ANA SƏHİFƏ / İDMAN

«NEFTÇİ» VƏ QURBAN PİRİMOVUN TARI

24325    |   2019-09-17 10:13
Şriftin ölçüsü:
A+ Böyütmək
A+ Balacalaşdır

Qurban Pirimovun Ağdamda iki tarı vardı – birini Rəmiş uşaq olanda ona bağışlamışdı, sonralar da Rəmiş toyda onu kiminsə başına çırpdı. Bu barədə ayrıca bir yazım olduğu üçün yenidən təkrar etmək istəmirəm. Birini də kimə bağışlamışdısa, sonradan satmışdı. Və həmin tar 3-4 min arası qiymətlə əldən-ələ gəzirdi. Yəni tarzənlər fors üçün bu tar üstdə bir-birini qırırdılar.

Ağdamda görkəmli bir muğam müəllimi vardı, Məşədi Nəriman. Hamının da qabiliyyətinə bələd idi. Bir gün Məşədi Nərimana deyirlər:

- Məşədi, eşitdin, Qurban əminin tarını indi də Filankəs müəllim aldı.

Məşədi Nəriman başını bulayıb deyir:

- Ay bala, o tarın bəxti yoxdu ey, hələ Qurban əmidən sonra bir çalan əlinə düşməyib.

İndi «Neftçi», Qurban əminin tarı kimi , hamımız üçün əzizdi. Və Qurban əminin Ağdamdakı tarı kimi «Neftçi» də əldən-ələ gəzir. Və son illər hələ bir «çalan» əlinə düşməyib.

Bordin, sənin də sabahın xeyir olsun!




İmza:
SON XƏBƏRLƏR
2020-05-29


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.23%)
Pullsuz (10.77%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK