişıq”ASC tərəfindən operativ qaydada riayət olunacaq”.




İmza:
SON XƏBƏRLƏR
2020-06-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK