ANA SƏHİFƏ / MƏMLƏKƏT

Alimlərin məsləhətindən imtina - Bazardan reportaj

51159    |   2020-02-04 09:44
Şriftin ölçüsü:
A+ Böyütmək
A+ Balacalaşdır

Hazırda yeni bir xəstəlik dünyanı SOS siqnalı çalmağa məcbur edib. Qorxunc xəstəliyin obyekti isə immuniteti zəif olan insanlardı. "Koronovirus” belə insanları az bir zamanda öz təsir dairəsinə salıb məhv edir. Ümumiyyətlə, istər yeni yayılmış "koronavirus” , istərsə də, digər xəstəliklərin yayılması insanların təbii qidalarla qidalanmamasından irəli gəldiyini beynəlxalq tibb aləmi çoxdan təsdiq edib. Eyni zamanda tövsiyyə olunur ki, hər bir insan gündəlik 400 qram (5 porsiya), yəni, həftə ərzində 5-7 kiloqram meyvə və tərəvəz qəbul etməlidir. Bəs, bizim vətəndaşlar, təbii qidaları, xüsusən meyvə və tərəvəzləri vaxtlı-vaxtında rasionlarına əlavə edə bilirlərmi?

Əvvəl vətəndaşlar arasında sorğu keçirmək qərarına gəldik. Sorğumuzun nəticələrindən belə məlum oldu ki, soydaşlarımız alimlərin məsləhətinə nəinki əməl etmir, hətta simalarında acı bir təbəssümdə görünür. Cünki onların bir çoxu günəmuzd işlərdə çalışdıqları üçün aldıqları pulu yalnız gündəlik tələbat mallarına (ət, yağ, düyü, vermeşil, pendir, şəkər tozu, qənd, kartof, soğan, yumurta və s. ) xərclədiklərini, digərləri isə maaşın az olduğunu deyərək, əsas ərzaq, geyim və digər qayğılarını güclə yoluna qoya bildiklərini söylədilər. Yaşlı insanlar isə pensiyalarının ancaq dərmana, iynəyə, həkimlərin tapşırığı olan pəhriz yeməklərinə , o cümlədən balıq, toyuq və digər ərzaq məhsullarına zorla çatdığını kədərlə söylədilər. Fərhad adlı bir vətəndaş isə gülərək, marşrutun-metronun qiyməti 30, yumurtanın 1 ədədinin 15 qəpik, mal ətinin kilosunun 9 manat olduğu gündən meyvəyə "tövbə” dediyini, pul vermədiyini söylədi. "Bəs, immun sisteminizi hansı üsulla gücləndirirsiniz? Xəstəliklərdən necə yaxa qurtarırsınız?”-sualımıza "Vitamin iynəsi meyvədən ucuz başa gəlir”-deyib uzaqlaşdı. Sərfinaz adlı xanım isə bildirdi ki, ötən il bu vaxtlarda da meyvə baha idi:” Ümidimizi yaza-yaya bağladıq. Dedik, inşallah bu fəsillərdə bolluca meyvə dadarıq. İyun ayında alcanın 1 kiloqramı 3 manataydı. Gilas 2.5-5 manat arası dəyişdi, ərik oldu 6 manat, gilənar (vişnə) 2.5, alma 2 yaxud 5 manata satıldı. İndi, ay başına dönüm, de görüm, bu qiymətlə meyvə alıb yemək olarmı, mürəbbə bişirmək mümkündürmü?”



Bəs, bazarda durum necədir?

Maraqlıdır, bazarda meyvələrin qiyməti nə qədərdir ki, əhali onu almağa çətinlik cəkir? Bunu öyrənmək üçün üz tutduq "Kəndimiz” kənd təsərrüfatı məhsullarının satışı bazarına. (Bakı şəhəri, 20 yanvar dairəsinin yaxınlığı) Səhər saatları olduğu üçün (təxminən saat 12 radələri) bazarda elə də çox alıcı gözə dəymirdi. Orada olduğumuz zaman müşahidə etdik ki, piştaxtaya yaxınlaşıb meyvə almaq istəyən alıcılar da qiymətlərdən şikayətlənib, geri çəkilir.


Malların üzərindəki kilo hesabı ilə qiymətlərlə maraqlanırıq: Qaralmış və köhnəlmiş naringilər 1,20, nisbətən təzə və sağlam naringilər 2 manata alıcılara təklif olunur. Kivilər 2, apelsin 2, "siqanka” növ alma 2, "smirinka” 1,30, sarı 1,50, yenə də köhnəlmiş-xarab olmuş cır almalar 70 qəpikdən 1, 20 qəpik arasında dəyişən qiymətə, Göycay narı 2-2,50, armud 1.50-2, heyva 1, (2ədədi), banan 2,30 -2,50 və sair qiymətlərə satılır.


Meyvə-tərəvəz satıcısı Rasim meyvələrin qiymətlərini diqqətlə nəzərdən keçirdiyimizi anlayıb bizə yaxınlaşdı: "Almanın kilosunu 2 manata satırsınız? Bu baha deyilmi?”-sualımıza qəribə məntiqlə cavab verdi:”Bacım, alıcının maaşı 1000-1500 manat olsa, 2 manatlıq alma ona baha görünməz. Sahibkarlar əkib-becərir, biz satırıq. Olan qiyməti budur”.









Adını deməyən qadın-satıcı isə alıcıların çox olduğunu söylədi:”Birdən elə adam gəlir ki, hər meyvədən alır. Hərəsindən 4-5 kilo... Hərdəndə "zəif” alıcılar olur, 2 yaxud 3 növ meyvə alır, yalnız hərəsindən bir kiloqram. Hamı eyni dərəcədə ala bilməz ki...”










Özünü Elbrus kimi təqdim edən quru meyvə satıcısı: məhsullarını xeyli tərifləyəndən, onların sağlamlıq üçün faydalarından danışandan sonra bu bazarın Bakı şəhərində ən ucuz bazar olduğunu iddia etdi. Amma hər çeşiddə, hər növdə olan quru meyvələrin satışının elə də ürək açan olmadığını dilə gətirdi.

Saat artıq 14:00-dı. Alıcıların sayında azacıq artım var. Amma bayaqkı kimi, qiymətlərə baxırlar, endirim olub-olmayacağını soruşurlar və pıştaxtalardan uzaqlaşırlar...

Bir sözlə, müşahidələrimiz onu göstərir ki, beynəlxalq tibb aləminin tövsiyyəsi Azərbaycan vətəndaşları üçün hələlik havadan asılı qalan bir məsələ olacaq.




Hətta Novruz bayramı yaxınlaşanacan qiymətlər bir neçə dəfə qalxacaq. Novruz bayramında isə qiymətlər, necə deyərlər, "ceyran belinə” çıxacaq. Hər il olduğu kimi...


Əntiqə Rəşid

Adalet .az




İmza:

Bu günə olan İşğal tariximizdən: Ağdərə, Çərəkdar, Narınclar, Umudlu...

ETİBARA BAX !

Ağdərənin işğalı - Gəncə qiyamı onu əldə saxlamağa mane oldu...

Astarada toy mərasimi təşkil etmək istəyənlər cərimələnib

COVİD-19-a görə poliklinikanın iş saatı dəyişdiriləcək? - RƏSMİ CAVAB

Faiq QİSMƏTOĞLU: KORONAVİRUSU KİM YAYIR?

BİRCƏ QALDI Kİ, DEYƏ: «QƏLƏT ELƏMİŞƏM»

MƏZUNİYYƏTDƏ OLANI İNSANI İŞDƏN NECƏ ÇIXARMAQ OLAR?

Xəzər Kürdən aldığı suyu “geri qaytarır” - VİDEO

Bakıda tez-tez qəza baş verən yol kəsişməsində təhlükəsizlik tədbirləri görülüb

Pandemiya dövründə ictimai iaşə müəssisələrinə müştəri qəbulu necə tənzimlənəcək? - Normalar müəyyənləşdi

Daha 200 mənzil şəhid ailələri və Qarabağ müharibəsi əlillərinə veriləcək

SON XƏBƏRLƏR
2020-07-07
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK