Film izle hacklink kiralık bahis sitesi satılık bahis sitesi Adalet.az | Elinanın atası həkimləri günahlandırdı - VİDEO Adalet.az | Elinanın atası həkimləri günahlandırdı - VİDEO Adalet.az | Ədalət -
ANA SƏHİFƏ / MÜSAHİBƏ

Elinanın atası həkimləri günahlandırdı - VİDEO

20897    |   2019-04-12 11:01
Şriftin ölçüsü:
A+ Böyütmək
A+ Balacalaşdır

Bakı şəhəri 162 saylı tam orta məktəbin intihar etmiş 8-ci sinif şagirdi Elina Hacıyevanın adının ətrafında yaranmış söz-söhbətlər bitmək bilmir.

Bununla bağlı News24.az mərhum qızın atası Ədalət Hacıyevlə görüşüb, eksklüziv müsahibə alıb.

Müsahibəni olduğu kimi təqdim edirik:

- Elina sizə məktəblə bağlı hər hansı şikayət etmişdimi?

- Mənim hazırda ikinci ailəm var. Buna baxmayaraq, qızım Elina həmişə evimə gəlib-gedib. Yoldaşım da onu həmişə yaxşı qarşılayıb. Nə istəyibsə, etmişik. Mənimlə çox yaxın olub. Hər gün danışırdıq. İntihar etməmişdən iki gün öncə də söhbət etmişik. Yazışmalarımız da telefonumda var. Mənə heç kim onun əziyyət çəkdiyini deməyib. Bir dəfə insident olmuşdu. Saçını qırmızı rəngə boyamışdı. Anası mənə zəng vurub bu haqda məlumat verdi. Onu məktəbdən götürüb geyim aldım və salona yola saldım ki, saçının rəngini normal vəziyyətə qaytarsın. Bununla da məsələ bağlandı. Üç gün bizdə qaldı sonra isə evə getmək istədi. Anası da dedi ki, göndər, gəlsin. Bir sözlə, qızımla münasibətim həmişə yaxşı olub. Mənə heç vaxt şikayətlər etməyib. Nəsə elə bir şeydən xəbərim olsaydı, məsələyə qarışardım.

- Həyatda bəzi şeylər olur ki, bəzən qız uşaqları atalarına açıla bilmilər...

- Məktəbi haqda da həmişə maraqlanmışam. İstəsəniz səs yazılarını da sizə göstərə bilərəm. Əgər qorxsaydı qorxa-qorxa danışardı. İndi faktlar çıxır ki, Elinanı kimsə döyüb və ya əzab verib. Mənə bu haqda heçnə deməyib.

- Ölümündən sonra Elina təbii ki, özünü müdafiə edə bilməz. Onun olduğu deyilən yayılmış görüntülər haqda nə deyə bilərsiz?

- Mənə hazırda əzab verən elə şeylərdir! Bu gün Səhiyyə Nazirliyində olmuşam, danışmışam! Başa düşürəm, qızımı qaytara bilməyəcəyəm. Amma mənim istədiyim odur ki, balamdan sonra bu zülmü heç bir uşaq çəkməsin. Övladımın adına ləkə yaxırlar, artıq-əskik söhbətlər edirlər. Elina elə uşaq olmayıb. Ailəmiz 13-14 il bundan öncə dağılıb. Amma anası da mən də qızımızı həmişə diqqətdə saxlamışıq. Elinanın adına kimsə nahaqdan söz çıxardırsa, gözünün qabağına öz balası gəlsin. O cür görüntülərə Elinanın adı ilə "Şok” yazıb, internetdə yayırlar. Bu da mənə pis tısir edir!

- Sizcə o görüntülər, eləcə də xoşagəlməz yazılar kimin əli edilir?

- Bilmirəm! Üç-dörd gecədir yatmıram. Oturub, o görüntülərə baxıram və əzab çəkirəm. Balamın məzarına gedirəm. Saf uşaq idi. Onun adına söz çıxardırlarsa, Allah onların bəlasını versin. Bundan artıq nə deyim?

- İntihardan sonra sizin səs yazınız yayıldı. Deyildi ki, təcili yardım vaxtında getməyib və buna görə də xilas edə bilməyiblər.

- Mən onun 3 mərasimini verəndə yanıma bir nəfər gəldi. Başsağlı verdi mənimlə söhbət etməyə başladı. Baxıram ki, üztündə gizli kamera ilə məni çəkir. Ona dedim ki, yas yerinə gəlmisən, bu nə deməkdir ki, məni çəkirsən. Yəni, siz özünüz üçün şou yaradırsınız. Mənim zülmüm, ürək ağrım harada, siz nə edirsiniz... Camaat tamamilə dəyişib! Övladımın ölümünü şoulaşdırmamağı artıq dərəcədə hər kəsdən xahiş edirəm! Onun ruhunu incitməsinlər!

- O hadisədən sonra Elinanı xəstəxanada gördünüzmü?

- Mənə zəng olunan kimi, həmin dəqiqə taksiyə əyləşib, xəstəxanaya getdim. Mənə Elinanın Toksologiyada olduğunu dedilər. Ora çatanda isə gördüm ki, onu xərəkdə aparırlar. Mən birinci dəqiqədən xəstəxanada olmuşam. Anasıgil isə bir az gec gəldilər. Çünki onları məktəbə göndərmişdilər. Onunla MRT, USM-yə girmişik. Daha sonra isə reanimasiyaya qaldırdılar və mənə gözləməyimi dedilər. Reanimasiyanın qapısında dayanan tibb işçiləri məni içəri girməyə qoymadılar. 8-ci Polis bölməsindən 2 polis əməkdaşı Elinanın olduğu otağa girib-çıxdıqdan sonra həmin tibb işçilərinə atası olduğum üçün mütləq onun yanına girməli olduğumu dedilər. Mən içəri daxil olanda vəziyyəti yaxşı idi. Onunla söhbət etmişəm. Düzdür, ağrıları var idi, amma fikri yerində idi.

- Rentgenin nəticələri necə çıxmışdı?

- Dedilər ki, çanağında sınığı var.

- Elinanın həyatı kimin və nəyin qurbanı oldu?

- Vallah bilmirəm. Mən də istəyirəm ki, bilim səbəb nə idi və günahkarlar tapılıb, hüquq çərçivəsində cəzalandırılsınlar!
Elinanın atası müsahibəsində onu da qeyd etdi ki, o şok vəziyyətində olduğu halda bir neçə tibb bacısı ondan pul alıb, lakin onu Elinanın yanına buraxmayıblar. Həmçinin həkimlər də otağın reanimasiya şöbəsi olduğu halda ayaqqabı ilə daxil olurdular. "Mən həkimə arxayın olub uşağımı orda qoydum. İnsan özü olanda rahat hərəkət etmək olur, lakin bu uşaqdır, tərpətsəm nəsə ola bilər. Mən bilmirdim onun vəziyyəti necədir. Bilsəydim ki, ona iynə vurmurlar, uşağımı orda qoymazdım. Ora məktəb paltarında gəlmişdi, mən meyitini götürəndə də, məktəb paltarı onun üstündə idi. Qapıdan girən kimi, biri qayıtdı ki, 5 manat mənə ver, digəri dedi 5 manat mənə ver. Daha sonra iki qadın yaxınlaşdı kagız verdi ki, bunu doldur dedilər. Mən də şok vəziyyətində idim. Kagızı yazdım, məndən 20 manat aldılar. Mən o 20 manatın dərdini çəkmirəm, mənə uşağımın sağlığı lazım idi.", - deyərək Elinanın atası qeyd edib.




İmza:

Samir Mustafayev: Ürək xəstəlikləri səbəblərinin aradan qaldırılması insanın öz əlindədir

Abutalıbov cibindən Quran çıxarıb dedi ki... - MÜSAHİBƏ

"Cavanşir Yusiflinin yazdıqlarını başa düşmürəm" - MÜSAHİBƏ

Əli Əhmədov: “İstefaya getmək məmurun cəzalandırılması deyil” - MÜSAHİBƏ

Şəfəq Şahməmmədova: Azərbaycan Dillər Universitetinə maraq ildən-ilə artmaqdadır

VAQİF ƏSƏDOV: MƏNZİL BAŞINA SALAMAT ÇATMAQ İSTƏYİRSİNİZSƏ...

“Döyüşə gedəndə də heç kimi özündən qabağa buraxmırdı...”

Sevqi birlikdən yaranır, birliyə aparır - PSİXOLOQLA SÖHBƏT

Şəhid pilotun xanımı: “Oğlum dedi ki, axı haqsızlıqdır, atamı qoxulamaq istəyirəm...”

Aysel Əlizadə: "Xəyanəti fiziki akt, hadisə saymıram" - MÜSAHİBƏ

"Məhərrəm hüzn, kədər və matəm ayıdır"

İnsan dünya planetini özü ilə yüksəldə bilər

SON XƏBƏRLƏR
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK