Film izle hacklink kiralık bahis sitesi satılık bahis sitesi Adalet.az | 26 il əsirlikdə - Qubadlı ilə monoloq Adalet.az | 26 il əsirlikdə - Qubadlı ilə monoloq Adalet.az | Ədalət -
ANA SƏHİFƏ / YAZARLAR

26 il əsirlikdə - Qubadlı ilə monoloq

Orxan Aslan

3709    |   2019-09-03 09:09
Şriftin ölçüsü:
A+ Böyütmək
A+ Balacalaşdır

Həsrətinin nə az, nə çox düz 26 yaşı tamam olur. Adın gələndə doğma el-obam dediyim yeri hər dəfə işğal günü ilə xatırlamaq necə hissdir, bilirsənmi? Ürək sızıltısı ilə gedib ön cəbhədə sipər şəklində qoyulan tikanları keçə bilməmək, hər kəs öz rayonundan danışanda başını aşağı salmaq, sənin həsrətinə bəstələnmiş muğamları dinləyib ağlamaq, Arazın o tayından dağlara baxmaq və daha nələr, nələr... Bəlkə də dünyada ən çox danışmaq, dərdləşmək istədiyim Sənsən. Bilirsən niyə? Çünki hamı səndən imtina etdiyimi düşünür. "Torpağı qoyub, niyə gəlirdin?", "Elə vətəni qoruyan idinsə, niyə qoyub, qaçdın?", "Sən niyə uğruna şəhid olmadın?" bunlardan da betər ifadələr eşidirəm. Əhd etmişəm, ayağımı o torpaqlara basdığım an səninlə ilk söhbətimiz belə olacaq. Hər dəfə mən danışırdım, Sən susurdun. Bu dəfə mən tək danışmayacam, sənin yerinə özümdən cümlələr uydurmayacağam. Sən də danışacaqsan. Susmayacaqsan...

- Salam, doğma torpağım - Qubadlım.
- Necəsən?
- Səni əsirlikdə olan bir doğmama bənzətmişəm.
- Hər dəfə uçub dağılan evləri görəndə sənə verilən işgəncələrin necə dəhşətli olduğunu təsəvvür etmişəm.
- Uçuq-sökük evlərin qol-qanadının qırıq olduğunu göstərsə də, uca dağların, qayaların var olduğunu, ayaq üstündə mərd dayandığını əks etdirir.
- Bilirəm, bizlərin sənə ehtiyacı olduğu kimi, sənin də susuzluqdan dodaqları kilidlənmiş biri kimi bizə ehtiyacın var. Çünki biz sənin torpağında doğulmuşuq. Sənin çayından su içmişik. Gözəlliyinə heyran qaldığımız meşələrindən təmiz hava udmuşuq. Daha nələr, nələr saymaqla bitməz...
- 26 ildir, həsrətinlə bərabər torpağında əsl igid kimi böyüyən ərənlərin də dillər əzbəri olub. Əliyar Əliyev, Həsən Qorxmaz və digərləri. Şəninə nə qədər tərif deyilsə də, bunları sən eşitmirsən...
- Bax yenə də, mən danışıram, sən susursan. 26 ildir, susduğun kimi...
- Ən pisi bilirsən nədir? Şəkillərinə baxıb, səni orda o vaxt qoyub gəldiyimiz kimi təsəvvür etməkdir. Müxtəlif saytlardan yeni dağılmış vəziyyətdə görüntülərini görürəm, amma heç vaxt demirəm ki, ora Qubadlıdır. Sən hələ də bizim o illərdə qoyduğumuz, uşaqlığımızın, arzularımızın, neçə-neçə xəyalların reallaşacağı torpaqsan. Sənin haqqında danışanda həmişə dilim topuq vurur. Bir tərəfi yaralı olan əsgər kimi danışıram. Amma danışmaqdan nə yorulur, nə də bezirəm. Ancaq adamı bitirən, yox edən həsrətdir, həsrət...
- Yəqin bilirsən də 2016-ci ildə düz burnunun dibinə kimi gəldik, amma qovuşmağa yenə qoymadılar. Ürəyim göynədi.
- Sən orda bəlkə də bizi haraylayırsan, biz də burda səni. Ancaq hər ikimiz də lal, kar oturub gözləyirik.
- Ehh nə danışsam da, desəm də yenə bircə cavab vermirsən. Lal uşağı olan valideyn övladının dil açıb danışacağını gözlədiyi kimi mənə də bir gün cavab verəcəyin ümidi ilə yaşayıram…
- Sənə buralar barədə danışsam, inan hər şey gözəldir, amma nə fayda sən olmadıqdan sonra... Neynirəm o sarayı, varı, dövləti...
- Həqiqətən, özüm-özümə deyirəm ki, bu dünya çox qəribədir. Öz ata-baba yurdunda doğulasan, böyüyəsən ancaq oranın həsrətilə yaşayıb bu 400 km-lik yola gedib çata bilməyəsən. Çox arzularla, "kaş"larla yaşamışıq, kaş bu yol Qubalıya gedəydi, kaş bu qatar Qubadlıdan keçəydi, kaş, kaş, kaş... Hələ də hamısı "kaş"lar olaraq qalır.
- Sənsizlik bilirsən nədir?
- Bu illər ərzində danışmağımız, ancaq sənin isə susmağındır... Varlığın var, ancaq özün yoxsan…


İmza:panorama.az

YAZARIN ARXİVİ

2019-09-10 : CHP birinci oldu
2019-09-10 : ELTON QULİYEV :
2019-09-10 : Ağdamda son azan
2019-09-03 : ŞƏRHSİZ...
2019-09-02 : AKİF RÜSTƏMOV:
SON XƏBƏRLƏR
2019-09-17


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (50%)
"Sevilya" (50%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK