ANA SƏHİFƏ / GÜNDƏM

Əvəz Şükürov: Mənim kimdə hayıfım qalıb?!

7739    |   2019-05-15 17:52
Şriftin ölçüsü:
A+ Böyütmək
A+ Balacalaşdır

Bu üzüntü, təəssüf bildirən "heyif" kəlməsi deyil. Biz tərəflərdə Kəlbəcərdə, Qarabağda "hayıf" söz intiqam mənasında işlənir.

Köçkünlükdən sonra Gəncədə yaşayan kəlbəcərlilərin çoxunun yadında olar. O zaman icra başçısı vəzifəsində çalışan Əvəz Şükürovun keçirdiyi bir iclasın gedişi zamnı mən də oraya getdim. Əvəz kişi görən kimi:

- Sən bura gəl, mənim yanımda otur, - dedi.

Yəni məni "rəyasət heyəti" dediyiniz yerə dəvət etdi. İclasın bir məqamında kimsə:

- İndi biz qaçqınıq, Şükürov. Kimdənsə hayıf çıxmaq vaxtı deyil, - dedi.

Əvəz kişi ayağa qalxdı:

- Bax! Bütün kəlbəcərlilər buradadır. Elə bir kənd-kəsək yoxdur ki, onun heç olmasa bir sakini bu iclasda iştirak eləməsin. Hamınız bilirsiniz, mənim kimdə hayıfım qalıb ki, onu bu qaçqınlıqda-köçkünlükdə çıxım? Heç o namərlərdə, nakişilərdə də hayıfım qalmayıb.

Erməniləri deyirdi. Oğlunu, Şahları namərdcəsinə, nakişiliklə qeyri-bərabər döyüşdə qətl edən erməniləri. Bəziləri kimi mən də bilirdim - Əvəz kimi bu hayıfı sözlə yox, qanla çıxmışdı. Mənim bildiyim 12 namərdin qanıyla. Bəs edərdimi? Yox!


O 12 erməni heç Azərbaycanın Milli Qəhrəmanı Şahların ayağının tozuna bərabər deyildi. Nə 1-si, nə 120-si, nə 1.200-ü… Əvəz kişi bununla özünə təskinlik verməyə çalışırdı. Amma mən onu heç vaxt rahatlıq tapan görmədim.

O, icra başçısı olarkən Murov əməliyyatı gedirdi. Döyüşlər ara vermirdi. Xeyli ərazini erməni işğalçılarından təmizləmişdik. Qələbə beş-on addımlıqda idi. O günlərdə Əvəz kişinin döyüşçülərə dediyi sözlər sosial şəbəkələrdə hələ də paylaşılır:

- Ə, adamsız, ə, kişiliyiniz olsun?

Yəni "qorxmayın, az qalıb, Kəlbəcərə çataçatdayıq" demək istəyirdi. İndi o intiqam almaq, hayıf çıxmaq fürsətində olan bir ata deyil, qələbə uğrunda çarpışan rəhbər, komandir idi. İndi torpaq uğrunda, yurd uğrunda, Vətən uğrunda savaşırdı. Qələbə istəyirdi, Böyük Qələbə!

O Qələbədə Şahların da payı vardı. Sərdarın da, Rüfətin də, o biri gənclərimizin, fidanlarımızın, igid oğullarımızın da. Vallah, bizi satdılar, xəyanət elədilər, yoxsa Kəlbəcəri işğal edə bilməzdilər. Məgər o alçaq, əcayib çıxış yadınızda deyilmi? O zamanın mətbuat rəhbəri televiziya ekranından belə bir bəyanat səsləndirdi:

- Kəlbəcərin verilməsi (???!!!) indiki (?!) iqtidarın siyasi (?!) addımıdır.

Bax, belə! Bu qədər! Yoxsa Şahlar kimi oğulları olan, Rüfəti, Sərdarı, Spartak Kamili… olan bir el-oba erməniyə yol verərdimi? Sən onların siyasi (?!) addımına bax. O torpaq uğrunda qanından keçən igidlərin canını hecə saydılar. İndi isə millətə nağıl danışırlar. Onların bu "siyasi addımı" ucbatından ermənilər bu günlərdə Kəlbəcərdə "kətə bayramı" keçirir. Zavod tikir, yurdu talan eləyir. Biz isə…

Qələbəni düşünürük. Böyük Qələbəni. Bu yurdun sinəsindən qopan bir hayqırtı eşitmək, ona qatılmaq ümidi ilə yaşayırıq. Kəlbəcərin ortasında dizimizi yerə qoyub, o torpağı öpmək istəyirik. Bax, onda deyirik ki…

- Əvəz kişi, bax indi heç kimdə hayıfımız qalmadı. Biz də buradayıq, siz də, Şahlar da, şəhid olmuş başqa övladlarımız da. Bu torpaq bizimdir! Bura Kəlbəcərdir! Şahların böyüyüb, boya-başa çatdığı Kəlbəcər! Dədə Şəmşirin, Bəhməni, Ənvərin, Sücaətin, Qənbərin, Mehdixanın, Yusifin, Xəqaninin… yurdu Kəlbəcər!

Bax, o zaman sizin də, Şahların da ruhu şad olar!

Yalnız o zaman!!!

Hidayət Elvüsal




İmza:

OPEC nazirlərinin hər iki görüşü bir gündə keçiriləcək

Bu gün deputatlar növbədənkənar iclasda 4 məsələni müzakirə edəcəklər

Bu muzey və sərgi zalları saat 14:00-dan fəaliyyətini dayandırır

Həftəsonu yollarda şəxsi avtomobilindən istifadə edənlər cərimə və yaxud həbs oluna bilər

Mətbuat Şurası həftəsonu məhdudiyyətlərlə bağlı jurnalistlərə müraciət etdi

Bu ərazilərdə sərt karantin rejimi tətbiq olunacaq

Bu gün qısa iş günü olacaq

DSX: Keşikçidağda təxribat xarakterli hər hansı hadisə qeydə alınmayıb

Bakı metrosu həftə sonu işləməyəcək

"ƏDALƏT" QƏZETİNİN OXUCULARININ NƏZƏRİNƏ!

Ramin Bayramlı: Hazırda pandemiyanın başlanğıc mərhələsindəyik

Azərbaycanda koronavirusa daha 262 nəfər yoluxub, 72 nəfər sağalıb, 2 nəfər ölüb

SON XƏBƏRLƏR
2020-06-05
2020-06-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK