nulled forum sanal pezevenk hacklink satın al hacklink al Sit Giriş Hack haber epin scripti warez forum warez script hacklink nulled scripts warez forum xenforo nulled hack forum spyhackerz warez php script Adalet.az | TRİSKAYDEKA FOBİYA - Şahnaz Şahin yazır Adalet.az | TRİSKAYDEKA FOBİYA - Şahnaz Şahin yazır Adalet.az | Ədalət -
ANA SƏHİFƏ / YAZARLAR

TRİSKAYDEKA FOBİYA - Şahnaz Şahin yazır

27600    |   2020-03-11 09:24
Şriftin ölçüsü:
A+ Böyütmək
A+ Balacalaşdır

Esse

Yaşadığımız ölkənin, onun bəlli rayonlarının hər birinin öz adəd-ənənələri, deyim və yozumları, diqqətə alınan ya da alınmayan əlamətlər və inanclar sırası var. Hamımızın bildiyi və ümumi sayıla bilənləri də öz yerində. Qalır bu əlamətlərə inanıb inanmamaq, bu tam fərdi olan bir məsələdir ki, arasında sınanıb yerini bərkidənləri də var, yanından saymazyana keçib kedilənləri də. Eşitməmiş və əhəmiyyət verməmiş olmazsınız, yola çıxanda qarşına kimin çıxdığı, yəni uğuru xeyirli ya xeyirsiz olması, qarşından pişiyin keçməsi, bir fikir irəlisi tək səbirin gəlməsi, demək istədiyin sözü səndən qabaq başqasının söyləməsi, Novruz bayramı və ilaxır çərşənbədə etdiyimiz qulaq, üzük falı və digər inanclar. ...Bəli bunlardan əsrlərcə sınaqdan çıxanı, adət-ənənəyə çevrilənləri az deyil. Bir də var uğurlu, ya da nəhs rəqəmlər..Əlbəttə ulduzlar aləminin göstəricilərinə əsasən hər insanın bir uğurlu rəqəmi, düşərli günü də var. Rəqəmlər içində bəxti gətirməyən təkcə 13-dür və o , nəhs sayılır. Hələ heç kim bunların dərinliyinə baş vurub, yəni nə qədər doğru ya da yalan olduğunu sınamayıb, amma deyiləni təkzib etmək də niyyətimiz olmayıb axı!..

Həftənin birinci günü ağına bozuna baxmadan "ağır gün " sayılır, niyəsini isə bilən yoxdur. Sonralar bir mənbədən oxudum ki, sən demə istirahət günü sonrası olduğundan adamın əli işə yatmaz deyə, iş şəraitinə uyğunlaşmağın bir qədər çətin olacağı baxımından işlənən ifadədi , vəssalam. Amma nə baş verdi görün, adamlar bu günə toy, şadlıq mərasimlərini salmaqdan çəkindilər, hələ iş başında belə "tikan üstə oturan "sayağ oturdular... Sonra buna May ayı da qoşuldu, sevimli, güllü-çiçəkli, günəşli May ayına da "ağır ay” adı qoydular..Yaxşı ki, buna da bir düzgün açıqlama gəldi və yazın möhtəşəm, xoş və şah ayı olan May ayının da başı üzərində gəzən fəlakət buludları dağılmağa başladı! Yoxsa onun da adını qara siyahıya salacaqdılar...

Gələk 13 (on üç) rəqəminin yanına, görək onun nə suçu varmış ki, gözdən, nəzərdən salıblar.. Bu həm də demək olar elə bütün dünyada nəhs hesab olunur, hətta bəzi ölkələrdə evlərin, otel otaqlarının, liftlərin sıralanmasında bu rəqəmdən yan keçirlər. İnternet məkanında onlarca səbəblər toplusu göstərilir, hər biri də demək olar ki, fərziyyədir. Əlbəttə bu əslində numeroloqların işi olduğundan mən də çox dərinliyə enmək istəmirəm, amma on üçü uğurlu hesab edən ölkələr də varmış.. İtaliya və qədim misirlilər bu rəqəmin xoşbəxtlik gətirdiyinə inanırlar...Ah, elə həmişə düşünürdüm ki, yəni bu rəqəmin bir yaxşı keyfiyyəti yoxdurmu, ola bilməz axı, pis varsa mütləq yaxşı da var, lap azacıq da olsa var...

Sən demə 13 də xalis nəhs deyilmiş, ABŞ dollarında 13 rəqəmi əks olunur və bu ilk dəfə birləşən 13 ştatın rəmzi hesab edilir. 13 yəhudilərin də müqəddəs rəqəmidir, Bibliyada isə Allahın 13 vacib keyfiyyətləri sadalanır. Amma inanc öz qüvvəsini yenə saxlamaqdadır. Əsasən 13 cümə gününə düşürsə bir çox əməliyyat və işləri təxirə salan ölkələr və insanlar var..Bəlkə də haqlıdılar, kim bilir...13 rəqəmindən qorxan və onun təsirini hər addımda sınayanlara ad da verilib :Triskaydeka fobiya....

.. Amma mənim qızımın dünyaya gəldiyi 13 Mart qətiyyən uğursuz deyil, bu həm də həftənin dürdüncü-cümə axşamı günüdür. Ailəmizə ilk vusal payı gətirdiyindən adını da VUSAL qoyduq... "İlki duranın mülkü durar”- dedi babalar, ilkimizlə başladığımız yol da uğur gətirdi, 13 rəqəmi də! İndi ta o gün bu gündü ki, hər il baharın ilk ayı olan Martın 13-ü bizim könlümüzdə, evimizdə bayram havası başlayıb çəkir ta Novruzadək...Hə, bax 20 Martda da mənim bayramım başlayır, yəni anasının, atasının Novruz hədiyyəsi olan Şahnaz Şahinin...

Bu yazımla da istədim Novruz Bayramı öncəsi sizin də qəlbinizdən nəhs hissləri silim, həyata, dünyaya daha pozitiv, daha inamla baxasınız, inanasınız ki, istəsək hər günü gülzar edə bilərik... Bahar yenilikdir, Bahar başlanğıcdır, Bahar təbiətdə nə varsa onun möhtəşəm oyanışıdır, və biz insanlar da ana təbiətin bir parçasıyıq! Həm də axı təkcə pəncərə şüşələrini silməklə dünyanı görmək mümkün deyil..

İstədim baharı gətirim sənə

Tökülən yağışdı, ələnən qardı,

Fikirlər, xəyallar ta məni yordu.

Surətin gözümün önündə durdu,

Istədim baharı gətirim sənə..

Bu qış gecəsini yuxusu dərin,

Oyadıb öyrənim min illik sirrin.

Islanıb nurunda gələn səhərin,

Istədim baharı gətirim sənə.

Dağdan dağa atdı küləklər məni,

Tanıdı sevdalı ürəklər məni.

Çağırıb oyatdı mələklər məni,

Istədim baharı gətirim sənə...





İmza:

YAZARIN ARXİVİ

SON XƏBƏRLƏR
2020-04-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (90.48%)
Pullsuz (9.52%)

ÇOX OXUNAN
GÜNÜN LƏTİFƏSİ

-Sonuncu dəfə deyirəm, vətəndaş, damdan düş, gir evə, səninlə burda çənə-boğaz eləməyə vaxtımız yoxdu - polis mayoru həyətdən səs gücləndirici ilə binanın başındakı kişiyə səsləndi - hamımız eyni vəziyyətdəyik, amma dözürük, sən də dözməlisən!

Kişi etiraz etdi:

-Dedim yox! Mən dözmək istəmirəm! Mən bu qədər özümü çeynətməm!
Mayor nişan alıb tapança ilə adamı çiynindən vuraraq dama sərdi...
Kişi gözünü açdı ki, xəstəxanada çarpayıdadı. Mayor da oturub çarpayının yanında.

-Nahaq vurdun məni! - mayora baxıb narazı dilləndi - kişi-kişinin arvad-uşaq yanında sınmasına razı olmasın gərək!

Mayor başını aşağı salıb gileyləndi:

-A kişi bezmişik ey əlinizdən, biriniz dama çıxırsınız, biriniz yuxu dərmanı içirsiniz, hələ o gün biri evində üstünə benzin tökmüşdü ki, "mənə söz deyən olsa, özümü yandıracam". Boğaza yığmısınız ey bizi. Bilmirik asayişi qoruyaq, ya sizinlə uğraşaq. Ə, elə bilirsən bizə asandı? Biz də kişiyik, anlayırıq sizi! Ama day intihara cəhd etmək nədi?! Allah bu koronavirusa lənət eləsin!

Kişi əlini uzadıb mayorun qolundan tutdu - bilirəm qardaş, sizin işiniz lap ağırdı, özü də indiki vəziyyətdə, amma məni də başa düş - kişini qəhər boğdu - əşşi mən arvada dedim köməyə ciddi ehtiyac yaransa, kartof qızardaram, uzağı bozbaş bişirərəm. Day əriştə kəsmək nəymiş! Bu qədər də yox də! Bax, cənab mayişor, mən deyiləm sənsən, arvad desəydi əriştə kəs, kəsərdin? Yox vallah! Dama çıxmaq nədi ey, bəlkə də sən tapança ilə məni vurduğun kimi, arvadı da vurardın!

-A kişi nə kartof qızartması, nə bozbaş, nə əriştə? Orda sənə dedim axı, hamımız eyni vəziyyətdəyik - mayor yerindən qalxdı, gətirdiyi meyvə dolu torbanı çarpayının ayaq tərəfindən götürdü, bayaqdan oturduğu kətilin üstünə qoydu, kövrəlmiş halda sözünə davam etdi - tez sağal, get evinə qardaş, ta bir də dəlilik eləmə! Görünür bu da bir sınaqdı, dözməliyik. Bax, mən dünən gecə, növbədən sonra, evdə yarpaq dolması bişirmişəm, bu günə də düşbərə sifariş ediblər...





digər lətifələr
ARXİV
FACEBOOK