ANA SƏHİFƏ / YAZARLAR

Hanı koronavirus? - Nicat Novruzoğlu yazır

60809    |   2020-03-07 10:00
Şriftin ölçüsü:
A+ Böyütmək
A+ Balacalaşdır

Bu koronavirus bitişik yazılır ayrı yazılır bilmirəm. Tapsam özündən soruşacam ki, ay koronavirus, siz bir-birinizdən ayrısınız ya bitişik. Amma deyəsən bizimkilər qərar verib ki, bitişik olsa yaxşıdı. İkisini bir yerdə məhv edərik.

Koronavirus Çindən "razqon” götürdü. İndi deyilənlərə görə bütün qitələrdə var. Bizdə də tapılıb. Özü də necə?

Deməli, koronavirus hələ Çində efirə çıxan kimi düşdük səlahiyyətlilərin üstünə ki, bəs bizdə koronavirus niyə yoxdu. Bizdə koronavirus mütləq olmalıdı. Ola bilməsin ki, bizdə koronavirus olmasın. Səlahiyyətli rəsmi bəyan elədi ki, yoxdu. Dedik, nə danışırsan, bu boyda gop olar, millətimiz qırılıb batır, sən deyirsən ki, koronavirusumuz yoxdu. Axırı səlahiyyətli gördü ki, biz məsuliyyət- zad qanmırıq çıxıb and içdi ki, vallah-billah bizdə koronavirus yoxdu. Başqa da nəyə deyirsiniz and içim. Başladılar gülməyə ki, səlahiyyətli and içir. Heç səlahiyyətli də and içər?!

Ay camaat, bu səlahiyyətli rəsmi bəyanat verir, inanmırsız, day yazıq neyləsin. Sizi öz dilinizdə inandırmaq istəyir ki, bəlkə inanasınız. Siz də hara inanırsınız. Siz heç özünüz and içdiyinizə özünüz inanmırsınız. Ha ola ki, rəsminin and içməyi ola. Neyləsin, ana-bacı söyüşü söysün?

Səs yazıları, video kadrlar telefonları bəzədi. Maska xətir-hörmətə mindi. Spirt, onsuzda, hörmətli idi. Xaş qazanları qaynadı.

Sonra biri bizdən gəlib keçib getdi. Getdiyi yerdə yoxlayıb onda koronavirus tapdılar. Yenə hay-küy qalxdı. Axı bizdə niyə koronavirus yoxdu? Və belə bir fikir də yaratdılar ki, guya. var amma rəsmilər gizlədir.

Niyə gizlətsinlər ki? Çıxarıb qara bazarda satacaqlar? Ya koronavirus oğurluqdu?

Hər nəysə. Səlahiyyətlilər gördü ki, cammat bunlardan əl çəkən deyil. Bunlara koronavirus lazımdı. Naəlac qalıb axırda dedilər ki, bəs bizdə də bir nəfər koronavirusa yoluxub.

Maskanın qiyməti qalxdı sümüksüz ətin qiymətinə. Onsuz da, maskalıydıq birini də üstündən bağladıq.

Spirti içən day qaytarmadı. Öpüşməyi yığışdırdıq. Niyə? Ayə, bəs qoymayın üstümüzə koronavirus gəlir.

Məktəbləri bağladıq.

Koronavirusa şeir qoşuruq, qəzəl yazırıq, meyxana guppuldadırıq.

Arsızıq.

İndi maska taxırıq, spirt içirik, öpüşmürük.

Ancaq milli tv-lərə baxırıq. Dünyəvi tv-lərdən yoluxma ehtimalı var. Bizim tv-lər maskalıdı.

Bütün bunları edə-edə koronavirusu gözləyirik. O hay-küyün qarşısında gərək ki, hər kəsin yan-yörəsində kimsə yoluxmalı idi. Hələ ki, bir yoluxan görən olmayıb. Amma hamı danışır. Hamı deyir ki, millət qırılır. Bu hansı millətdi anlamıram. Bu qırılanlar kimdi bilinmir.

Gözünüz görməyəni dilinizə gətirib, qələminizə alıb yaymayın.

Əgər səhvəmsə, bəs hanı koronavirus?





İmza:

YAZARIN ARXİVİ

2018-04-20 : İT GÜNÜNDƏ
2018-03-29 : DAY-DAY
2018-02-12 : XANALIQ
2018-01-24 : Vayına oturum
2017-11-01 : QOL-un içi
2017-10-25 : Nətərsən?
2017-10-17 : FAL QƏLƏM
2017-10-06 : TRANSPLANTASIYA
2017-09-16 : İlk zəng
2017-09-14 : MƏN ÖLƏCƏM
2017-09-11 : MƏN ÖLƏCƏM
2017-08-23 : SAHİBSİZLƏR
SON XƏBƏRLƏR
2020-06-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK