ANA SƏHİFƏ / ƏDƏBİYYAT

Qəşəm İsabəyli: Adamın yuxusuna hörməti yoxdu Bakının

15872    |   2019-05-10 14:57
Şriftin ölçüsü:
A+ Böyütmək
A+ Balacalaşdır

Quşların da boynu çiynində,

Büzüşüb, balacalaşıb,

Dəni,

Çəyirtkəni

Unutduğu vaxtda,

Yerimin içinə qor dolur birdən–

Qaraçı köçü kimi

Cır-cındırla basıb girir yuxuma

Zibil maşınları!

Allah saxlamış zibilyığanların da,

Sözü-söhbəti – zibil kimi.

Kəlməbaşı da

Əsəbə işləyən cır armud –

Ala-kal hırıltı.

Birdən qulaqlarım

Dünyanın ən xırda sevincinə şərik olur:

–Qələm tapmışam eeeyyy... – qət təzə...

Oğluma aparacam!

Yazıq uşaq gözüyaşlı getdi məktəbə.

"Ağlama, bala, məvacibimi alanda,

Vallah, iki qələmi birdən alacam!”

"Bilmirsən ey, ay ata,

Gözümü deşir müəllimin baxışları!”

Allahın rəhmi varmış üstümüzdə,

Hələ ki, uşaqlarımızın dili var gəlib–

"Ata” deyir bizə.

Ürəyim uyar-uymaz,

Yuxarı mərtəbədən

Kefimizə soğan doğramağa başlayır

Bir məmurun özü kimi harın iti.

Bu yandan da –

"Avtoş”a qaragözlük gələn

Yol polisinin üzgörənlik fiti.

Havalanıram birdən –

Hirsimi tökməyə adam gəzirəm:

–Eheyyy... qaçqınlar!

Nə tez çıxdı kənd-kəsək yadınızdan?!

Gələndə milyon gəlmişdiniz,

İndi beş-on min də

Arta bilmirsiniz azından?! –

Bəs deyilmi ki,

30 milyonluq şəhərin

Qəbirləri düşüb qalıb

30 illik həyatınızdan?!

Bəs deyilmi ki,

Düşmən tapdağındakı

Torpaqlarınızı

Fikrinizdən perik salan

Qaz sayğacları,

İşıq sayğacları,

Su sayğacları

Çökəndə boğazınıza qışda?!

Nə görmüsünüz Bakıda,

Uşaqlarımızın canından iraq,

Bu, dağılmamışda?!



İmza:
SON XƏBƏRLƏR
2020-06-05
2020-06-04


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (89.39%)
Pullsuz (10.61%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK