ANA SƏHİFƏ / YAZARLAR

BİR SƏSƏ QOŞULUB GƏLDİM

Bəsti xanım Sevdiyevanın doğum gününə

64902    |   2013-04-27 00:48
Şriftin ölçüsü:
A+ Böyütmək
A+ Balacalaşdır

Bu yazını beş il bundan öncə yazmışam. Daha dəqiq desəm, 2008-ci il aprel ayının19-da. Yazı "...Uzaqdan, lap uzaqlardan həzin bir səs ruhumu oxşayır və mənə elə gəlir ki, bu həzin səs sehrli bir gücə malikdir" cümləsi ilə başlayırdı. İndi aradan keçən beş il ərzində mən o səsin sahibi ilə bir az da doğmalaşdım, o səsə bir az da artıq könül verdim və bir də gördüm ki, mən bu yerdən, bu torpaqdan qopub ayrılmışam... O səs məni özünə elə hopdurub, öz aurasına elə daxil edib ki, ondan kənarda qala bilmirəm...

İnana bilməyəcəksiniz... Heç sizi inanmağa da məcbur etmək fikrində deyiləm. Amma dünyada, həyatda elə şeylər var ki, ona mütləq inanmaq lazımdır. Çünki həmin o qeyri-adi, gözlənilməz, gözə görünməz olan varlıqmı deyim, möcüzəmi deyim, sirmi deyim, hər nədisə bilmirəm, o, insana Allahın hökmü, Allahın iradəsi ilə özünü göstərir və məcbur edir ki, həmin hökmlə, həmin iradə ilə özünü unudasan, özündən çıxıb gedəsən, bu dünyanın adamı olmayasan, bu dünyaya qayıtmaq istəməyəsən. Çünki sənin rahatlığın, sənin dincliyin, sənin xoşbəxtliyin, lap elə sənin özün o getdiyin yerdə, o olduğun yerdə hamıdan xoşbəxtsən, hamıdan rahatsan, hamıdan yüksəksən. Məgər dünyada bundan gözəl, bundan qiymətli, bundan zəruri başqa nə isə varmı? Axı biz hamımız ömür boyu hər şeyin yaxşısına, hər şeyin gözəlinə doğru can atırıq... ən rahat yeri axtarırıq... ən sakit guşəyə üz tuturuq və çalışırıq ki, hər şeyin yaxşısı, hər şeyin gözəli bizim olsun. Bunu da bizə Allah verir!! Sadəcə, bunu görəndə, bunu duyanda, dərk edəndə, özünü buna həsr edəndə sən istəyinə çatırsan... sən yerdən qopub ayrılırsan...

Bütün bu yazdıqlarım heç də gözəl, bəlağətli sözlər deyil. Bütün bunlar mənim yaşadıqlarımdı, mənim duyduqlarımdı. Bütün bunlar həm də məni öz qoynuna alıb həmin o rahatlığa, o ucalığa qovuşduran qeyri-adiliyin təsdiqidi, ifadəsidi...

Çoxları kimi mən də musiqinin dəlisiyəm. Doğrudu, heç bir musiqi alətində ifa etmək qabiliyyətim yoxdu. Səmimi etiraf edim ki, bunu bacarmıram. Ancaq ailəmdə, çevrəmdə musiqini bilən, musiqi ilə məşğul olan kifayət qədər insanlar olub, indi də var. Digər tərəfdən doğulduğum torpaq məni musiqiyə bir az da yaxın edib. Bu yaxınlığı, həsrətini çəkdiyim yurd-yuvam, gecə-gündüz yuxumdan çıxmayan Qarabağ acısı artırıbdı.

Ən çox darıxanda və bir də içimdə ağlamaq istəyəndə bir kənara çəkilirəm, musiqi dinləyirəm. Mənim ifasını əvvəldən axıra kimi dinlədiyim barmaqsayı musiqiçilərimiz var. Dünya başıma dar gələndə, torpaq ayağımın altından qaçanda, dərd belimi bükəndə Qədiri dinləyirəm... İslamı dinləyirəm... Dədə Süleymanı dinləyirəm... Akif İslamzadəyə qulaq asıram... Rübabəyə, Şövkət xanıma pənah aparıram... Floranın səsinə söykənirəm və bir də onu dinləyirəm. İnanın, onu dinlədikcə içimdəki köz alovlanır... onu dinlədikcə qolumun, dizimin taqəti artır... onu dinlədikcə ruhum təzələnir... onu dinlədikcə sanki əlini uzadıb məni dərdin, ağrının içindən çəkib bir kənara qoyur... onu dinlədikcə ümidim artır... onu dinlədikcə Qarabağa bir az da yaxınlaşıram, həsrətimə bir az da ürəklə, cəsarətlə meydan oxuyuram.

Çox qəribə səsi var. O səsi ilk dəfə dinləyənlər ifaçını tanımaqda mütləq çətinlik çəkəcəklər. Bu hissi mən yaşamışam, bu məqam mənim üçün doğmadı. Çünki ilk dəfə mən onu dinləyəndə o, rəhmətlik İslam Rzayevin ansamblı ilə televiziyaya gəlmişdi. Səsi eşidib televizor olan otağa keçdim və gördüm ki, mənim təsəvvür etdiyim ifaçı deyil. Oxuyan gözəl-göyçək, xanım-xatın bir azəri qızıdı. Amma səs Ərəbzəngi səsidi... amma səs o qədər qaltanlıdı ki, onun məlahəti dinləyicini çaş-baş salır. Özümdən asılı olmadan mən bu ifaçını səhnəmizdə Ərəbzəngi rolunda təsəvvür etdim və gördüm ki, həmin o rolun ən yaxşı ifaçılarından biri olacaq bir səviyyədədir bu səsin sahibi.

Elə həmin gündən yaddaşıma yazıldı... elə həmin gündən ürəyimin qapısından içəri keçdi - bu səs də, onun sahibi də. Arayıb-axtarıb təzə-təzə meydana çıxan audio maqnitafonlar üçün olan kasetlərdə onun səsini əldə etdim. Bir könül dostum da, bir səs dostum da artdı. Sonra həyat elə gətirdi ki, sənətimlə bağlı onunla görüşdüm. O səsin sahibi ilə üzbəüz oturub həmsöhbət oldum. Yenə açığını deyəcəm. Mən onunla həyatdan, musiqidən, təhsildən, səhnədən söhbət edəndə bir az da çaşdım. Çünki bu xanımın yanaşmaları tamam fərqli idi. O, hər şeyə öz nəzər nöqtəsindən diqqət yetirirdi... o hər şeyi gördüyü kimi, qəbul etdiyi kimi təqdim edir və onu həmsöhbətinə rahatca çatdırırdı. İkinci suala, əlavə sorğuya yer qalmırdı. Bax onda inana bilmədim ki, bu cür ifaçı səsinin sahibinin bu qədər həlim və bir az da adi həmsöhbət səsi var. Deməli, Tanrı ona xanəndə səsi ilə, ifaçı səsi ilə yanaşı, həm də bir qadın, bir ana, bir müəllim səsini də bağışlayıb. O da dinləyicisi üçün, tamaşaçısı üçün birinci səsin gözəlliklərindən istifadə edir, ailəsində, çevrəsində, görüşdüyü adamların, tələbələrinin yanında isə ikinci səslə.

Doğrudan da maraqlıdı və maraqlı olduğu qədər də qeyri-adi imkandı. Demək, hamının dinləyəcəyi səsi qorumağın üslubunu, qaydasını da Allah ona bəxş edib. Bu xanım xanəndəmizin özünəməxsus səsi ona görə də hər gün cilalanır, hər gün gözəlləşir və hər dəfə də dinləyəndə o cilalanmış, o gözəlləşən səs adamı yerdən qoparıb aparır. O yerə aparır ki, orda o səsi dinləyirlər... orda o səsi gözləyirlər. Dünyada bundan gözəl nə isə ola bilər: - Səsin dinlənilir! Səsin gözlənilir!!!

Hə, barəsində danışdığım, daha doğrusu, ürəyimdə olanları kağıza köçürdüyüm bu xanım xanəndəmiz mənim səsinə baş əydiyim Respublikanın Əməkdar Artisti Bəsti Sevdiyar qızı Sevdiyevadır. O, Azərbaycan Dövlət İncəsənət Universitetində çalışır. Baş müəllimdir. Kifayət qədər pedaqoji təcrübəsi və gözəl tələbələri var. Üstəlik, Bəsti xanım həm də Azərbaycan musiqisinin, Azərbaycan muğamlarının nəsillərdən nəsillərə keçməsində, yaşamasında kifayət qədər xidmətləri olan sənətkarlarımızdan biridir. Hər dəfə onunla həmsöhbət olanda özündən daha çox muğamlarımızdan, musiqilərimizdən, tələbələrindən danışır. Bu gün orduda xidmət edən tələbələrinin adını xüsusi bir sevgi ilə, hörmətlə çəkir. Onlar üçün keçirdiyi narahatlığı dərhal səsindən tutmaq, duymaq olur.

Barəsində yazmaq fikrinə düşəndə müxtəlif bilgilərə, yəni elektron və yazılı KİV- lərə üz tutdum və öyrəndim ki, Bəsti xanım Azərbaycan musiqisini ölkəmizin hüdudlarından kənarda da çox böyük məharətlə, ustalıqla təbliğ edir. Onun təkcə ötən il Türkiyədə, Kıprısda verdiyi möhtəşəm konsertlər, eləcə də bu il aprelin ilk günlərində Muğam Mərkəzindəki solo konserti böyük tamaşaçı auditoriyası ilə, onların alqışları ilə yadda qalıb. Çünki muğamsevərlər belə bir ifanı, belə bir konserti səbirsizliklə gözləyirlər. Bəsti xanımın həmin solo ifası da milli musiqimizin azarkeşləri, pərəstişkarları, xiridarları üçün əsl töhfə olub.

Yaxın günlərin söhbətidi. Qəzetlərin birində çap olunmuş bir müsahibə diqqətimi çəkdi. Həmin yazıda mənim üçün maraq doğuran bir neçə məqam var idi. Ona görə də tənbəllik etmədən respublika radiosuna telefon açdım. Bir faktı dəqiqləşdirmək istədiyimi bildirdim. Sağ olsunlar, sualıma məmnuniyyətlə cavab verdilər və mən bildiyim, ancaq şübhəli qaldığım faktın təsdiqini onların dilindən aldım. Öyrəndim ki, Bəsti xanım Sevdiyeva böyük sənətə "Rast"la gəlib. O, ömrünün gənclik çağlarında oxuduğu bu "Rast" muğamı ilə kişi sənətkarlarımızı, xüsusilə Əlibaba Məmmədovu, İslam Rzayevi, Arif Babayevi, Süleyman Abdullayevi və digərlərini heyrətləndirib. Çünki mərhum sənətkarımız Həqiqət Rzayevadan sonra "Rast"ı oxuyan ilk qadın müğənni məhz Bəsti xanım idi. Bu da maraqlıdı ki, həmişə səsinin həsrətini çəkdiyim, yanğısı ilə yanğımı artıran mərhum Rübabə xanımdan sonra da "Humayun" muğamını da Bəsti xanım ifa edib. Onun hər iki ifası radionun "Qızıl Fond"unda ayı, günü, saatı göstərilməklə bu gün də saxlanılır. Təəssüf ki, bəzən kimlərsə gerçəyi ya görmür, ya görmək istəmir, ya da sadəcə yanından ötüb keçir. Amma bu halın heç biri tarixə düzəliş edə bilmir. Çünki tarix bir dəfə yazılır.

Mən Bəsti xanımı operamızın səhnəsində də izləmişəm. Onun böyük Üzeyirin "Leyli və Məcnun"unda Məcnunun anası rolunu necə məharətlə ifa etdiyini, necə alqışlandığını da görmüşəm. İndi xatırladığım bu adda-budda məqamlar Bəsti xanımın həyatında, musiqidə, və bütövlükdə sənətdə keçən ömürünün çox qısa bir görüntüsüdü. Böyük anlamda bu gözəl ifaçımız musiqi yarışmalarında da münsiflik edib. Təkcə bu ilin aprelin ilk on günündə respublika universitetləri arasında Mədəniyyət və Turizm Nazirliyinin keçirdiyi müsabiqəni xatırlamaq bir pedaqoq kimi Bəsti xanımın gördüyü işlərin böyük əhatəsini də bir növ diqqətə çatdıra bilər.

Gözəl bir ailənin xanımı olan, gözəl övladları ilə öyünən və müəllim-pedaqoq fəaliyyətinə böyük önəm verən Bəsti xanım bu maddi dünyada heç vaxt maddilik səviyyəsinə enməyib. Mən onu tanıdığım illər ərzində bir dəfə də olsun bu xanımın kiminləsə maddiyyat barəsində söhbət etdiyini, maddiyyatı xatırlatdığını nə hiss etmişəm, nə də eşitmişəm. Bunu də təbii qəbul etmişəm. Çünki böyük Yaradan onu hamıdan fərqləndirib, onu hamıdan seçib və bu cür qeyri-adi bir səsi ona bağışlayıb, bu cür istedadı ona verib, bu cür ailəyə sahib olub, bu cür dinləyici, tamaşaçı auditoriyası var. Milli - mənəvi dəyərlərə hörmət və bağlılıq onun canındaır. Ən vacibi isə o, xanım sənətçi, xanım xanəndə kimi səsini, ifasını gözləyən dinləyici sevgisini qazanıb. Bu, hər adama nəsib olmur. İstəyir fərmanla xalq artisti ol, istəyir göstərişlə ən böyük titulun sahibi. Bu fərmanlar, bu titullar sevgi demək deyil, dinləyici, tamaşaçı demək deyil. Onu fərmansız, ancaq ifa və sənətlə qazanmaq mümkündür. Bunu da Bəsti xanım qazanıb.

Yazın bu cağında sənətini və səsini çox sevdiyim, Bəsti xanım haqqında qələmə aldığım bu yazını ona ithaf etdiyim bir şeirlə başa çatdırıram. Düşünürəm ki, söz adamının sənət adamına bu hədiyyəsi yəqin ki, anlayışla qarşılanar.

İçimdən keçib getdi

Dönmədi, geri o səs!

Yandırdı asimanı-

Titrətdi yeri o səs...

Ərzi nura boyadı

Unutdurdu soyadı...

Dupdurudu, sayadı-

Diridi, diri, o səs...

Yurd deyib inlədiyi

Ruhumda çinlədiyi...

Allahın dinlədiyi-

Səslərdən biri, o səs!

Əbülfət MƏDƏTOĞLU

[email protected]



İmza:

YAZARIN ARXİVİ

2018-02-01 : "O SÖZƏCƏN..."
2017-12-15 : İLĞIM
2017-11-27 : «QABİL»
2017-11-24 : VAXT GÜNAHKARI
2017-09-27 : "BAYILDAN BAYIRA"
2017-08-29 : KİŞİ TİTULU
2017-08-11 : OVQAT YARADAN…
2017-07-29 : İSTƏK...
2017-07-28 : SÖZ HEYKƏLİ
2017-07-25 : BU DA 27–di!
2017-07-14 : "QALIN" ADAMLAR
2017-06-09 : GÜNAHIM NƏDİ?
2017-06-06 : "SNAYPER QIZ"
2017-05-26 : HAVADAKI ADAM
2017-05-05 : BAKI KÖÇKÜNÜ
2017-03-31 : SOY… QIRIM…
2017-03-01 : MÜŞFİQ TUFANI
2017-02-14 : "YADA DÜŞDÜ"
2017-02-10 : ÖMÜR QIRIQLARI
2017-02-03 : YAŞ HƏDDİ
2017-01-27 : NEKROLOQ
2017-01-19 : BİTMƏYƏN AĞRI
2017-01-06 : SON XƏBƏRDARLIQ
2016-12-16 : ALLAHIN İŞİ
2016-09-09 : BİR HECALI SÖZ
2016-08-13 : MƏKTUB
2016-08-12 : HAVA
2016-08-12 : MƏKTUB…
2016-07-01 : CƏNAB NAZİR
2016-06-17 : ÜMİD KƏNDİRİ
2016-04-29 : NİŞANÇI
2016-04-09 : ŞUŞANIN YOLU...
2016-04-08 : ŞUŞANIN YOLU...
2016-03-11 : MART OVQATI
2015-12-19 : MÜQƏDDƏS AMAL
2015-12-12 : YANIQ SƏS
2015-11-13 : ÜZ SUYU
2015-11-13 : Tofiq Abdinlə
2015-10-31 : SEÇİM ANI…
2015-09-12 : İNSANLIQ
2015-08-27 : YADDAŞ YAZISI
2015-08-19 : "AZƏRBAYCAN"
2015-07-10 : İLĞIM
2015-06-18 : DOST GEDİB…
2015-06-17 : "SAAT SƏSİ"
2015-05-06 : "AZƏRBAYCAN"
2015-04-22 : "YADA DÜŞDÜ"
2015-03-18 : "ADİ QƏŞƏM"
2015-02-28 : HAVALANMIŞ ADAM
2015-02-14 : SENSASİYA
2015-02-12 : BACI DOST OLARSA
2015-02-07 : YARPIZ SÖHBƏTİ
2015-01-16 : YAŞAYAN RUH
2015-01-10 : XAŞ + XAŞ
2015-01-09 : "QƏLƏM SƏSİ"
2014-12-27 : SAXTA BABA
2014-12-26 : SAXTA BABA
2014-12-20 : ŞUNURLU ADAMLAR
2014-12-16 : ELNURUN KİTABI
2014-12-11 : RUH ADAMI
2014-11-29 : NAXIŞLI ADAM
2014-11-20 : HƏYATIMDAKI ADAM
2014-11-15 : DİQQƏT TALONU
2014-11-14 : "QUM SAATI"
2014-11-12 : STATUS - KVO
2014-11-08 : BİR ƏTƏK DAŞ
2014-11-04 : PAMBIQLI QULAQLAR
2014-10-29 : "ƏDƏBİ HƏYAT"
2014-10-11 : AŞ QARASI
2014-10-04 : ZİNDAN UŞAQLARI
2014-09-03 : "YADA DÜŞDÜ"
2014-08-23 : İÇİMDƏKİ TOY
2014-07-18 : Kimsə yoxdu...
2014-07-05 : KİŞİ
2014-06-21 : ÜZ SUYU
2014-06-14 : TANISAM UTANACAQ
2014-05-24 : DİŞ ÇÖPÜ
2014-04-26 : QURU ADAM
2014-03-20 : İynə boyu yazı
2014-03-15 : LƏNƏTLƏNMİŞ
2014-01-25 : ÖZGƏ PALTARI
2013-12-21 : İSİNİŞMƏ...
2013-11-09 : QANADLI GÜNLƏR
2013-07-27 : DOST GEDİB...
2013-07-20 : PALAZA BÜRÜN...
2013-07-13 : YARIMÇIQ YAZI...
2013-05-08 : RUHUMUZUN ÜNVANI
2013-05-04 : "MAYOVKASIZ" MAY
2013-01-19 : DİRƏDÖYMƏ...
2012-12-20 : ATILAN İLK ADDIM
2012-12-08 : ÖGEY ANA
2012-12-07 : ŞAD XƏBƏR:
2012-11-27 : CANLI TARİX
2012-11-24 : SƏNSİZ
2012-11-16 : ÜMİD VERMƏK
2012-11-14 : SƏNSİZ
2012-10-13 : "BİZİM DÜNYA"
2012-08-18 : ADSIZ GÜNAHLAR
2012-06-23 : DON JUAN
2012-06-15 : ONDAN HAMIYA
2012-06-14 : RÜSTƏM KAMAL
2012-02-25 : DOLABDAKI ÜRƏK
2012-02-04 : BİR QIŞ NAĞILI
2012-01-07 : DİQQƏT QITLIĞI
2011-12-31 : SOVQAT
2011-12-17 : NƏFƏSLİK...
2011-11-12 : DOLAB
2011-08-27 : BİR SEVGİ DRAMI
2011-07-22 : SÖZÜN GÜNÜ
2011-07-16 : SİRLİ ZƏNG
2011-07-02 : İLİN YARISI
2011-06-11 : GÖRÜŞ YERİ
2011-05-28 : KÜT BIÇAQ
2011-04-30 : SATILIR
2011-04-23 : QAÇIRILAN QIZ
2011-04-16 : TƏNHA KİŞİ
2011-04-09 : GÖYDƏNDÜŞMƏ
2011-03-19 : AYDINLIQ
2011-03-15 : FRANSIZCA
2011-02-23 : 55-ə ÇATMADIN
2011-02-19 : Bu da bir il
2011-01-29 : GÖZMUNCUĞU
2011-01-22 : HƏYATIN BİR ANI
2011-01-08 : BAŞLANĞIC
2010-12-31 : BU DA İLİN SONU
2010-12-25 : CAN AĞRISI
2010-11-06 : SEÇİLƏN
2010-10-30 : YARALI DURNA
2010-09-18 : PƏRAKƏNDƏ YAZI
2010-07-31 : Axtarış
2010-07-02 : ÜMİD SORAĞINDA
2010-05-01 : DÜYÜNÇƏ
2010-04-17 : CƏRRAH BIÇAĞI
2010-02-20 : DÖZÜM MƏQAMI
2010-01-30 : AYRILIQ ANI
2010-01-16 : SEÇİM ANI
2009-12-12 : SÜKUTLA SÖHBƏT
2009-11-27 : BƏRAƏT KAĞIZI
2009-11-21 : KÖLGƏLƏR...
2009-10-31 : YARPAQ TÖKÜMÜ
2009-10-10 : CAVABSIZ SUALLAR
2009-09-12 : BİR AN
2009-08-22 : HƏFTƏMİN ACISI
2009-06-20 : XOCALI TOYU
2009-06-06 : UZUN BİR GÜN...
2009-05-23 : VAXTINDA
2009-05-02 : AĞLAYAN BULUDLAR
2009-03-14 : "BƏXTƏVƏRLİK"
2009-03-07 : ANAMA MƏKTUB...
2009-02-28 : ADİ RİYAZİYYAT
2009-01-31 : CAN AĞRISI
2009-01-24 : "ƏZABSIZ ANLAR
2009-01-10 : BƏHANƏ
2008-12-31 : Bazarlıq
2008-12-13 : DƏLİ ADAM
2008-12-06 : FAYDASIZ QAZINTI
2008-11-22 : PULUN VAR?
2008-11-15 : QALXANIN ENMƏSİ
2008-10-18 : ÖMRÜN BİR ANI
2008-10-11 : PAYIZ YAĞIŞLARI
2008-09-28 : MƏKTUBLAŞMA
2008-09-06 : QAYNAR QAZAN
2008-08-30 : ERA
2008-08-23 : OVCUMDA YANAN OD
2008-08-02 : QARIŞIQ YAZI
2008-07-12 : QƏFLƏT YUXUSU
2008-06-28 : ƏRKƏSÖYÜN
2008-06-07 : BAŞ AĞRISI
2008-05-17 : QURUMUŞ GÜLLƏR
2008-04-19 : DAŞ
2008-03-20 : ATHAAT
2008-02-02 : PASİBAN
2008-01-12 : AMERİKA AYISI
2007-12-06 : XƏBƏRDARLIQ
2007-11-24 : QALMAQAL
2007-11-23 : ÇÖKHAÇÖK
2007-11-22 : QIZDIRICI...
2007-11-03 : QOYUN BƏXTİ...
2007-10-27 : AŞİQLİK
2007-10-24 : XƏCALƏT
2007-10-19 : PAYIZ NOTLARI
2007-10-10 : BASARAT
2007-10-06 : PERSONAJ
2007-10-06 : ƏBƏDİ ÜNVAN
2007-10-05 : ÜÇ PÖHRƏ
2007-10-04 : HADİSƏ
2007-10-03 : HAVA
2007-10-02 : ÜZƏRLİK
2007-09-22 : HÖKM
2007-09-15 : VAHİMƏ
2007-09-01 : İNSTİNKT
2007-08-28 : NİYƏ ÖLDÜ?..
2007-08-15 : GÜNAH
2007-08-11 : PARALEL
2007-08-08 : GÜNVURMA
2007-08-07 : SALON
2007-08-04 : HÖRMƏT(sizlik)
2007-07-31 : TELEFON ZƏNGİ
2007-07-28 : QUDUZLUQ
2007-07-26 : BU DA 17 YAŞ...
2007-07-17 : BİLİRSƏNMİ?
2007-07-11 : BAŞAĞRISI
2007-07-04 : MƏNİ TANIMADIN?
2007-07-03 : SERİAL
2007-06-12 : "DEPUTAT OTAĞI"
2007-06-09 : ÖRKƏN
2007-05-25 : QARAVƏLLİ
2007-05-20 : AXSAYAN YERİMİZ
2007-05-05 : MUSA YAQUB -70
2007-05-01 : KƏNDİR
2007-04-20 : ŞƏKİL
2007-04-14 : STRESS
2006-12-08 : YUXU
2006-10-14 : GÜNAH
2006-10-10 : LAZIM GƏLSƏ...
SON XƏBƏRLƏR
2018-07-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Yay tətilini harada keçirirsiniz?

Evdə (20%)
İşdə (80%)

ÇOX OXUNAN
GÜNÜN LƏTİFƏSİ
Bir məşhur həkim öz işini oğluna tapşırır. Oğlu işdən evə sevinclə qayıdaraq deyir:
- Ata, sənin 30 ildir müalicə edə bilmədiyin xəstəni mən bir günə müalicə etdim.
Atası əsəbiləşərək deyir:
- Sən nə etdin?! Mən 30 ildir ailəmi o xəstənin hesabına saxlayıram.




digər lətifələr
ARXİV
FACEBOOK