Film izle hacklink kiralık bahis sitesi satılık bahis sitesi Adalet.az | AQİL ABBAS: HAQVERDİYEV QORXDU, MİRZƏ CƏLİL QORXMADI Adalet.az | AQİL ABBAS: HAQVERDİYEV QORXDU, MİRZƏ CƏLİL QORXMADI Adalet.az | Ədalət -
ANA SƏHİFƏ / YAZARLAR

AQİL ABBAS: HAQVERDİYEV QORXDU, MİRZƏ CƏLİL QORXMADI

9273    |   2019-02-07 10:06
Şriftin ölçüsü:
A+ Böyütmək
A+ Balacalaşdır

Böyük bir kampaniya gedir. Bu kampaniyanı güman ki, xaricdən idarə edirlər. Bəziləri bilərəkdən bu kampaniyaya qulluq edir, bəziləri bilməyərəkdən, bəziləri də küyə gedir gündəmə gəlmək üçün. Və elə bilirlər ki, başqalarını aşağılamaqla özlərini təsdiq edirlər.

Çox ciddi bir məsələdi və bunları da susdurmaq o qədər də asan deyil. Bu kampaniyaya qoşulanlar bütün gücləri ilə sübut etmək istəyirlər ki, biz millət deyilik, nəsə bir toplumuq. Milləti millət eləyən həm də onun yetişdirdiyi böyük şəxsiyyətlərdi. O şəxsiyyətlər ki bu millətin dilini, dinini, əqidəsini, adət-ənənəsini, qan yaddaşını ölməyə qoymayıb. Ona görə də həmin şəxslər hansısa qüvvələrin idarə elədiyi adamlar tərəfindən, xüsusilə də cəmiyyətdə az-çox tanınan, dünyagörüşü olan, tarixi bilən bir zümrə tərəfindən nüfuzdan salınır. Bizi sevməyən xalqlar da onlara istinad edib deyirlər ki, baxın, bu millətin tarixdə düz-əməlli bir şəxsiyyəti, bir dahisi, bir sərkərdəsi olmayıb. Yəni bu necə xalq, ya millətdir ki, neçə min ildi bir şəxsiyyət yetişdirə bilməyib.

Babəkə min cür ləkə atırlar, Nizamini farslaşdırırlar, Nəsimini allahsızlaşdırırlar. Hələ bu günlərdə qəzəlinə bir diringi də qoşublar, televizyonlar da partapart bu diringi qoşanı reklam edir və həmin diringini səsləndirir. Bu «Nəsimi ili»nə ilk «hədiyyə»mizdi.

Şah İsmayılı soldan da vururlar, sağdan da. O gün televiziya kanallarının birində (müsəlmanın o günü, 4-5 ay əvvəl) özünü ziyalı adlandıran bir siyasətçi Şah İsmayılı Osmanlı ilə müharibəsində təqsirli çıxarır və bunun da səbəbini onun nənəsinin yunan olması ilə əlaqələndirir. Heç dəxli var? Əgər belə götürsək, Osmanlı sultanlarının heç birinin qanında heç on faiz türklük yoxdu. İkisindən başqa heç birinin xanımı türk deyil. Deməli, vəliəhdin türklük qanı əlli-əlliyə düşür. Vəliəhd də qeyri-millət alır, növbəti vəliəhdin, ya sultanın türk qanı iyirmi beşə düşür. Ondan sonrakıların qanını da, həmin ziyalının Şah İsmayılla bağlı hesabı ilə hesablasaq, onda türk sultanlarının qanında heç on faiz də türklük qalmır. Yenə heç olmasa, Şah İsmayılın türklüyü yetmiş beş faiz olur. Belə bəsit düşüncələr…

Koroğluya min iftira atırlar, hətta Koroğlunu və onun dəlilərini aşağılayan bir uydurma dastan yazıb kitab halında babat tirajla çap da elətdirdilər.

Qaçaq Nəbini quldur adlandırırlar, bu azmış kimi də Həcərə olmazın ləkələrini atırlar.

Şərqdə ilk demokratik respublikanı qurmuş, canını bu xalqın yolunda qurban vermiş görkəmli şəxsiyyətlərə şər və böhtanlar atılır. Haqq şairi Səməd Vurğun haqqında nələr yazmırlar?

Təbii ki, cavablarını alırlar, amma xaricdə oturan düşmənlərimiz o cavablara istinad eləmir, şər-böhtan atanlara istinad edir.

Zaman-zaman hədəfə gələnlərdən biri də bu xalqın, bu millətin yolunda çərlədilib öldürülən Mirzə Cəlildi.

Ağcabədinin Kəbirli kəndindən Behbud adlı orta məktəb şagirdi təxminən qırx il əvvəl Nüsrət Kəsəmənliyə iki şeir göndərmişdi. Nüsrət da o şeiri çap elətdirmişdi. Biri beləydi: «Qaldırın dünyanı çiyinlərimə».

İndi yuxarıda adlarını sadaladığım (təbii ki, hamısını yazmadım) şəxsiyyətlər kimi Mirzə Cəlil də bu dünyanı olmasa da, bu milləti, bu xalqı çiyinlərinə qaldırıb. Və Azərbaycan xalqı bu şəxsiyyətlərin və Mirzə Cəlilin çiyinlərində bu günə gəlib çıxıb. Ustad yenidən hədəfə alınıb. «Molla Nəsrəddin» kimi möhtəşəm bir jurnal «xalqın üz qarası» adlandırılıb. Ziyalılar mətbuatda cavabını veriblər. Cavab verənlərdən biri də mən idim. Baxıram, indi yenə bir nəfər bütün cavab verənlərə, eləcə də mənə dərs demək eşqinə düşüb. Mən Mirzə Cəlildən dərs almış adamam. Və bu gün Azərbaycanda bir yazıçı kimi az-çox tanınıramsa buna görə ən çox borclu olduğum şəxslərdən biri Mirzə Cəlildi.

Köşənin adını niyə «Haqverdiyev qorxdu, Mirzə Cəlil qorxmadı» qoydum?

Haqverdiyev ən çox sevdiyim, öyrəndiyim və söykəndiyim bir yazıçıdı. Mirzə Cəlil hansı zirvədədirsə, Haqverdiyev də o zirvədədi.

Azərbaycanda Sovet hökuməti qurulandan sonra bəy nəslindən olan və demək olar ki, nəslinin yarısı qurşuna tutulan, yarısı başını götürüb İrana, Türkiyəyə qaçmağa məcbur olan Haqverdiyev təzyiqlərə dözə bilmədi. Güllələnmədən, ya sürgünə göndərilməkdən canını qurtarmaq üçün Sovet hökumətini tərənnüm edən əsərlər də yazdı. Amma Mirzə Cəlil sonadək mübarizəsini apardı, bir addım geri atmadı. Ac qaldı, susuz qaldı, amma yenə dedi ki, dediyim dedikdi. «Molla Nəsrəddin» jurnalını əlindən aldılar, hətta sonda jurnalın adını dəyişib «Allahsız» da qoydular.

Mən Mirzə Cəlilin şəxsiyyəti ilə bağlı nəsə geniş bir məqalə yazmıram, çünki Mirzə Cəlilin dahiliyini və faciələrini Anar müəllim «Anlamaq dərdi» əsərində o qədər gözəl xırdalayıb ki, ondan yaxşısını yazmaq çətindi.

Mənə dərs demək istəyən və Mirzə Cəlilə ləkə atanlara həmin əsəri oxumağı məsləhət görürəm. Sonra gəlsinlər söhbət edərik.

Bugünki sayımızda da Mirzə Cəlilin çox sevdiyim bir hekayəsini çap edirəm.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-19
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK