ANA SƏHİFƏ / YAZARLAR

AQİL ABBAS:ÖLÜLƏRİMİZİ BƏRƏKƏT TOXUMU TƏK BASDIRIRIQ TORPAĞA

10014    |   2019-01-16 10:00
Şriftin ölçüsü:
A+ Böyütmək
A+ Balacalaşdır

Möhtərəm Prezidentimiz İlham Əliyevin sərəncamı ilə 2019-cu il «Nəsimi ili» elan edilib. Bu sərəncam xalqımızın dahi mütəfəkkiri, filosofu İmadəddin Nəsiminin dünya xalqlarının daha yaxından tanımasında, irsinin daha dərindən öyrənilməsində, əsərlərinin dünya dillərində tərcümə edilməsində çox mühüm rol oynayacaq. Biz bütün dünyaya sübut edə bilərik ki, Avropanın bəh-bəhlə qəbul elədiyi, həqiqətən də görkəmli şəxsiyyətlər olan Kantın, Hegelin, Şopenhauerin, Nitsşenin, Şpinqlerin fəlsəfəsinin kökündə onlardan 500-600 il əvvəl yaşamış Nəsimi fəlsəfəsi dayanır.

Nəsimişünaslıq eləmək fikrində deyiləm, bir məsələyə toxunmaq istəyirəm. Sərəncam imzalanandan sonra baxıram ki, saytlarda, sosial şəbəkələrdə Nəsimi fəlsəfəsindən daha çox Filosofun nəşinin Hələbdən Bakıya köçürülməsindən yazrlar, hətta tələb edirlər.

Belə çağırışları zaman-zaman Füzulinin, Rəsulzadənin, Fətəli xan Xoyskinin, Axundovun və bir çox görkəmli şəxsiyyətlərimizin vətəndən kənarda dəfn olunmuş nəşlərinin Azərbaycana gətirilməsi məsələsi qaldırılıb.


Bu gün bir daha Nəsimi ilə bağlı bu məsələ gündəmi zəbt edib.

Eləcə də Nazim Hikmətin qəbrinin Türkiyəyə köçürülməsi tez-tez müzakirə olunur.

Dostlar, məhz elə Nazim Hikmət bu məsələyə öz nöqtəsini qoyub.

ÖLÜLƏRİMİZİ

BƏRƏKƏT TOXUMU TƏK

BASDIRIRIQ TORPAĞA

GAH VARNADA,

GAH İSTANBULDA,

GAH PRAQADA…

İndi Vətəndən kənarda dəfn olunmuş nəsimiləri, füzuliləri bir bərəkət toxumu tək basdırmışıq həmin torpaqlara. Bu toxumlar zaman-zaman cücərib, qol-budaq atıb və zaman-zaman da cücərib, qol-budaq atacaq. Onların hər birinin yatdığı torpaq elə bizim Vətənimizdi.




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2020-07-03


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (88.57%)
Pullsuz (11.43%)

ÇOX OXUNAN
GÜNÜN LƏTİFƏSİ

İki qonşu olur: biri hamıya pislik edən, bir neçə villanın sahibi, gününü eyş-işrətdə keçirən, Allahı, peyğəmbəri tanımayan bir məmur. O birisi də Allahı, peyğəmbəri tanıyan, xoş xasiyyətli müəllim.

Bir gün Allahı, peyğəmbəri tanımayan məmur ölür. İki-üç aydan sonra müəllim də ölür.

İnkir-minkir müəllimi sorğulayır, görürlər yaxşı adamdı, amma onun da günahları var. Deyirlər:

- Davay, cəhənnəmə.

Bir söz demədən gedir girir cəhənnəmə.

Bir az fırlanmış görür ki, məmur qonşusu oturub stolun başında, böyür-başında da əyanları. Məmurun başında da dəfnə çələngi. Yaxınlaşıb deyir:

- Qonşu, o dünyanı qatıb-qarışdırdın, min günaha batdın, cəhənnəmdə də stolun başında oturmusan, yanında da əyanların, başında da dəfnə çələngi.

Məmur deyir:

- Ə, yaxşı bax, məni ağaca keçiriblər, başımda çiçəkləyib.





digər lətifələr
ARXİV
FACEBOOK