Film izle hacklink kiralık bahis sitesi satılık bahis sitesi Adalet.az | Aqil ABBAS: ŞUŞA BAKIYA GƏLMƏK ÜÇÜN AYAQQABILARINI GEYİNİR Adalet.az | Aqil ABBAS: ŞUŞA BAKIYA GƏLMƏK ÜÇÜN AYAQQABILARINI GEYİNİR Adalet.az | Ədalət -
ANA SƏHİFƏ / YAZARLAR

Aqil ABBAS: ŞUŞA BAKIYA GƏLMƏK ÜÇÜN AYAQQABILARINI GEYİNİR

20113    |   2018-11-04 11:25
Şriftin ölçüsü:
A+ Böyütmək
A+ Balacalaşdır

Didəsinə erməni bayrağı sancılmış göz bəbəyimiz Şuşa bir il gözlədi, bizdən bir hay çıxmadı. İki il gözlədi, yenə gördü bizdən bir hay yoxdu. Üç il gözlədi, dörd il gözlədi, beş il gözlədi. Yenə bir hay çıxmadı. Qəzetimizin əməkdaşı Kərim Kərimli «qonaq» kimi Stepanakertə keçəndə soruşdu:

- Ə, Kərim, oğul, bə bu camaat harda qaldı?

Kərim də bilmədi nə cavab versin. Başını saldı aşağı, dedi:

- Camaat ayaqqabısını geyinir. Geyinib qurtaran kimi gələcəklər.

- Bə, hökumət harda qalıf?

- Hökumət də ayaqqabısını geyinir. Bir tayını geyinib, bir tayını da ATƏT götürüb aparıb, gətirib vermir. Hökumət də qalıb təkiskat.

Şuşa istəyirdi Kərim Kərimli ilə çox dərdləşsin, Aşot Kərimin qolundan tutub maşına tərəf dartdı ki:

- Görüş vaxtı qurtardı!

Şuşa Kərimi basdı bağrına, o üzündən- bu üzündən öpdü və dedi:

- Ə, Kərim, bax, nə təhər deyirəm, get heylə də Bakıdakılara de. Əyər bu yaz da gəlif çıxmasalar, özüm duruf gələjəm Bakıya. Söyməlini söyəjəm, üzünə tüpürməlinin üzünə tüpürəjəm. Ondan sonra görüm xəjələtinizdən qonum-qonşunun üzünə nejə baxajaxsınız?

Sonra bir-iki ovuc da torpaq tökdü Kərim müəllimin cibinə. Dedi apar ver bəzi-bəzi millət qəhrəmanlarına, soxsunlar gözlərinə.

Kərim müəllim də gəldi Bakıya. Bəzi-bəzi millət qəhrəmanlarına gücü çatmadı, o torpaqdan bir az mənim gözümə soxdu, bir az da dost-tanışın. Kərim müəllimin torpaq gətirdiyini eşidib bir çimdik torpaq üçün redaksiyaımıza o qədər zəng vuranlar oldu ki! Bu zəng vuranlardan bir qoşun düzəltmək olardı və qoşunla da düz Zəngəzura çıxmaq olardı. Şuşa da nə demişdi, Kərim müəllim hamısını bitdə-bitdə «Ədalət» qəzetinə yazdı. Oxuyan oxudu, oxumayan oxumadı. Dilxor olan dilxor oldu, dilxor olmayan dilxor olmadı.

Yaz da gəldi çıxdı, nə camaat ayaqqabısını geyinib qurtardı, nə də ATƏT hökumətin ayaqqabısının tayını qaytarıb verdi. Bir sözlə, üzümüzə gələn yazda da Şuşada tonqal qalanmayacaq.

İndi Şuşa xəbər göndərib ki, görürəm sizdən bir kəramət yoxdu. Darıxmışam sizlərdən ötrü, özüm ayaqqabılarımı geyinib durub gələcəm sizin yanınıza. Amma bilmirəm, gündə xarici qonaqları qəbul eləyənlər, qəşəng-qəşəng partiyaların başqanları vaxt tapıb məni də qəbul edəcəklərmi? Bax ha, gələndə armud ağacını da özümlə gətirəcəm… Özünüz başa düşdünüz də?!




İmza:

YAZARIN ARXİVİ

2011-01-22 : ÖLÜLƏR
2011-01-08 : ÖLÜLƏR
2010-05-07 : GÜL BAYRAMI
2010-04-30 : DAĞLAR OĞLU
2009-06-24 : EŞŞƏK ZARAFATI
2009-06-20 : DOLU
2009-05-07 : GÜL BAYRAMI...
2008-12-27 : GÜL BAYRAMI
2008-04-12 :
2006-08-30 : İSLAM FAŞİZMİ
SON XƏBƏRLƏR
2019-09-18


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
"Qarabağ", yoxsa "Sevilya"?

"Qarabağ" (66.67%)
"Sevilya" (33.33%)

ÇOX OXUNAN
GÜNÜN LƏTİFƏSİ

Vaxtilə ölkənin baş antisemiti Mixail Andreyeviç Suslov danışdığı bu anektoda hələ də gülürük.

Sovetin vaxtı.

Bulvara bir çəllək kvas gətirirlər. Satıcı onu qoşqudan açıb satmağa hazırlaşır.

Bir nəfər yaxınlaşır:

-Çəlləyin hamısının qiyməti nə edir?

-Özün hesabla: iki yüz litr, hər bardağı da 30 qəpikdən. Yüz iyirmi manat.

-Al, bu da sənin pulun, get gəz, kef elə. Axşam gəlib boş çəlləyi götürərsən.

-Yaxşı!

Satıcı çıxıb gedir. Kişi plakat açır: "Kvas pulsuzdur”.

Camaat əvvəlcə təəccüblənir. Sonra yavaş-yavaş yaxınlaşır. Sonra növbə, sonra uzun növbə, daha sonra əsl izdiham. Söyüş, hay-həşir. Kimi növbəsiz soxulur, kiminə çatmır. Dava, mərəkə, bıçaqlaşma.

Milis gəlib, izdihamı dağıdır. Təhrikçilərisə qoduqluğa.

Kişini də aparırlar.

Sıxma-boğmaya salırlar.

-Dava salmaqda məqsədin nə idi?

-Qətiyyən belə bir məqsədim yox idi!

-Qeyri-qanuni ticarətlə məşğulsan?

-Camaata havayı kvas paylayırsan. Şahidlər var.

-Deməli oğurlamısan!

-Öz pulumla almışam. İxtiyarım çatır.

-Bəlkə dəlisən?

-Normal adamam. Arayışım var.

-Yaxşı, başa düşdük, biz səni buraxırıq. Ancaq, de görüm, niyə bunu edirdin? Niyə öz pulunu göyə sovurursan? Niyyətin nədir?

- Yaxşı, qoy deyim. Mən artıq yaşlı adamam. Dəqiq bilirəm ki, kommunizmə kimi yaşaya bilməyəcəm. Ancaq çox istəyirdim ki, kommunizmin necə olacağını öz gözlərimlə görüm...

Kommunizmdə...





digər lətifələr
ARXİV
FACEBOOK