ANA SƏHİFƏ / SAĞLAMLIQ

AZƏRBAYCAN SƏHİYYƏSİNDƏ RÜŞVƏT?!

5472    |   2019-06-11 09:21
Şriftin ölçüsü:
A+ Böyütmək
A+ Balacalaşdır

Ola bilməz! «Kanal 8» internet televiziyasının müxbiri Teymur Kərimov Səhiyyə Nazirliyinin qabağında bir etiraz aksiyası keçirmişdi. Səbəb də xəstə anasına dövlət xəstəxanasında müalicəsi üçün rüşvət istənməsi və pul xərcləməsi. Anası rəhmətə getdi, yeri behişt olsun. Qələm dostumuza dərin hüznlə başsağlığı veririk.

Və məlum oldu ki, Səhiyyə Nazirliyi jurnalisti nazirliyə şər və böhtan atdığına görə məhkəməyə verib. Deyəsən, hazırlıq iclası da olub. Tuta da bilərlər, tutmaya da.

Doğrudan da Azərbaycanda dövlət xəstəxanalarında rüşvət? Ola bilməz, mümkün deyil! Xəstəni elə çatdıran kimi həkimlər alırlar qucaqlarına, aparırlar palataya, dərhal bütün analizlər götürülür, əməliyyat olunmalıdırsa dərhal əməliyyat stoluna, sağ ayağı yerinə sol ayağı kəsmirlər, tibb bacıları, xadimələr hamısı xəstənin qulluğunda. Gündə 3 dəfə yüksək kalorili yemək , nəvaziş. Xəstə sağalandan sonra hətta xəstəxanadan çıxmaq istəmir.

Dəliməmmədlidəki qaloş pirinə and olsun ki, Azərbaycanda səhiyyə pulsuzdu.




İmza:
SON XƏBƏRLƏR
2020-07-07
2020-07-06


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK