ANA SƏHİFƏ / ELM VƏ TƏHSİL

Dillər Universitetində Çinin jurnalistlər günü qeyd olunub

18151    |   2019-11-07 14:13
Şriftin ölçüsü:
A+ Böyütmək
A+ Balacalaşdır

Azərbaycan Dillər Universiteti (ADU) nəzdində fəaliyyət göstərən Konfutsi İnstitutunda Çində keçirilən jurnalist gününə və Azərbaycan televiziya və radio işçiləri gününə həsr olunmuş "Bakı və Pekinin media dünyası: nailiyyətlər və perspektivlər" adlı tədbir keçirilib. Açılış nitqi ilə çıxış edən Konfutsi İnstitutunun direktoru Rafiq Abbasov KİV sahəsində Azərbaycan-Çin əlaqələrinin səmərəli inkişaf etdiyini qeyd edərək Azərbaycan xalqının ümummilli lideri Heydər Əliyevin və Azərbaycan Prezidenti İlham Əliyevin Çinə səfərləri zamanı iki ölkə arasında televiziya və radio yayımı sahəsində əməkdaşlığa dair imzalanmış sazişləri xatırladıb.

R.Abbasov, həmçinin xatırladıb ki, Prezident İlham Əliyev Çin Sinxua İnformasiya Agentliyinin nazir statusunda baş redaktoru Hi Pinqin rəhbərlik etdiyi nümayəndə heyəti ilə görüşdə Çin Sinxua İnformasiya Agentliyinin Azərbaycan Dövlət İnformasiya Agentliyi ilə yaxşı əməkdaşlıq etməsindən məmnunluğunu ifadə edərək, turizmin inkişafında xəbər agentliklərinin və mətbuatın böyük rolunun olduğunu da qeyd edib.

Tədbirdə çıxış edən ADU "Virtual jurnalistika” kafedrasının müdiri Nərgiz Qurbanlı zəngin mütərəqqi və şanlı ənənələrə malik olan, əsası böyük maarifçi və naşir Həsən bəy Zərdabi tərəfindən qoyulmuş Azərbaycan milli mətbuatının tarixi və müasir vəziyyəti haqqında danışıb. N. Qurbanlı qeyd edib ki, Azərbaycan milli mətbuatı xalqımızın milli-mənəvi dəyərlərinin qorunub saxlanılmasında, zənginləşməsində, Azərbaycan ədəbi dilinin inkişafında müstəsna xidmətlər göstərib.

Bu gün mətbuat demokratik vətəndaş cəmiyyətinin qurulmasında, iqtisadi və sosial islahatların həyata keçirilməsində, cəmiyyətdə sosial ədalət və şəffaflığın təmin edilməsində, milli şüurun və siyasi mədəniyyətin formalaşmasında mühüm rol oynayır.

Tədbirdə çıxış edən Konfutsi İnstitutunun əməkdaşları KİV sahəsində Azərbaycan-Çin əlaqələrinin inkişafının əsas mərhələlərindən, Çində mətbuatın tarixi, onun hazırkı vəziyyəti və inkişaf perspektivlərindən, Çin jurnalistikasının cəmiyyətdəki rolundan, həmçinin ölkənin aparıcı informasiya agentliklərinin fəaliyyətindən danışıblar.




İmza:
SON XƏBƏRLƏR
2020-05-25
2020-05-24


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK