hacklink Adalet.az | CƏHƏNNƏM GÖRÜNTÜSÜ Adalet.az | CƏHƏNNƏM GÖRÜNTÜSÜ Adalet.az | Ədalət -
ANA SƏHİFƏ / YAZARLAR

CƏHƏNNƏM GÖRÜNTÜSÜ

Fəridə RƏHİMLİ

12066    |   2018-07-20 15:47
Şriftin ölçüsü:
A+ Böyütmək
A+ Balacalaşdır

Adətən vəzifəlilər haqqında deyirlər ki, işdən çıxanın yerinə eləsini gətirirlər ki, gedənin atasına rəhmət oxusunlar.

Xırdalanda bitib-tükənməyən "yol, kanalizasiya tikintisi” başlandığı gündən sakinlərin əziyyəli-əzabı başlayıb, davam edir və qeyri-rəsmi məlumatlara görə hələ iki il də davam edəcək!

Təsəvür edin ki, qırx dərəcədən çox istidə küçələrdəki tozla nəfəsin kəsilə-kəsilə gəlib güc-bəla evə çatırsan, özünü vanna otağına atırsan və... su yoxdu!!!

Yol da ki, yetmişinci illərin kənd yollarını xatırladır. Çala- çuxurda, üstəgəl qırx dərəcə istidə " atılıb-düşən” avtobusda huşunu itirən kim, ürəktutmasından bayılan kim... avtobuslarda da kondisioner yox, qapını açıq qoymaq olmaz – "qayda-qanun var”! Maraqlıdır, bu qaydalar niyə kasıb camaat üçün də işləmir heç? Niyə yolun tikintisi işləri, özümüzə uyuşmasa da nümunə seçdiyimiz, Avropa qaydalarıyla gecələr getmir? Niyə heç olmasa, bircə alternativ yol saxlanılmır ki, yolun biri tikilib istifadəyə veriləndə o birinə keçilsin? Niyə yüksək çinli məmurlara lazım olanda Avropa qaydası, biz kasıblara gələndə cəngəllik qanunları işləyir?

Xırdalanın əsas yollarından əlavə məhəllə yolları, hər tin-döngədə yola bənzər hər nə varsa sökülüb tikinti adına, amma tikintidən əsər-əlamət yoxdur. Payızda bu işlər başlayanda qadınların mətbuatı xəbər vermişdi ki, yaya qədər qurtarsalar böyük iş görmüş olarlar, inanmamışdıq. İndi də o "məlumat bürosu” bu "tikintinin” illərlə davam edəcəyini söyləyirlər. Vay Xirdalanda yaşayanların halına!

Zakir Fərəcovun quruculuq işlərindən sonra yenicə Xırdalan şəhərimizlə fəxr etmək istəyirdik ki, gələnlərin yanında biabır olduq! Səhər öz təbii rəngində çıxıb, axşam evinə bomboz rəngdə dönən tozlu xırdalanlılar isə əllərini üzüb oturublar. Kimsə şikayət etmək, verilən bu cəhənnəm əzabını hansı günahımızla qazandığımızı soruşmaq ixtiyarında deyil. Xırdalanın küçələrində yuvası dağıdılmış arı kimi ordan-ora soxulan avtobusların sürücüləri bəzən dayanacaqdan çox uzaqda saxlayıb elan edirlər ki, burdan o tərəfə gedə bilmərəm, kim filan yerdə düşmək istəyirsə, burda ensin. Kor-peşiman avtobusdan enirsən və bu istidə get görüm necə gedirsən mənzil başına!

Rayondan - Lələtəpədən gələn qonağımızın təəccübdən gözləri bərələ qalmışdı. Lələtəpəyə çəkilən asfalt yoldan ağız dolusu bəhs etdikcə bunu necə izah edəcəyimi bilmirdim.

Nə tikdiklərini, niyə tikdiklərini tam bilməyən fəhlələri kənardan seyr edəndə bu dəhşətli istidən sonra onların evdəki halını düşündükcə yazığım gəlir. Cavabdehlərin, səlahiyyətlilərin heçmi insafı qalmayıb? Günvurma xəstəliyini gözardına alıb ailəsinə bir parça çörək apara bilmək üçün çalışmağa məcbur olan bu insanların heç bir qiyməti yoxdumu sizin üçün? Sitayiş etdiyiniz, hər istəyində (maaş, pensiya artırma, işsizlik problemi... ), tələbində kasıba sitat gətirdiyiniz Avropa standartlarında bu, yumşaq desəm, vicdansızlıq varmı? Sizin üçün heç bir dəyəri olmayan bu insanlar bir evin dirəyi, ümididir axı!

Yuxarıdan vertolyotla baxılsa, Xırdalan faydalı qazıntı alanına bənzəyər, təbii hündürmərtəbəli evləri nəzərə almasaq. Avtomobillərin sıradan çıxan hissələrini, gərəyindən qat-qat artıq sərf edilən yanacağı nəzərə almayıb, yalnız insan amilini - əsəb, gərginlik keçirən, ürək, şəkər, panik-atak, astma və sair xəstəliyi olan insanları düşünsək, bu tikinti adına bəlanın nə qədər sürəcəyini gözləyən xırdalanlıların halına acıyarsınız.

Deyirəm bəlkə Abşeron rayon rəhbərliyi bizi düşünüb - bu qədər günah içində olan insanları gedəcəkləri yerə alışdırır – Cəhənnəm havasına?




İmza:

YAZARIN ARXİVİ

2019-04-05 : YALTAQ
2019-03-20 : YENİ GÜN OVQATI
2019-03-07 : QADIN
2019-02-22 : QAR QAN AĞLAR...
2019-02-08 : YEYİM,YEMƏYİM?
2018-12-22 : GƏL...
2018-12-08 : ZƏRURƏT
2018-11-24 : ALO...
2018-11-08 : PALÇIQ VANNASI
2018-09-14 : ŞİLLƏTERAPİYA
2018-03-30 : YAS DƏFTƏRİ
2018-01-20 : KİTAB OXUYAQ
2018-01-12 : ƏLÇATMAZ ARZU
2017-12-22 : TƏMİZ ADAM
2017-12-08 : SÖZ
2017-12-02 : AĞ XALATLI BƏLA
2017-09-23 : AYRILIQLAR
2017-08-31 : ŞAYİƏBAZLIQ
2017-08-11 : ANAMIN QOXUSU...
2017-06-30 : ŞƏHİDİM
2017-06-02 : ANAMIN QOXUSU...
2017-05-26 : NƏ VAXT QOCALDIM
2017-04-07 : QEYRƏT
2017-02-10 : QƏNAƏT
2017-02-03 : Əl vurmayın...
2017-01-27 : ÜMİD ÖLƏNDƏ
2016-12-23 : SƏBR
2016-12-17 : DEPRESSİYA
2016-12-10 : Sindrom
2016-11-05 : SON BAHAR
2016-10-22 : İNANCIM
2016-08-20 : SƏRHƏD
2016-07-30 : NƏFS...
2016-06-11 : KİŞİ SÖZÜ
2016-02-20 : YALTAQ
2016-02-06 : ÜMİD QAPISI
2016-01-30 : ÇƏTİN XİDMƏT
2016-01-16 : ACLIQ
2015-11-28 : AD QOYANIN...
2015-11-14 : ÜMİD KÖRPÜSÜ
2015-10-17 : YAĞIŞ YAĞIR...
2015-09-12 : DOST
2015-08-29 : LOĞMANLARIMIZ
2015-07-11 : İMAN BAYRAMI
2015-06-03 : İT ÖMRÜ
2015-05-02 : HACI ... LEYLƏK
2015-03-20 : YAŞAM SEVGİSİ
2015-02-21 : BÖHTAN
2015-01-17 : ÇÖPÇÜ
2014-12-27 : HƏMRƏY OLUN
2014-12-20 : SON İSTƏK
2014-12-13 : XƏZİNƏ
2014-11-08 : YÜK
2014-10-11 : HARAM SÜFRƏ
2014-09-20 : NOOLDU BİZƏ?..
2014-09-13 : UDUŞ
2014-09-06 : İSLAHAT
2014-08-30 : YAŞAM SEVGİSİ
2014-08-23 : YUXU
2014-07-26 : Əzrayıl andı
2014-07-19 : DİLƏNÇİ
2014-07-05 : DÖN
2014-06-14 : ÖZGƏ DƏRDİ
2014-06-07 : TUTİYƏ
2014-04-26 : MƏNƏMLİK
2014-04-05 : EVDAR KİŞİLƏR
2014-01-18 : ACI XATİRƏLƏR
2013-12-21 : QƏLPƏ
2013-12-07 : YAŞAMAQ ƏZMİ
2013-11-23 : GETMƏ...
2013-11-16 : ARXALI...
2013-11-09 : GÜNLƏR...
2013-10-26 : SARI GƏLİN
2013-10-19 : DƏLİ
2013-10-05 : FÜZULİ NAĞILI
2013-09-28 : VAXT OĞRUSU
2013-09-07 : ÖZÜNÜ TANI
2013-08-17 : ÇÖRƏK OĞRUSU
2013-08-03 : ZƏKAT
2013-07-27 : TALE
2013-07-20 : TALE
2013-06-15 : YAD AĞLAR...
2013-05-25 : DƏVƏ DÖZÜMÜ
2013-05-11 : ŞUŞANIN HİMNİ
SON XƏBƏRLƏR
2019-11-14
2019-11-13


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Dövlət xəstəxanaları pulludu, yoxsa pulsuz?

Pullu (93.33%)
Pullsuz (6.67%)

ÇOX OXUNAN
GÜNÜN LƏTİFƏSİ
"- Orda danışdığın anektodu mənə də danışa bilərsən?"

"Lavrov: 

- Hansını? Mollanın Teymurla olan fil anektodunu?"



digər lətifələr
ARXİV
FACEBOOK