Film izle hacklink kiralık bahis sitesi satılık bahis sitesi Adalet.az | Bir könül sındırmışam... Adalet.az | Bir könül sındırmışam... Adalet.az | Ədalət -
ANA SƏHİFƏ / YAZARLAR

Bir könül sındırmışam...

5693    |   2018-12-29 00:28
Şriftin ölçüsü:
A+ Böyütmək
A+ Balacalaşdır

Bizim axırımıza çıxmamış biz bu ilin axırına çıxırıq. Bir-iki gündən sonra 2018-ci il də gedib qoşulacaq özündən əvvəlki illərə. İli yola salmaq o qədər də problemli məsələ deyil, 365 gün, lap uzağı olsun 366 gün, vəssalam, sakitcə yerini verir başqasına. İl də bəzi məmurlar kimi deyil ki, oturduğu yerdən tərpənmək istəməyə.
Zurna-balabanla, atəşfəşanlıqla yola salmağa hazırlaşdığımız ildə əziz dostlarımdan birinin xətrinə dəymişəm, təbii ki, istəmədən. Ya zəlzələdən, ya vəlvələdən baş verən bu anlaşılmazlıq üzündən çox əzab çəkirəm. İlin son günlərində istəyirəm ki, yaşananları ətraflı yazım, həm dostum agah olsun, həm də özüm vicdan əzabından qurtulum. Həmrəylik bayramını həmrəy qeyd etmək pis olmaz məncə...
Bir neçə ay bundan əvvəlin söhbətidir, illər uzunu mehriban münasibət qurduğum, bir yerdə təxminən 450 kilo çörək yediyim dostlardan biri zəng vurmuşdu. Həyəcanlı olduğu səsindən bəlli idi, təcili görüşməyimizi istədi. Dostumun bu halına biganə qala bilməzdim, arada xətir-hörmət, duz-çörək məsələsi var idi. Zəngindən yarımca saat sonra görüşdük, məlum oldu ki...
Dostum "Sabah"-"Səbail" matçına 2 bilet istəyirdi. Qəriblikdə texnika elmləri namizədi elmi dərəcəsi alan kiçik qardaşının canına and içdi, aman elədi, dedi ki, son günlər zəng vurmadığı, dil tökmədiyi çox az adam qalıb, amma həmin futbol oyununa bilet tapa bilməyib. Evdə arvad-uşağın üzünə də baxmağa utanır. Hətta Qılıncoynatma Federasiyasındakı qohumunu da işə qoşub, yenə bir şey alınmayıb.
Həmin an dostuma nə cavab verəcəyimi bilmirdim, yaman yerdə axşamlamışdım. Məmləkətdə bir gün sonra keçiriləcək premyer-liqa oyununa bilet tapmaq, özü də ikisini birdən... Bu qəfil görüşdən təxminən 2 ay öncə özüm "Keşlə"-"Sumqayıt" görüşünə bilet tapmaq üçün nə zülm çəkmişdim. Parlament üzvü olan dostum hökumət telefonu ilə ora-bura zəng vurub, xahiş-minnət edəndən sonra oyuna 3 dəqiqə qalmış özümü güclə stadiona çatdıra bilmişdim. Yadımdadır, qapının ağzında bilet axtaran azarkeşlər mənə necə həsədlə baxırdılar. Elə bil Azərbaycan çempionatına baxmağa yox, Messi ilə domino oynamağa gedirəm.
Bütün bunların indi məndən kömək uman dostuma heç bir dəxli yox idi, ona iki bilet tapmaq lazım idi, vəssalam. Elə onun yanındaca AFFA rəhbərliyində təmsil olunan tanışlara telefon açdım, xahiş elədim. Zəng vurduqlarım top atıb başlarını tutdular, dedilər ki, rəhmətliyin nəvəsi, "Sabah-Səbail" oyununa bilet nə gəzir? Fanatlar an azı üç ya öncədən biletlərini sifariş verib, matçın başlama saatını gözləyirlər. AFFA-dakı dostlardan ikisi bir az daha insaflı çıxdı. Biri dedi ki, qardaş, qəm eləmə, gələn mövsüm ölkədə premyer-liqa keçirilsə, "Sabah"-"Səbail" oyununa da olmasa, "Səbail"-"Sabah" matçına bir bilet düzəldərəm. O biri dostum isə PFL-ə zəng vurmağı məsləhət gördü. Mənə ümid yeri kimi baxan dostuma görə bu dəfə PFL-dəki tanışlara telefon açdım. Elə başa düşdüm ki, zəngimdən sevindilər, amma ümid də vermədilər, açıqca dedilər ki, biz bilet işinə baxmırıq, baş məşqçilik, baş hakimlik nə problem varsa kömək etməyə çalışarıq, lakin bilet bizlik deyil. Əsgərlikdə artilleriya qoşunlarında xidmət keçən, indi isə PFL-də top şöbəsinin məsul əməkdaşı kimin çalışan tanışım isə söhbəti çox uzatmadı, dedi ki, başınızın ağrımasını istəmirsinizsə bizim 8 komandalıq premyer-liqanın oyunlarına biletləri bir il öncədən alın.
Telefonda apardığım bütün bu söhbətləri yanımda dayanan dostum da həyəcanla dinləyirdi. Hər dəfə sözüm yerə düşdükcə həm özümdən, həm də ondan utanırdım. Məndən də bir iş aşmadığını hiss edən dostum heç sağ ol da deməyib çıxıb getdi. Aradan ötən bu aylar ərzində telefon zənglərimə də cavab vermir. Bir-iki gün əvvəl ortaq tanışlarımızdan birinin qonşusunun oğlunun kiçik toyunda qarşılaşdıq, heç salamımı da almadı. Üzümə elə tərs-tərs baxdı ki, elə bil Kosova ilə oyunda millimizin qapısına 4 topun hamısını mən təkbaşına vurmuşam və ya Qurban Qurbanovu yığmadan mən istefaya göndərmişəm. Əcəb işə düşmüşəm, AFFA, bir az da PFL futbolla oyun oynayır, arada mən dostumun yanında pis oluram.
İl də başa çatır, təzə il gələnə kimi könlünü qırdığım dostumla barışmaq istəyirəm. "Sabah"-"Səbail" oyununa ikicə bilet tapa bilmədim, "Köhnə İnturist"də 30-40 nəfərlik ziyafət versəm, görən mənimlə barışarmı?




YAZARIN ARXİVİ

2019-06-14 : Ziya
2019-02-09 : Alim-Maestro
2018-09-14 : Bizi deyirlər...
2018-07-04 : İftixarımız
2018-04-07 : Fəxri Zakir
2017-12-02 : Onun adı Rey
2016-09-30 : ...Sadə Qabil
2016-08-13 : Poeziya, Salam
2016-08-12 : Poeziya, Salam
2016-06-11 : Təhsil elçisi
2015-10-09 : Qadağaya qadağa
2015-08-29 : Birinci 10 il
2015-04-11 : Təzə Ağdamlı
2015-03-20 : Bizim Corc
2014-12-13 : "Kitayski" çex
2014-04-05 : Abini anarkən...
2014-01-11 : Əfsanə bolluğu
2013-12-28 : Sonuncu alman
2013-11-30 : Nə sözün?
2012-08-09 : Gedin və baxın!
2012-05-30 : Məqsədli yazı
2011-08-27 : A+A+A
2011-01-08 : Hamı telekanala!
2010-10-02 : Al bıçağı...
2010-06-19 : Top, tar və...
2009-12-12 : 2012
2009-06-20 : YILMAZ, BU KİM?
2009-03-20 : DAVALI YORĞAN
2008-05-24 : Nazirlər soyunur
2008-04-26 : Qalxa-qalxa gedir
2008-03-30 : Tərcümeyi-hal
2008-03-01 : Mənə "beş" ver
2007-11-10 : Reklamlı yazı
SON XƏBƏRLƏR
2019-09-21
2019-09-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (60%)
"Sevilya" (40%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK